ابشر ان شاء الله باجابات لكل تساؤلاتك بس انا الحين مشغول شويات وارد لك

الله يسعدك وانا بإنتضارك انت والاخوان الكرام

وعليكم السلام ورحمة الله وبركاته
ويا صباح النور
المبلغ كافي جدا باذن الله خصوصا انك منت رايح لبالي واحسنت الاختيار
اقتراحي انك اول ماتاصل تنزل بجاكرتا يوم و تريح واليوم الثاني تطلع لبونشاك لمدة 8 ايام وبعدها لباندونق لمدة 3 يومين وبعدها لجاكرتا لمدة 2
بالنسبه للحجز جاكرتا و باندونق عن طريق البوكينق او اقودا ويفضّل من الحين تحجز علشان السعر وعلشان تلقى اللي تبي وبنوشاك من هناك تحجز اذا تبي فله او فندق
وبالنسبه للصرف اصرف من السعوديه 2000 ريال و25 دولار علشان الفيزه والباقي تصرفه من اندونيسيا علشان العمله يوم فوق ويوم تحت فا الافضل انك تصرف كل يومين تقريبا يعني ماتصرفهن كلهن بيوم واحد
الصرفيه تعتمد عليك لكن تقريبا 500 الى 600 ريال واذا تبي تفصّل اكثر احسب من 5000 الى 6000 للسكن السكن وتقريبا 2000 للمواصلات والباقي حق اكل وهدايا وتمشيه وهذا بالعاده مايكلف شي واجد يمكن اكثر شي يكّلف الهدايا
المبلغ خذه معك كاش لان لو تبي تصرف عن طريق الصراف ياخذون مبلغ مهو هيّن والبطاقه خل فيها 2000 ريال احتياط لو صار شي لاسمح الله يكون المبلغ هذا معك
وبالنسبه للسفر لحالك هذا يعتمد على جوّك اذا كان ماعندك مشكله تسافر وحداني امورك تمام ومالها اي علاقه بالمشاكل او المضايقات يعني ماتفرق كنت لحالك او مع شباب يمكن تفرق الخبره بس اذا كان معك واحد طالع قبل للديره ويعرف اللي فيها وامور زي كذا اما مضايقات وغيره مالها علاقه ,,,, وانا بالنسبه لي افضل السفر وحداني وكل واحد وجوه
ولا ثقلت ولا شي افا عليك بس حنا كلنا هنا جايين نفيد ونستفيد واتمنى اني جاوبت على كل استفساراتك
واي استفسارات ثانيه حنا حاظرين
والعفوا وماسوينا اي شي
ملاحظه: انا للحين ماسافرت لاندونيسيا بسافر ان شاء الله يوم الاحد الجاي يعني بعد اربع ايام وباذن الله بجيب تقرير مفصّل عن سفرتي وتستفيد منه ان شاء الله وكلامي هذا حسب كلام وتجربة الاخوان اللي بالمنتدى

الله يجزاك بالخير اخي برزان
افدتني كثيراً
تروح وتوصل بالسلامة إن شاء الله

ما قصر الغالي برزان وما شاء الله عليه كفى ووفى الله يجزاه خير ومداخلة بسيطة رغم انني لا أحب السفر وحيدا مهما كانت الأسباب ووجود الخوي والصديق يجعل للسفر متعة وعلى العموم الأفضل السكن في فنادق 4-5 نجوم وبالنسبة للجبل حاول السكن في فندق سيروني3 لان الفيلا صعبة وموحشة لشخص واحد ولله يوفقك ويحفظك

المفترض كان معي خوي لاكن جاتة ضروف وكنسل واضطريت اني اسافر لوحدي... الف شكر لك على النصيحة