حجاوب على الا اعرفوا
من تجربتي اخدت باص من المكتب الا علي يمين البوابه قبل بوابة الخروج من المطار
(للاسف ما افتكر الاسم ولا صورته)المهم ادخلي اسألي المكاتب جهة الخروج..
اخدنا الباص للاستقلال ((ذهاب وعوده)) لخمس اشخاص ب90 وهوا مريح وكبير يشيل الشنط(وممكن يكون معاكم اشخاص اخرين يوصلوا كلا حسب جهتوا)
الباص يوصلك لباب الفندق ونفس الشي في موعد الرجوع تتصلي وتحددي الوقت ويجي ياخدكم من باب الفندق
وبما انكم اثنين فقط فالباص والمترو تجربه ممتعه....افضل بمراحل من التاكسي..
مواقف الباص اصلا في تقسيم عند محل(سميت سراي)(الا يشتغلوا في المحل جدا متعاونين اسأليهم في اي شئ )تاخدوا الباص الا المناطق السياحيه..اوبالمترولان محطة المترو كمان قريبه على ميدان تقسيم جدا

بالنسبة للمطار انا امس وصلت اسطنبول واخذت التاكسي الاصفر من خارج بوابة المطار وقال لي في البداية 45 ليرة وقلت له ب 25 ليرة وقال سافتح العداد ورفضت ذلك فوافق على 25 ليرة يعني 60 ريال تقريبا واوصلنا الى بوابة فندق جراند اوزدنيك في تقسيم وللعلم فان فندق جراند اوزدنيك ممتاز جدا من ناحية النظافة والموقع واما بالنسبة للتنقلات اخذت امس الاكبيل وشحنتها ب 40 ليرة وتنقلت عن طريقها بالمترو والترام والباص فذهبت الى منطقة السلطان احمد وغيرها والان ساذهب من الفندق الى ميناء يني كابي غن طريق محطة الباصات في تقسيم ذاهبا الى يالوفا وبالنسبة لترابيا لا اعلم كم تبعد عن تقسيم ..... واذا فيه اي سؤال انا جاهز
تروحون وترجعون بالسلامة

السلام عليكم
بالنسبة للمواصلات من المطار الى الفندق في باصات اسمها هافاس havasتحصليها قبل ماتنزلي من المطار لو تسألي عنها يدلوكي عندهم مكتب في المطار والشخص اعتقد بعشرة ليرة ينزلك في تقسيم جنب مكتب دي اتش ال قريب جدا من منطقة تقسيم لكن وجهة نظري اذا كنتم شخصين وتحسبيها صح خذوا لكم تاكسي يوصلك ب 25 ليرة او بالكثير 30 ليرة لايزيد عليكم افضل من الباص لانه حتدفعي في الباص 20 ليرة تقريبا وحيوقف اعتقد كذا محطة في الطريق فأفضل زودي خمسة ليرة واشتري راحتك وخذي تاكسي ويحطك جنب الفندق بالضبط انتبهي يقولك افتح عداد قولي لا بالاتفاق 25 ليرة وبعدين حسب انتي نازلة اي مطار اتاتورك ولا صبيحة اذا اتاتورك 25 او 30 اذا صبيحة اكثر اعتقد يوصل اربعين ليرة على ما اظن
والمواصلات داخل اسطنبول استخدمي المواصلات العامة افضل بكثير واريح ومنظمين اشتري الاكبل زي ماذكر في احد الردود واشحنية وتستخدمية في المترو والترام والباصات الحكومية كمان التكاسي مرة غالية لانه البنزين غالي جدا عندهم وقيمة التذكرة بالترام او المترو او الباص موحدة ليرة واربعين هللة اي بالسعودي تقريبا 3 ريال ونصف او اربعه بالكثير للشخص مشوار واحد تعتبر رخيصة مقارنة بالتكاسي
اتمنى لكي سفرا سعيد وعودا حميدا واي استفسار انا جاهز
محمد