مرحبا بك أخي :-
تحويل الريالات الى روبيه باأندونيسيا أفضل
وباأمكانك أخذ دولارات كذلك وتحويلها الى روبيه
وبالنسبة لاأفضل الصرافات باأندونيسيا هي hsbc البنك البريطاني
أتمنى لك رحلة سعيده بأذن الله تعالى ،،،

الخيار الاول هو الافضل وهو ان تأخذ معك دولارات وتصرفها الى روبيه هناك .....الصرافين في كل مول ستجد صراف او اثنين بالنسبه لجاكرتا وبالنسبه لباقي المدن ستجدها في الشارع ولكن تجنب الصرف في الفنادق

خذ دولارات واصرف من سوق اتريوم .. بالتوفيق

طيب ليه ما يكون الصرف من الريال الى الروبية الاندنوسية مباشرة من مطار الرياض..العملة في بلدها أقوى-اقصد الريال-؟

yaser123
لالالالالا
هذا من واقع تجربة جميع الاخوان ان صرف الريال هناك افضل من صرفه روبيات من هنا
والدولار افضل من الريال
ورحله موفقه

مشكورين يا اخوان
لو بغيت احول من هنا للدولار ثم هناك للروبيه...ما يروح علي كثير حق الصرف؟
وين افضل مكان للصرف في الرياض؟

مراحب يالغالي
شوف عندك كل الخيارات بس لازم تنتبه لبعض النقاط
اذا اخذت دولار وتبي تصرف الدولار لروبيه من اندونيسيا لازم يكون الدولار مو تسفط او مو متعفط ونظيف
لان كل ما زاد وساخته او تعفيطه وتسفط في جيبك راح يقل من قيمته وقت الصرف هناك
اما لو تاخذ ريال سوا سفطه لين قلت بس ما راح ينقص من قيمته وراح تاخذه بسعر الصرف عندهم هناك
اما لو تبي تاخذ روبيه من الرياض وهذا الي اشوفه بالنسبه لي انسب واحسن والسبب كل ما سافرت سويت كذا
قد اخذت ربيه هنا وبعد ما وصلت شفت اسعار الصرف في اندونيسيا حصلت سعر الصررف في الرياض احسن
احتمال انك تكون واصل وتعبان او الخطوط الي اخترتها توصل على اخر العصر مثل الامراتيه ولا لك خلق تحول
تكون قد حولت من الرياض
ولك الخيار يالغالي
اما الصرف في الرياض عندك ثلاث او اربع محلات صراف في البطحاء شارع البطحا العام قبل الكبري الثاني على يسار وانت متجه جنوب
وقبل ما تحول شوف شفو صفحة سعر الصرف والتحديث اليومي يكون فيه اعضاء في اندونيسيا ويكتبون كم سعر الصرف هناك
وبكذا تقدر اتقارن بين هنا وهناك وتعرف وش تاخذ معك
تروح وترجع بالسلامه