الأخ msalq
وعليكم السلام زمان والله ، على يدك عزيزي من زمان ونحن ننتظر منك مشاركه ، فقط أشوفك من المتواجدين ، تقرا وتفصل ، طيب مشاركه عن طيب خاطر ، لو درينا هذا سبب يخليك تشارك كان من زمان وقفنا لين تشارك ، وبصراحه هذه الساعه المباركه يوم شاركت ، وبعدين رحت للمغرب إنت وجيت وما فيه حتى تقرير لأجل الأعضاء ، شورتك وهداية الله ، إبدأ ، ومالك إلا إللي يسرك............. تبي أحسن من كذا آمر بعد...
وتقبل تحياتي
المسافر

سبب إختياري لهذه البوابة
السلام عليكم ورحمة الله وبركاته , , أولا أنا جاني الموقع متأخر , (( وأتسأل كم له الموقع يشباب )). ولو تمنيت أني أكتشفته مبكرا ,
وأخترت هذه البوابة لما سعته عن المغرب العربي من جمال طبيعة وحسن معاملة وحبيت أكون قريب من اصحاب الخبرة وأهل المغرب واحبابه عشان أثري معلوماتي عن المغرب خاصة إنني قررت السفر لهذا العام للغرب وتم بحمد الله بعونه وتوفيقة ومساعدة جميع الأعضاء بالمنتدي ,
والسبب الثاني ,أنا اقراء في جميع البوابات , لكني شدني في هذه البوابة الصراحة التجاوب السريع من المشرفين , والأعضاء وجميعهم عساهم القوة .
وأما سبب التاخير والتطويل ,لاشي تحديدا أنما , استراحة مشارك , وتعرفون الأعمال و و و و و؟ ههه
وترا ما غيبنا نمر كل يوم ونسلم علي المنتدى ونشوف المشاركات والجديد , وتصدوقون صرت أدش للمنتدي أكثر من بريدي أحيانا ههه
وكل عام وأنتم بخير أخوكم msalq

الأخ msalq
حياك الله المنتدى منتداك ، وأعضاءه ومشرفيه أخوانك ، والمنتدى له سنه قبل أن تشترك به ، وقبل ذلك كان أيضا ولكن لفتره ثم أنقطع ... ودام إنك إستفدت من المنتدى ، ورحت وجيت بالسلامه ياليت تفيد الأعضاء بما إكتسبت من خبره ، فيوم كنت تطلب النصيحه ، والآن أتى من يطلبها غيرك ، فلا تبخل عليه لأن من طلبت منهم لم يبخلوا عليك أبدا...... ومن ناحية المنتدى ، أنا أضيع من 4 إلى 10 ساعات يوميا في المنتدى ولي أكثر من شهرين ما فتحت أي إيميل من إيميلاتي ، كل وقتي لكم وللمنتدى ، ومشغولين بعد ، بس إنت أنوي تفيد وراح تلاقي الوقت واخا مشغول..... بإنتظارك.
وتقبلوا تحياتي
المسافر

جزاءكم الله خير علي المجهودات المبذولة وعساكم القوة , وتستاهلون النجاح وأكثر ,ودمتم
بس وين بقية الشباب مختفين في رمضان والا أيش القصة , فاكر فيه ناس في الصيف كثير بس ما ادري وين اختفوا , اذكر فيه واحد اسمه عربسات كانت له مواضيع جملية , وغيره ما أحضر بقية الأخوان
ما عندكم نية تذكرون اسباب اختياركم للكتابة في بوابة المغرب , براحتكم المهم :إن شاء الله ما ثقلنا عليكم بالموضوع وقلنا نخرج شوي عن العنواين والفنادق والسياحة ونتريح شوي ههه
ودمتم ساملين

عشان المغرب مستحيل انك تزورها وماتكرر الزيارة انها واحة الاطلسي واكثر اللي راحو لها يوم يعودون مايقرون ينسون الايام اللي قضوها في المغرب عشان كذا يحولون يتابعون عن طريق النت .
ولا ابخس الاعضاء جهودهم في اثراء هذه البوابة باسلوبهم وطرحهم الرائع للمواضيع.

اخي المغربي ...
حمدأ لله على السلامه . فقدناك .
انا معك في اللي ذكرته كلامك صح , وللتاكيد لما احد اصحابك يرجع من المغرب تنفرد به علشان يعطيك تقرير شفهي عن الرحله وانت مستانس حتى ماتبي احد يجيكم ويقطع عليك الهذره , المنتدى معيشنا هذه اللحظات بس على نطاق اوسع ..
تحياتي

اخوي Tmeem
الله مير يسلمك ماتفقد غالي
صدقت انا دايم اخذ سواليف اللي توهم واصلين من المغرب وتفاصيل سفرتهم كلها.
مدري جربت انت المغرب في اجازة رمضان

أخى الكريم لاتنسى أن هذا الوقت ليس وقت سفر ولا أجازات ولو بحسبة صغيرة مع نظرة شاملة ستجد أن أغلب الاخوة الاعضاء أما فى أعمالهم ومشاغلهم وبالتالى شى طبيعى جدا أت تقل المساهمات والمشاركات
لهذا السبب ،،، ولو تلا حظ الا ن مثلا أن حجم المساهمات قليل ويعود السبب الى أن أكثر الاخوة مشاركون فى واجباتهم الا جتماعية والدينية ( الله يعطيهم العافية ) ،،،،،
البركة فيكم اخى العزيز ،،،،،
تحياتى

بن بطوطة
كلام أخي ابن بطوطة صحيح
ويمكن ملاحظة قلة المشاركات في جميع البوابات والسبب عدم السفر في هذا الشهر الكريم
وأحسنت ادارة المنتدى في فتح بوابة رمضان لكي يتفاعل الأعضاء مع مناسبة رمضان