أخوي الكريم حياك الله في ربوع أبها البهية .. وفي منتداك ..

• أنسب وقت في أبها هو قبل رمضان من معظم النواحي ..
• السكن متوفر .. بس الله يعين على الأسعار ..
• الكثافة لا علم لي حيث سفري سيكون الاسبوع القادم ولكن حسب ما سمعت بأن الكثافة لهذه السنة عالية نوعا ما لأن الجو والمناظر أفضل ..
• تخف الزحمة مع بداية رمضان جدا حيث يتوجه السواح لمكة وجدة والمدينة ..
• بالنسبة للسكن النظيف .. ما قصروا الشباب في مواضيعهم .. وحياك أخي الكريم ..

شكراً لك عزيزي وبانتظار مزيد من الآراء

ان شاء الله السكن متوفر اذا كان في هذه الايام مع الزحمة متوفر سكن بس الله يعينك على الاسعار
وانصحك اسكن في خميس مشيط او الواديين او المسقي ارخص بكثير

اقول الله يعينك على السياحه الداخليه اقولك انحش احسن لك اقعد ببيتك لفيت ابها على الواديين وخميس مشيط مافي سكن وان لقيت شقه خايسه اكرمك الله فهي ب500 ريال وطلوع ونزول بالسياره حتى الاقمشه خربت زود حق التذاكر وسافر برا افضل مليون مره

ياجماعة أنا جاي إن شاء الله يوم السبت بعد يومين وش رايكم تنصحون أو لا
شااكر ومقدر ...

السلام اخوي عبد القيوم ؛؛؛انا توني راجع من ابها ؛؛بقولك ملاحظاتي عليها ؛؛
×× اذا كنت بتروح طيران تفرق عن السياره لانني رحت بالسيارة واستمتعت صراحه بالمدن اللي مريتها وان رحت عن طريق الخرج/الدلم/الافلاج/حوطة بني تميم/الافلاج/السليل/وادي الدواسر /تثليث/طريب /الخميس /ابها طريق اكثر من رائع سريع ولايوجد زحمه وامشي بالنهار افضل اذا كنتم عائله
××السكن انصحك ماتسكن بوسط ابها لانك بتسكن غالي وماراح تستفيد شي انا سكنت على طريق الفرعاء شقق حلوة ونظيفه وكل الخدمات عندك تبعد عن ابها عشر دقايق الشقق اسمها رويال بقرية المحارث بطريق المتنزهات (الفرعاء؛؛الحبله؛؛)اخذتها ب250 ريال فقط لمدة 12يوم او اسكن بالواديين قريب من الحبله والمسقي مدينه كاملة الخدمات كل شي تبيه فيها
××لاتروح الا وعزبتك كامله معك للطبخ لانه الجو حلو ولازم تطلع من بدري وتسوي فطورك وغداك بنفسك متعه مابعدها ؛؛المطاعم كثيره بس افضل مطعم البيت اللبناني حلو لاني تغديت مره فيه
××الاسواق كثيره وخميس مشيط افضل من ابها من ناحية التسوق والتنوع بالمولات ؛؛عندك ابها مول وعسير مول بابها بالاضافه الى خيام التسوق المنتشره بالمنطقه
××يوجد مهرجان ابها للتسوق بارض المعارض بالقرب من مطار ابها حلو وكل شي متوفر فيه خيمه تسوق ومطاعم وعروض حلو بعد
××الاطفال لازم تاخذ لهم ملابس ثقيله شوي لانه برد من بعد المغرب ؛؛والبطانيات ضروريه ؛؛؛
××اذا بتتواعد مع عائله او عائلتين من الاقارب بتطلع السفره فله ووناسه ؛؛؛
××اهم شي التخطيط السليم للسفره وميزانيتها عشان تعرف وش انت عليه ؛؛
×××××دعواتكم لي بالولد الصالح×××××

عزيزي أبو السبع شاكر لك تفاعلك وتواصلك
ولكن كيف الأجواء ممطرة ، باردة ، الأرض مخضرة
كيف الزحمة خفّت أو باقي
السكن الذي ذكرت كيف نظامه لأني أبغى غرفة وصالة لشخصين (عوائل ) شاكر لك

هلا اخ عبد القيوم ؛؛؛اخوي شف الجو ممطر وضباب وبارد بالليل ؛؛؛اما الزحمه فاهل الخليج اتوقع خفوا اما الزوار من داخل السعوديه مازالوا لان تو العطله ورمضان ؛؛؛والشقه اللي اخذتها 3غرف وصاله وحمامين اكرمكم الله ومطبخ وفيه غساله وثلاجه وفرن وادوات مطبخ ؛؛وبجوار الشقق اسواق تموينيه كل شي عندهم حتى لبن العصفور ((ههه)) وسلامتك ياطويل العمر انا كنت مثلك متردد ويوم رحت انبسطت جدا """"""