باريه
انا مو من هواة الغوص بس من متابعتي لبعض الاعلانات في سيبو وبروكاي ودافاوا وبوهول اغلبها في مراكز تعليم الغوص و تقدرين تطلعين على اقرب مكتب سياحي بمانيلا وتشيكين معاه على مواقع الغوص غير الى بسيبو وبروكاي واستبدالج لبالاوان موفق بس كثري دراهمج شوي علشان الجزيرة غالية شويه

في البدايه أشكرك أخويه عبدالله على المرور ..
وبعدين وهذا هو الأهم اني أنا رجل واسم باريه يعني صديقي بالفلبيني ... هذا للعلم ..
وبعدين أنا بدلت بروكاي ببالاوان لأنه معظم الفلبينين عندنا في الامارات ما شجعوني أروح بروكاي
وقالوا لي بالاوان افضل بكثير وأرخص بكثير .... ولن تجد الكم الهائل من السياح الذين ستجدهم في بروكاي
وهذا والله أعلم ...

باريه
مرسي باريه على تصحيح المعلومة وهذا هدف المنتدى تفيد وتستفيد ثاني شي عندي ملاحظة على الكلام الى بالاخضر لكل جزيرة متعتها في ناس تفضل الزحمة والحشرة مع الناس عيد خاصة ببروكاي وبخصوص الملاحظة الثانية بالاوان جزيرة للنخبة واسعارها اغلى من بروكاي وبخصوص الملاحظة الثالثة الى بالازرق اتفق معاك فيها خاصة انها غالية عكس بروكاي فماراح تحصل فيها مثل زحمة بروكاي ولاتنسى تمتعنا بشي تقرير جميلة عن العذراء بالاوان وانت راد