انا مجربت بس :
تبي تمشي امورك عطه وريح بالك

بالنيابة عن مشرفي قسم بوابة إندونيسيا أرحب فيك و أتمنى إستمرارك معنا
بخصوص موظفين الجوازات أنا أعتبر أمر التعامل معهم في غاية السهولة ولا يدعو إلى الخوف أو القلق عند البعض دامك نضامي ليه القلق ؟؟ أذن من طين و أذن من عجين تفي بالغرض حتى لو الموظف يناظرك و أنت تناظره عادي جدا انك ما ترد عليه
و أنا ما أقلل من شأن الموظفين أو استحقرهم لكن الطريقة هذي نفعت معي
بالتوفيق للجميع و آسف عل إطاله

مرحباً بك أخاً عزيز بين اخوانك
بالنسبه لي اتبع المثل اللي يقول
كالأطرش بالزفه
اخليه يتكلم لين يدوخ وانا مثل الهندي اذا كان لسى جديد ماغير اهز راسي كأني مدري وش السالفه
اخر مره رحت فيها لاندونيسيا وبالرجعه حصلي هالموقف
موظف الجوازات جرب معي جميع اللغات وانا بس اهز راسي وبالاخير وراني فلوس يعني ابي زي ذولي
وكمان مازلت اهز الراس لين طفش وختم الجواز

موهوب زالله انك صادق سوي نفسك الاطرش في الزفه
الخلاصه
ظنش تعش تنتعش
خليك ناشب ساكت اذا قالك لاترد عليه خلك واقف لين يعطيك الفيزا
لا وازيدك من الشعر بيت حمالين الشناط تقاول معهم بعد قولهم بعشره الاف
لانهم يطمعون في السعودي يبون ميه ولا خمسين من بدري اتفق ولا خذها بنفسك
هذا الي عندي
دمتم سالمين

بسيطة ومافي غيرها طنش !!

قلهم السلام عليكم وبادلهم بابتسامه راح تشوف الفرق هذا اولا
ثانيا خلك واثق من نفسك بين لهم انك مرتاح

اجعل الابتسامه هي عنوانك الابدي .
وكأنك منت سامع شئ .

الحمد لله توني راجع بأيام العيد كنت هناك ولادفعت ولا شي بالمطارات ولا غيرها حتى الشناط انا اخذت العربيه ورحت للسير حق الشناط واخذتها وطلعت وأقررب تكسي ومثلها في الرجعه
وأبد سو نفسك ماتسمع شي ههه وخلك بكل ثقة طالما انت نظامي

لاتعطيه وجه ولاتسولف معه عطه اوراقك كرت الدخول والجواز ويطلب منك التصوير قدام الكاميرا ان كانت اول مره تدخل للبلد وبيختم جوازك وتمشي علي طول انحاول يفتح معك حوار سو نفسك اطرش زي ماقالوا الاخوان الا ان سئل عن موقع السكن وموعد عوده جاوبه زي ما كتبت بكرت الوصول
الابتزاز يكون احيانا من موظغي الفيزا او من قبلهم ان انتهي كرت الدخول في الطائره يحاولون بالمطار يعطونك كرت مقابل مادي حلها حاول تاخذ الكرت بدري في الطياره واكتب بياناتك فيه بشكل دقيق وخلك مع اول النازلين من الطياره لانهم يحاولون يبتزون الاشخاص اللي في اخر الرحله لعدم وجود من يراقبهم ان كانت الطياره ما نزل بعدها طيارات اخري بنفس الوقت او معها