1. يلوموني فيك يالنمسا ..


2. واللي مسوي رومانسي ..

أحيّي الجميع الذين تابعوا تقاريرنا السابقة لرحله صيف 2010 في الجزء الالماني والجزء السويسري https://artravelers.com/p/re/462614 .. واشكر جميع من رد او سال او اثنى .. فلهم مني كل الود والتقدير .. فبدون تفاعلكم لن يكون للتقرير اي معنى ..
ثم اعتذر عن التاخير في كتابه هذا الجزء .. والسبب في ذلك هو سفري الى النمسا قبل شهر والان اكمل لكم بقايا حكايتي التي بداتها في المانيا ..
الجزء النمساوي ( الحلقة الاولى ) :
الحب لك وحدك... والشوق لك وحدك
لا تفتكر انساك... ولا احب بعدك
عمري وغلاي انت....عشقي ومناي انت
محدن سكن دنياي...قبلك ولا بعدك
يا حلمي الأول...ويا آخر احلامي
يا عمري اللي راح ويا باقي أيامي
صدقني لي قلت لك...مافي ابد مثلك
ولو دارت الايام... باقي على عهدك
يا اغلى ماأملك ويا احلى ما بدنياي
انا مهمها رحت بعيد...انت اللي بس وياي
بعدي انا احبك...فرحي ترى بقربك
ولو كنت انا بختار... مااختار غير حبك
لا استطيع ان اخفي اعجابي وحبي لمثل هذه الدره .. فهي بغية القاصدين وهدف المتنزهين ..
فمن لم يزر النمسا فهو لم يرى جمال الطبيعه الحقيقيه بعد .. ومن لم يصعد جبالها ويرى انهارها ويستمتع ببحيراتها .. فقد فقَد حلاوه الدنيا هناك ..
النمسا ياساده ريانه خضرة .. تسلب لبّ من رآها ودار في رحاها ..
الكل يسمع بتلك العروس المدلله .. والكل يطمح بالجلوس تحت اشجارها المبلله ..
من أراد نعيم الدنيا وزخرفها .. فإن في تلك الروابي وجودها ..
لاشي يعادل نسيماً بارداً ينساب اليك في رياضها .. او قطرات ماء قد ارتوت منها فياضها ..
النمسا هي قصيده لم تكتمل .. وديباجه قد اعيت العاشقين ان تُحتَمَل ..
افضل مايمكن انه تعبر به عن جمالها ..
هو كونها انها هي:
" النمسا "
الطريق الى النمسا :
بعد ان توقفنا عند شلالات شافهاوزن واكملنا الرحله للصعود الى القمه ..
توجهنا صوب النمسا وقد كان الطريق طويلا ولكنه كان جميلا جدا .. بحيث لاتشعر بطول الطريق لجمال ماترى ..
فقد كانت هذه هي اول الاطلالات على تلك الجبال الشاهقه ..
وطبيعه جبال النمسا تختلف عن جبال سويسرا في كونها اقرب لكونها حجريه واضحه التحجر .. وبعضها رخاميه ترى لمعان الرخام من مسافات بعيده ..

وكانت الوجه الى مقاطعه انسبروك ..
عند ترتيب السفر .. كنت قد قررت ان اوزع رحلتي على مقاطعات النمسا الغربيه بين انسبروك وسالزبورغ ..
ولانه لم يشدني شي في مدينه انسبروك قررت الاقامه في احد القرى ووقع الاختيار على Seefeld in Tirol ويوجد اكثر من Seefeld في النمسا وهذي احدها ..
قررت التوجه الى هذه القريه .. وكان هذا هو مدخل الطريق السريع ..
وضريبه مقدارها 8.5 يورو ..

وبعد مدخل النمسا هذا يوجد محطه كبيره جدا ..
انا مااقول انها محطه انا اقول هذي مدينه ..
فيها كل شي غير المحطه والسوبرماركت ..
فيه مجمع مطاعم .. وفيه فندق وفي صاله العاب للاطفال ..
يعني بيني وبينكم محطاتهم تفتح نفسك ودك تسكن فيها ..
وهذي صور من المحطه قصدي من القريه ..

وش ذا الديكورات الفلته ..

والعصير الطازج يقول وخر بس ..

والجلسات المسكته ..

طيب خلونا نروح نشوف المنظر الخلفي كيف صاير ..
يجيب السخونه

هذي خريطه المحطه والالعاب الخلفيه منها ..
ولا تهون الملاهي البلوشي اللي عندنا ..

تمنيت ان يوسف معي .. خله يفلها هنا

صراحه انا تحمست بغيت العب ،، بس تذكرت المثل الاغريقي اللي يقول " خلك ثقل لاتضيع المراجل "

ترى هذي ياجماعه محطه بنزين على الطريق مو تفكرون شي ثاني ..

وفيه حديقه للحيوانات الاليفه ..
هذا يسمونه باللغه النمساويه " أرينب "

بعدها توجهنا الى قريه سيفيلد ..
تقع قريه سيفيلد في اعلى الجبل وهي مرتفعه وبارده ..
وهذه الصوره بعدما بدا الطريق بالارتفاع ..

يلوموني فيك يالنمسا ..

حجزت في فندق https://www.booking.com/hotel/at/seespitz.en-gb.html?aid=1300939 المطل على بحيره Wildsee
وقد كلفتنا الليله فيه ل Half Board ( فطور وعشاء ) تقريبا 1000 ريال ..
وهذي صور الفندق من الخارج ..

ومن الداخل ..

وكان فيه حفله .. بس الله يهديهم ماعزمونا ..

وعلى طاري الحفله نزلت وقت العشاء للوبي .. واشوف ذا المطرب شاد حيله شكلهم معطينه شرهة دسمة وفيه اللي يهز وسط

واللي مسوي رومانسي ..

والقى ذيك العجوز اللي عمره ميه برى .. رحمتها يالله تتحرك ومعاها ذاك الشايب المستصح ويفرّها مسوي يعني لوب رقصني ياقدع .. وهي تطيح .. عاد انا سمعت تكسير خشب مدري هو ساقها اللي تكسر والا الارضيه .. لان ساقها تقل بسكوت .. مافيه حياه .. فقلت " يالله حسن الخاتمه " ..
وهذي صور المطعم ..

بيكاسوا واخوياه ..

ثم اتجهنا الى الغرفه 201 ..
وهذا الممر الرائع ..

يتبع ...