نظام الاسواق
انه مافيه نظام
يعني يوم يقول لك تعال مسموح عزاب واذا وصلت عنده يغير رايه ويقول لا عوائل
الوضع شوي سايب خصوصا جسر المملكه .. تخيل ثلاث مرات أكلمهم قبل ما اطلع من البيت ويقولون لي اليوم عادي عزاب واذا وصلت عند البرج يمنعوني السكيورتي ويقولون عوائل بس
طيب ليه تضيعون وقتي وتخلوني أكنسل كل أشغالي وفي الأخير تطردوني ؟؟
بالمناسبه انا سمعت نوعا ما انفراج للازمه وتوجه للطريق الصح
سمعت ولم اتأكد ان الفيصليه من اسبوعين تقريبا ازالوا اسلوب الفصل في الدخول واصبح الدخول متاح للجميع كل الاوقات بما فيها ايام الويكند
المملكه صاروا عادي تدخل ايام وسط الاسبوع وانا اليوم العشاء والمغرب كنت هناك .. بالنسبه للويكند مادري
سوق صحاري صراحه المفروض يقلبوه سوق نسائي 100% 95 من المحلات نسائيه عشان كذا نادر جدا احاول ادخله
موفق اخوي

من حيث خبرتي باالموالات
عندك ايام الاسبوع يكون مسموح للعزاب
والويكند ممنوع بس عوائل اصلن ايام الويكند ماودك تدخل زحمه ولجه بزارين
ونصحك بفتك عزابي وفي الرياض افضل شي فتره الصبح تروح المولات تاخذ راحتك وتلقا الكل فاضيلك وبخدمتك لي انه مستحيل تلاقي احد الصبح يقولك عوائل واذا سمح الوقت نتسوق من البحرين

مشكور boby اخوي وكنت متوقع ان الوضع كذا يعني""هات أيدك والحقني""
ومشكورر اخوي Prince travelle على ردك الجميل
يعني ايام الاسبوع باي وقت مسموح,,,,,,,,,طيب ايش افضل سوق بحيث ما أدور غيره

بصراحة..
انا من الناس اللي ما يشجع على حصر المولات على العوائل فقط..
لكن:
بعد ما شاهدته في يوم خميس في بدايات 2008 في مجمع الراشد بالخبر ، ادركت ان هذا حل مؤقت..
يارجل مجموعة من الشباب " قليلة العدد والادب" اخذو يصرخون لثلاث دقائق متواصلة ، ويجرون في الممرات في مشهد اخجل ان يراه الزوار من الاخوة العرب والغربيين العاملين هنا..
تمنيت ساعتها لو عندي زوج دوبرمان ومقفل عليهم في دورة مياه مع هؤلاء الشباب..
انا ما ادري ليه المجمعات التجارية في الخارج الممنوع التدخين داخلها " وانا مدخن " نذهب الى خارج المجمع للتدخين ثم نعود الى الداخل ثانية؟!
هل بسبب قوة النظام هناك ام ماذا؟

أنا مع منع الشباب دخول الاسواق لانهم قلق على الفاضي
واذا تبي تخش اي سوق ادخل الصباح او العصر مبكر اما في اليل يمكن تلقى شوي صعوبه

طيب عزيزي وطني لو دوامي مايخلص الا المغرب ايش اسوي وكيف اروح السوق؟؟!!!؟
تعميم عدم دخول الشباب غبي جدا
المفروض يكون مسموح واللي يسوي مشاكل يجي السيكيوريتي ويرميه برا
وعلى فكرة ترا بعض المولات حتى العصر ما تدخل شباب مدري على ايش يعني لو انا عايش لوحدي ايش اسوي!!!
لو ماعندي اخوات يعني اسحب الوالدة الله يطول عمرها على السوق!!!
تحياتي.

اعتقد الشباب في الرياض ما عندهم مشكله لأن المحلات متوفرة لهم خارج المولات والمطاعم ونادر يكون فيه محلات للرجال داخل المولات المعروفه
إنت وش البضاعه اللي تبيها ونفيدك عن المحلات اللي توفرها خارج المولات

اعتقد يا اخوان اي سوق فيه دخول شباب ما راح ينجح واكبر دليل روح لسوق المملكة لانه يسمح دخول الشباب راح تلاقي السوق نايم ما فيه احد يشتري بعكس الفيصليه ما يسمح دخول الشباب والمبيعات فيه كثيره
ولله اعلم ان السبب تجاري اكثر منه امني

وطني
سبق ان قرات في جريدة الرياض قبل 3 سنين او 4 ان المنطقة الموجود فيها برج الفيصلية " تجارياً واستثمارياً " افضل بمراحل من تلك الموجود بها برج المملكة..
ربما هذا هو السبب..
سلم لي على العقارية