اخوي موضوعك ليس مستحيل لاكن صعب
وبصراحه هونك كوج بلد مفتوح والنصب فيها ليس بالقليل
ف نصيحه من اخوك لوجه الله تعالى
انك ماتروح الا اذا فيه شخص مجرب ومضمون
وكثير من التجار انقرصوا في هونك كوج
اعتذر ماقدر افيدك
وتحياتي لك

اخوي بارك الله فيك على تكرمك بالرد علي ،، ولكن انا الحمد لله منيب تاجر انا بروج مجرد زيارة وتسوق على خفيف يعني ان شريت يمكن اشتري بعض الهدايا القليلة اتمنى احد يفيد بالعربي انا ابي واحد في المطار معه لوحه فيها اسمي على طول يركبني في السيارة الى الفندق ومن الفندق الى الاسواق والملاهي وكل شي فيه ترفيه وبعيدن يركبني السيارة والى المطار حتى ابيه يقص لي البوردق حق العودة انا ما عندي لغة وابي اريح راسي ،،، انا رحت تايلند واندونيسيا وماليزيا ومشت عمري وتكلمت لغتهم والحمد لله ما فيه احد لعب علي ،، ولكن متخوف من هونج كونج ليش ما ادري ،،،،،،،،، تحياتي

mm125807
بمجرد خروجك من كاونتر الجمارك لا تخرج من المطار ستجد كاونترات الشركات السياحية وقول لهم
أي ونت هوتيل اند تور
وهم سيعطونك بروشرات مع الاسعار تختار منها، وكلما حاصروك بالاسئلة قول لهم
أرابو ارابو آي نو سبيك انقليش
وأدعو الله أن يخارجك
أما راي أخونا خالد بخصوص الإنقراض فياليته يعطينا التفاصيل

ااخوي ان شاء الله بعرف اطلب فندق اعرف اي ونت يعني ابي عندي كلمات بسيطه بس اللي ماهو بلبل بالانجليزي يلعبون عليه لنفرض ان رحت لمكتب في المطار وقلت له اي ونت هتويل ،،، ستاندر روم 3 نايت مثلا ،،، ورد علي هو ان ما فيه ستاندر فيه سويت بتبهذل شوي واذا شافني عطيته كم كلمة انقلش بيقول هاذا يفت وبيقعد يبربر علي وانا بتنح وبيصير وضعي محرج احسن شي مكتب يزبط لي كل شي ويامن لي سواق يتكلم عربي والسواق يعلمك كل شي ويوديك لكل شي ،،، انا انتظر من يفيدني وان شاء الله اللي عندهم خبره بيفيدوني ويفيدونك ،،،،،، اما من ناحية ارابو اربو نو سبك انقلش هاذي تفتح باب النصابين عليك والا انا غلطان ،،،،،،،،،،،،،،،،،،،، تحياتي للجميع

ما زلت متفائل ومنتظر من يفيدني ويرشدني ////

بالتوفيق أخي واتوكل على الله ولا تنسى التقرير لما ترجع عا العموم هونج كونج بلد أمن جدا الناس ماعندها وقت للعب والمزح كل واحد في حاله هناك فقط بعض الهنديين والباكستا نيين والبنغاليين هم احيانا أسباب بعض المشاكل يعني بضائع مقلدة مخالفة الاقامة الى أخر ه والشرطة جد صارمة لا مجال للمزح خصوحا مع البنغال والهنود و اما السياح فلا أحد يسألهم ابدا
والسلام عليكم

ما قصرت اخوي لكن للاسف ما لقيت احد يرد علي والمشكلة اخر موعد لشراء التذكرة بكرا لكن بشتريها واتوكل على الله وبروح مع اني ما عندي لغة واي واحد ما راح يفهمني بتشتغل لغة الاشارة واذا ما فهم لو ارسم له رسم واذا ما فهموني بفصل بدال وكل بدله بكتب عليها موقع يعني وحدة اسم الفندق واذا بغيت اروح للفندق بلبسها ،، واذا صرت بروح للسوق بلبس البدله اللي فيها اسم السوق والسفره 7 ايام يعني 7 غيارات ،،،،،،،،، ومشكور كل من تكرم بالرد ،،،،،،،، تحياتي

اخوي كلمات الطقطقه هذي تمشيك خل ثقتك في نفسك كبيره ولا تخاف بتفهم عليهم لانو لغتهم مكسره
مدام تعرف تطلب هذا اهم شي وتعرف الارقام
ماقلت لي متى رحلتك ؟

malek87
انا عارف اخوي ان شاء الله بمشي نفسي انا سافرت لاندونيسيا 3 مرات وعرفت لغتهم يعني ما اتكلم الا اندونيسي اذا سافرت لاندونيسيا ،، وتايلند رحت شهر وعرفت اكلمهم بالتايلندي انا كل شي بقدر اعرف الا الانجليزي الظاهر علشان اكرههم ،، لكن انا مسافر لهونج كونج في 23 ابريل وراجع ان شاء الله في 30 ابريل يعني 7 ايام المدة قصيرة ما ابي تروح ال 7 ايام وانا متنح ولا اعرف شي الا في اخر يوم يا ليتك تعرف قصدي لو ان المدة 30 يوم كان اخذت العناوين من المنتدى الرائع هاذا وتوكلت على الله ورحت ورجعت ادرسكم لغتهم ،،،،،،،، انا ابي اروح ولا ابي اتبهذل في المطار والفنادق والتكاسي والمترو والشوارع ما معي وقت ،،،،،،،، والمشكلة ما فيه احد رد علي بجواب كافي لاني لازم اشتري التذكر يوم 1 ابريل والا يلتغي حجزي ،ن