السلام عليكم
الفييري او العباره يعتمد علي الجو اول شي إذا الجو صحو وحلو
ممكن تكون رحله ممتعه وتجربه فريده اما لو كان الجو هواء وأمواج
فبيتعكر صفو الرحله وممكن تشوفون المناظر اللي متخوفه منها
وانتوا إذا جربتوه من قبل فبيكون الوضع طبيعي وصحيح فييري لنكاوي
مو بفخم ولاهو مرتب ولكنه ماهو سئ إلي الدرجه اللي انتي كاتبتها
واللحين الطيران متوفر بكثره وبأسعار ارخص من الفييري وبمده 35 دقيقه
اما الفييري فمن ساعتين إلي ساعتين ونصف
وانتوا دامكم دفعتوا وخلصتوا توكلوا علي الله وإن شاء الله تكون تجربه ممتعه
وصراصير ماليزيا وديعه وماتخوف

ابد توكلو على الله ماعليكم خوف ان شاء الله
والناس اشكال والذواق صعب على الواحد ان يحكم عليه بسئ قبل التجربه
والتجربه خير برهان ورحلة سعيده وموفقه ان شاء الله

ابدا ابدا جدا رائع والمدام استانست في الرحله بكل امانه

بعد المطر
هلا والله ببعد المطر ,,
الفيري الله يسلمك (سفينة سريعة ) او عبارة او باخرة صغيرة بس طبعا سريعه
لا تكون تحسبه فيري الغسيل ناعم على اليدين قاسي على الصحون ...
امزح معاك الله يعطيك العافية لوجودك الاول بمتصفحي
دمت بود

zazaz
حياك الله سيدي الكريم ,,,
بالمجمل شكله ما يؤهل للابحار على متنه وخاصة اذا كان مستوى النظافة مو ذاك الشي
بحاول مع الوالد يلغي الرحلة والطيران افضل بكثير من وجهت نظري خاصة بوجود اطفال معانا
تشكراتي واحتراماتي لشخصك الكريم
سوزانا

صباح النور سوزانا
من وجهة نظر شخصية وكلن له رأية انا لا احب الفيري ابدا ولا أؤيده .... اذا اردت الاستمتاع باللنش او الدباب البحري سأجدها متوفره على الشاطئ وبالوقت الذي اريده.
نهاية الموضوع هناك من استمتع برحلة الفيري وهناك من لم يستمتع رغبات وهوايات *

السلام عليكم ورحمة الله وبركاته
أهلا اختي سوزانا
بالنسبة للفري والجدل الدائر حوله, راح أقولك رأيي وأتمنى أنه يقطع الشك باليقين
وراح أقوله بكل حياديه سلبيات + ايجابيات عن تجربة شخصية
أولا: كان هناك رحلات بالطائره بين لنكاوي وبينانج والعكس, ولأسباب كثيرة ومن ضمنها ارتفاع سعر النفط
كنسلت شركات الطيران الماليزية وأير أيشيا جميع رحلاتها بين الجزيرتين, فما كان فيه حل إلا حبيبنا الفرري
وهذا كان من عام 2006 إلى العام الماضي 2009 عندما ظهر طيران فاير فلاي (المراوح)
والآن هذه السنه 2010 توجد رحلة واحدة فقط للخطوط الماليزية وأير أيشيا وهي تقريباً الساعة 2:00 ظهرا فقط
أما فاير فلاي فلها أكثر من رحلة
نجي لزبدة الموضوع وعن تجربة شخصية
السلبيات:
1- المنطقة اللي فيها المقاعد السفلية مكتومة ومع زيادة الرطوبة والانفس الكثيرة يحلى الجو (ايه هين)
لذلك يفضل تاخذون مقاعد في المنطقة العلوية.
2- بالنسبة للشنط والعفش ما له مكان مخصص يصفونه فوق بعض في أحد الزوايا.
3- المقاعد عادية وليست جديدة يعني تمشي الحال دام الفترة 2:30 ونوصل.
4- دورة المياه لك عليها يعني حق نساء ما تنفع شباب يمكن يمشي حاله.
5- الكلام على الاستفراغ والناس اللي تستفرغ هذا الحمدلله ما صادفته أبد وهذا راجع لنفسية الناس اللي جايه
وتقدرون تسيطرون عليه بحبوب دورا البحر والدوخه واسمها ديزينيل وحبوب الغثيان اسمها موتوليوم.
6- الصراصير صحيح موجودة بس مو بعدد الركاب أنا اللي شفته 1 او 2 وكانوا من النوع الصغير مره
هذي تقريباً السلبيات بكل صراحه
الإيجابيات:
1- تجربة جديدة وتغيير عن روتين الطيران.
2- الأجواء صراحة حلوة مره فوق سطح الفرري.
3- السعر مناسب جداً كبديل للطيران لمن يريدها رحلة اقتصادية.
4- لم أجد أي نوع من أنواع الرعب (يمكن عشان البحر هادئ) بالعكس بحر + تصوير + سوالف + جو حلو
على فكرة ترا أكثر وقتي كنت مقضيه فوق في السطح
ملاحظة مهمة:
الفرري عبارة عن اسطول فيه القديم المستهلك وفيه اللي أفضل منه وفيه ما يعتبر انه جديد نوعا ما مقارنة بالموجود
لذلك انت وحظك ممكن أفضل شي وممكن أسوأ شي عشان كذا بعض الاعضاء يمدح والبعض يذم
فأنتوا وحظكم
هذا مجرد رأيي شخصي في الفرري وغير ملزم لأي أحد, وإبدائي لرأيي لا يعني تشجيعي لتجربة الفرري
او عدم تجربته أنا مجرد نقلت السلبيات والإيجابيات ولا أتحمل أي مسئولية عن أي تجربة سلبية للفرري
Abu LeYaN
فور إني كويشن بليز آم إن سيرفس
لأي سووعال أنا بالخدمة
تحياتي فور أول فيو

مثلاا المسافرين بعبارات تركيا لاتجد من يستفرق ويصاب دوار البحر كثر من يركب عبارات لنكاوي بماليزيا
وهذا يختلف عن المحيط الواقع به ..
وانااصراحه المده بعيشها بوسط البحر ساعتين ونص او ثلاث مره كثيره وتخوف فماا اتشجع السفر عليهاا
انتوا استخيروا وربي يحلها لكم فطبيعي الاطفال راح يتعبون من البحر