1. وكنت وانا ادوره اضبط بعض الكلمات لمواساته ....احمد ...حبيبي .....


2. وين انت ......ياهو ..........ماصارت مبارة ......

بسم الله الرحمن الرحيم
اخوتي الكرام بحكم علاقتي مع شخص تركي, يعمل كحلاق, فقد سنحت لي الفرصة في ان اعيش اجواء الحماس والمتعة التركية في وسط بلدي السعودية, دعوني اسرد لكم الحدث:
البارحة كانت لليلة مميزه عند اخواننا الاتراك خصوصآ الرياضيين, كانت بلأمس مباراة بطل الدوري التركي
جيت كعادتي بحلق بس مو دقن , دقن وشعر, قالي: دقن اوكية شعر معصي قلت: لية قال لأنك بتوديني الدمام, قلت: ابشر .....كم احمد عندنا... قال: واحد وهو شاق الابتسامة قلت: خلاص حلق ونتفاهم.......حلق لي دقن وقالي: نعيمآ ........مارديت ...مرة ثانية نعيمآ مارديت .......طالع فيني هزيت كشتي له ....وانا اقله ماكنك نسيت شي ..................قال: خلاص بعد المبارة .........استعنت على الشقى بالله
ركبنا السيارة انا وهو وواحد ما اعرفة قالي صديق .....التفت وشفت براءة الاطفال تملئ عيناه مع اني اول مرة اشوف براءة في تركي ........يايجونك على نايتهم بلمرة ولا خباث بلمرة معندهم حل وسط, دعسنا على الدمام (الدمام مدينة تبعد عن الخبر 25 كلم تمشي 200 توصل في 5 دقايق تمشي عادي توصل 20 دقيقة) طبعآ انا من النوع الاول...............بدون تعليق..........نرجع لسيارة جتني فكرة اني اتمايل بسيارة يمين وشمال (انطل) بس على خفيف .......ابغى اشوف ردت فعلهم ......سويتها بس ماتغير شي اللهم انهم سكتوا قلت: في نفسي يلعن ام الشجاعة يا شيخ ما خافوا ............التفت لهم لقيت وجههم زرقت ....قلت بسم الله عليكم كنت امزح وبعدين ترى ماسويت شي........قال: وشفايفة ترتجف ولونها قلب بنفسجي ......shamranimax ترى ما ابغى اموت في السعودية.......قلت له لا تخاف ما بيجيك الا المقدر لك
وصلنا وجهتنا الدمام ..........قلت: وين تبون نروح قالوا: الشيرتون عاد انا شقيت الابتسامه قلت: حلو الدعوة في فنادق وناسه..........................شوي ما امداني افرح جاء اتصال من خويهم الى في الدمام يقول: ادخلوا السوق وتعالوا المسجد الكبير........(المسجد الكبير: مسجد خادم الحرمين الشريفين يعتبر من تحف العمرانية داخل السوق)...........وصلنا المسجد شوي الا داهمني واحد وكانه يعرفني من ايام الطفولة مرة يقول بلسعودية كيف حالك اشلونك وشوي يقلب تركي ناساسين ........عاد انا رديت اييم, تشكرات
صفطنا سيارتي في مواقف جديدة عملوها بفلوس .........والله ريحون من ذل الهنود علل الدنيا كلها موقف عندهم بس يوم صارت بفلوس ماشفت قطو......................
نزلنا ومشى امامنا مضيفنا الكريم الي اعرفة من ايام الطفولة .....اشوف الدعوة مافية شيرتون .....انصفق وجهي وقعد يطالع فيني خويي التركي يقولي اشفيك مو عاجبك الوضع نمشي.........قلت لا لا لا كلش تمام
اكملنا المسيره دخلنا عمارة شبة مهجوره هنا قامت نفسي تراودني في الرجوع .......بس قلت هذا احمد صاحبي وزي اخوي ماراح يرضى علي يذبحوني ولا شي من جد الوضع مايطمن شوي .....تسللت الا اذني بعض الاهازيج قلت شكلها..........ياكلك اكل البرشومي ياكلك حبه حبه.........وكلما نقرب تختلف علي الكلمات الا ان .....................فتح مضيفنا المحترم باب ايل لسقوط ..........هنا لم اتمالك عيناي مقهى وسط السوق ..........قمت افرك عيوني قهوة وشاي وتلفزيون وشباب تركي وشيبان كان ناقص يجيبوا كم من بنت واحلف بالله اني مو في السعودية .........في منهم الي شكله محترم وفيم منهم الي غير مبالي بس الا فك مخي على كل هذا الا زعاج كان في واحد ما خذ طاوله ونايم فوقها وكانت الطاولة مباشرة تحت التلفزيون..