السلام عليكم ورحمة الله وبركاته ..
أنا من زمان أقرأ معلومات من هذا المنتدى الأكثر من رائع , والشامل بجميع الأشياء
لكن لدي بعض الأستفسارات المختصه في سفرتي والمحتار كيف أرتبها وأنسقها ..
وقلت كل واحد عنده معلومات ماراح يقصّر معاي في أي شي أطلبه ..
أولاً : أنا سفرتي قريبه أن شاءالله راح تكون بتاريخ 29 ديسمبر وأول مره بنسافر أنا وزوجتي أوروبا ..
وحجزنا راح يكون ( دمام - باريس - ميلان - دمام )
ومدة السفر تقريباً 18 أو 19 يوم ..
وقلت راح أجلس أسبوع في باريس وباقي السفره راح أقسمها مابين أسبانيا وإيطاليا ..
البعض نصحني بالطيران الداخلي ..
والبعض الأخر ب الميترو ..
وأنا مثل ماوضحت أعلاه أول مره أسافر بره وبالخصوص لأوروبا وماعرف شي ..
السؤال هنا كيف تنصحوني أطلع لأسبانيا وأيطاليا ..؟
مع العلم الرجعه إلى البلد راح تكون من مطار ميلان لأني حاب أزور أيطاليا بعد ..
وإلى الحين أموري جاهزه في تذاكر السفر وحجز الفنادق ..
وهذا الأهم طبعاً في أي سفره حتى لو ماكانت أوروبا ..
ثاني شي أنا للحين ماحجزت تذاكر لبرج إيفل وتذاكر ديزني ولا أي معلم من المعالم الشهيره ..
زي قوس النصر ومتحف اللوفر وقصر فيرساي ..
ونفس الشي ماحجزت أي شي لأسبانيا وأيطاليا وفي كلامي هذا أقصد المعالم طبعاً ..
طبعاً خلفيتي عن باريس كبيره بس أسبانيا ماعرف ونفس الشي أيطاليا ..
وحاب تكون باريس 8 أيام , أسبانيا 5 أيام , وأيطاليا 5 أيام ..
وين نروح في أسبانيا ..؟
وين نروح في أيطاليا ..؟
وطبعاً عارف بالأجواء أنها راح تكون برد شديد ..
وأي شي حابين تكرموني فيه وتفيدونا فيه وأسكركم جميعاً مقدماً ..
لا تبخلوا علينا بللي تعرفوه ونصايحكم وكل شي ..