shosho1992
05-12-2022 - 12:12 pm
السلام عليكم ورحمة الله وبركاته ..تحية طيبة لكل اعضاء المنتدى الحبيب اللي اتشرف ب الانضمام اليه
م استغنى عنكم وانتو مرجعي بعد الله سبحانه وتعالى
الحمدلله اولا وآخرا واسال الله ان يوفقني ويوفق كل من ساهم ب نجاح رحلة احد من الاعضاء بعد الله عز وجل ..
بما انو وصولنا وعودتنا من جنييف .. قررت اني اكتب استفساراتي هنا
رحلتنا ب اذن الله راح تكون يوم 26 سبتمبر
لمدة 18 ليلة بحول الله وقوته..
ابغا اسالكم عن ترتيب الجدول اولا
مبدئيا دا ترتيبنا
5 ليالي انترلاكن
5 ليالي زيلامسي
ليلتين ميونخ
3 ليالي روست
3 ليالي جنيف
طبعن احنا عائلة كلنا بالغين م معانا اطفال .. ودي اول زيارة لنا ل اوروبا ان شاء الله
ايش رأيكم في ترتيب الجدول ؟
لانو ليا فترة بقرأ تقارير وكتير قالو انو انترلاكن وزيلامسي نفس الطبيعة
ايش رايكم ؟ كتير عليهم 10 ليالي ؟
لاتحرموني ارآئكم .. وادا في اي تعديل ياليت تحطوه ليا
لاننا نبغا نحجز الفنادق
تاني سؤآآل .. وين ممكن نلاقي التلوج ؟ < ناوية تتزلج
وبسس.. جزاكم الله الف خير
وطبيعة انترلاكن وزيلامسي متشابهة ولكنها مختلفة بالانشطة والاماكن السياحية اللي حولهم
ومدة العشر ايام مناسبة لهم
والثلوج والتزلج تلقونهم في كابرون القريبة من زيلامسي
وبالتوفيق