1. أرد على ( إستراليا )

مساء الخير ....
أولا ً أحب أقول إن هذا أول تقرير لبلاد زرتها وحبيت أكنبه بهالموقع لأنه بصراحة هذا الموقع ساعدني بسفرتي وايد وعسا موضوعي يساعد اللي يحتاج معلومات عن السفر إلى إستراليا .
أولا ً تخطيط سفرتي كان عالخطوط الجوية الإماراتية ( الكويت - ماليزيا - سدني - جولد كوست - تايلند - الكويت ) .
بالسفرة هذي طان فيها 4 خطوط جوية مختلفة :-
1 - طبعا ًالخطوط الجوية الإماراتية غنية عن التعريف .
2 - الخطوط الجوية ( إير آسيا ) الخطوط عادية جدا ً الكراسي ضيقة بس المضيفين واايد زينين و لا بأس فيها كخطوط بالنسبة لسعرها القليل .
3 - الخطوط الجوية الإسترالية ( فيرجن بلو ) خطوط اقتصادية للطيران الداخلي بإستراليابصراحة الطيران وايد حلو بالنسبة لحداثة الطيارة والمضيفين وكل شي والكراسي كانت وايد مريحة مع انها جلد .
4 - الخطوط الجوية الاسترالية ( كوانتس ) عادية طياراتها صغيرة لأنها داخلية أعتقد للمسافات الطويلة طياراتها أفضل .
بالنسبة للفنادق :
1 - ماليزيا : فندق برجايا تايم سكوير كان وايد حلو وينفع للعوائل المسلمة وموقعه ممتاز وأنصح فيه بشدة .
2 - سدني : فندق شيراتون فور بوينت دارلينغ هاربر الموقع ممتاز والفندق حلو ومريح وأنصح فيه .
3 - جولد كوست : فندق واتر مارك بمنطقة السيرفس برادايس الفندق حلو والموقع جيد جدا ً .
4 - تايلند : فندق هوليداي ان سيلوم الفندق نظيف وحلو بس شوي بعيد عن مناطق التسوق .

أرد على ( إستراليا )

سدني : منطقة إرستقراطية وكلاس وايد حلوة والشعب الاسترالي وايد طيب وخلوق السوق وايد حلو ومنطقة السيركل كي والدارلينغ هاربر مناطق وايد تونس وتحس إن رحتلها إن صج هالدولة غير كل العالم وإنشالله راح أزورها مرة ثانية بس لمدة أطول من جذي بس بصراحة أنصح الكل يزورها وأستراليا بصراحة الجو فيها غير إكتشفنا إن فصل الشتاء عندهم ( يونيو - يوليو - اغسطس ) يعني إن رحتو بهالأشهر أخذو شتوي معاكم إحنا توهقنا وشرينا ملابس شتوية من هناك .
جولدكوست : منطقة ساحلية مثل طريقة ميامي وايد حلوة وشعبها حلو بس أدفأ من سدني سوقها عادي جداً منطقة السيرفس برادايس حلوة كافيهات ومطاعم وسوق فيها كذا منتزه ينفع لليهال مثل الدريم ورلد والسي وورلد والموفي وورلد والوايت واتر ومتحف الشمع وأشياء وايد .
بالنهاية أنصح الكل زيارة إستراليا وبالمقارنة مع الدول الأوربية اللي زرتها فالشعب الإسترالي أفضب منهم ألف مرة .