اخوتي الكرام
السلام عليكم ورحمة الله وبركاته
واسعد الله مسائكم وكل اوقاتكم بالخير
صار لي يومين فقط من رجعت من لندن
وللحين فيني اثار الصدمة والذهول من موظفين المطار ومعاملتهم الجافة والغريبة
فيزتي لها خمس سنوات وبقى لها سنتين وتنتهي وجددت الجواز ولزقت القديم بالجديد
المهم لما وصلت مطار هيثرو الصباح وهذه زيارتي الخامسة او السادسة خلال هالسنوات
الماضية يعني تقريبا زرتها كل سنة ومره صدف مرتين في نفس السنة عموما مالكم بالطويلة
موظفة الجوازات كانت هندية محجبة والغريب في الموضوع انها ما اكتفت بالاسئلة المعتادة
مثل :سبب الزيارة ومكان السكن والمدة ؟!
سالتني وين تشتغلين وشنو مسماي الوظيفي تخيلوا ؟؟ واصرت تعرف وقلت لها اني مش عارفه
اشرح لها مسماي الوظيفي بالضبط وكانت تطالعني نظرات حقيرة جدا وغريبة
وسالتني ايش راح تسوي في عشرة ايام وهل عندك اصدقاء او معارف بتقابلينهم ؟!!
لاني كنت ماسكة جوازي وهي توقعت اني لحالي وانا اصلا كانوا معاي ناس لكن كل وحده
جوازها معاها
المهم ازعجتني جدا وخلتني ادعي عليها بداخلي انها ترحل باقرب طيارة للهند
وفي العوة كانت التفتفيش لشنطة السحب دقيق ومزعج مع ان مافيها اي شي غير عطور وشوكلاته
حتى فتح علب العطر الجديدة !!
ازعجتني تصرفاتهم يحسسونك انك غير مرغوب في بلادهم وانهم دايما خايفين منك تكون مصدر
قلق او خطر عليهم
هذا باختصار اللي صار معاي وحبيت اشاركم فيه واعرف رايكم
المشكلة في شهر ديسمبر يمكن اروح مع اختي ومازلت مترددة سبب اللي صار لي اخر مرة
لاني لما رحت الشتا اللي فات مع زوجي وبالرغم الزحمه والبرد وكان موسم كرسمس ومليان
المطار ناس خلصنا الموظف بسرعه ومازاد على الاسئلة المعتاده
انتظر مشاركتكم
ولكم مني اطيب تحيه