قوبلنا بترحيب والابتسامة مع بعض نظرات الاستنكار من البعض ...مافي مشكله دام النوايا سليمه..قعدنا وبدل ما اشوف التلفزيون قاعد اتمقل في وجيه الاتراك .........حوالي مئة تركي بينهم واحد سعودي بس زين كنت لابس لبس المشي برمودا وكات ونظرات وجواتي يعني تركي الا شوية والله لونها ثوب كان طلعوا حرة كفلاهم فيني....................عمومآ ارجع للموضوع الرئيسي المبارة ........بداية المبارة ركدوا الاتراك وعيونهم متوجه لتلفاز 21 بوصه الله والله اني اشوف اللعيبه نقط صغار تتحرك مادري كيف يشوفون .......شويه جت هجمه خطيره لاحد الفريقين ........تناقزوا الاتراك من كراسيهم ....تذكرت مباريات الهلال والنصر .....وشباب كيف يفزون اذا جت هجمه خطيرة .......على فكرة احد اطراف المبارة كان فريق غلطا ساراي التركي وهو الفريق الذي يشجعه صاحبي احمد......قعدت مجبورا والله مالي في الطين ولا في الطحين وتمشي اجواء المبارة هجمه من هنا وهجمه من هناك وكنت كل شوي امسك صاحبي يولد اركد ترى كلها كوره ...............يرد على بهز راسه لفوق وتحت بمعنى اوكية .....شوية رجعت للوراء قليلآ ودخلت في احلام اليقظة اني في احد مقاهي اسطنبول والاتراك يملؤا المكان ولكلام كله بلهجه التركيه شوي وتنتهي المبارة ونروح تقسيم ونشوف لنا مطعم نتعشى بعد هليله الكروية الحافلة وبعدها نروح نتمشي واشوف تركيا بعيون شمرانية على وزن (بعيون عربية).....
وانا اطير في سماء احلامي ...........شويه الا صرخة مدوية......صكتني ام الركب...بسم الله الرحمن الرحيم ..... كني كنت امشي 260 ودخلت بجدار.......قلت لصاحبي وشفية ووجهي قد اتخطف على قولت اخوان المصارية طالع فيني ووجهه يملئه الحزن يقول جابوا قول علينا قلت بس ...........بغيتوا طيروا:282: عقلي الله لا يوفق ابليسكم ............شوي تداركت نفسي وقلت خلك في اجواء المبارة احسن
وانا اقول لنفسي:فيك خير جمعلك قرشين وروح بدل ما تقعد تحلم.........عدت الا ادراجي سالمآ.........وقعدت اشجع فريق صاحبي احمد ...غلطاساراي التركي .....ونفسي يجيبوا هدف ابغى اشوف صاحبي يفرح مسكين كل ماجت هجمه لفريقه يفز من مكانه كانوا رئيس الفريق .....وبينما نتابع اجواء المبارة جت هجمه خطيره لفريقه........وضاعت حرام كان هو والحارس بس للاسف ضاعت.............وكانت في الوقت الضائع.......شوية طلعت الا خلاق الحميدة الى قام يسب بتركي ولي كب الشاي تعبيرآ عن غضبة ولي قام يغني ورقص, ولي قام يسب الحكم.......اول ما سبوا تذكرت الدوري السعودي كلش الحكم غلطان....... شويه صفر الحكم معلنآ نهاية المبارة ومعلنآ حزن صاحبي احمد الي المفروض انه يروح يكمل دوامه بس رفض واتصل على صاحبه هناك وقال احنا متورطين مع الشرطة.............صاروخ
عشان مايرجع والله لورجع ليقطع وجيه زباينه .......طبعآ انا لسه ابغى احلق شعر لكن يوم شفت الدعوة فيه كذا قلت .........اخاف يشقق لي راسي ماتسوى علي ....نقز صاحبنا ذو الملامح الطفولية لسه تذكروه...يقولي تبغوا تتعشوا .........سكتنا زي البنت الي جو اهله يسألوه تبغي تتزوجي وقاعده ساكته.....مشتهيه ومستحية.......المهم فهم الاجابه هو وقالي روح لمستشفى اسطون ....سلمات بعشينا في المستشفى لاحظ هو علامة التعجب الكبيره والصفراء فوق راسي ........وتدارك الامر وقال: في مطعم يسوي كباب تركي هناك .........قلت ماشي وصلنا استقبلونا استقبال حار ...من جد الاتراك يحبوا بعضهم ....قعدنا انا وذو الملامح الطفولية على الطاولة جاء العشاء نبغى نأكل بس ما نقدر صاحبنا احمد مو موجود وين راح قمنا ندوره ......قلت ليكون خذله زاوية وقاعد يبكي

وكنت وانا ادوره اضبط بعض الكلمات لمواساته ....احمد ...حبيبي .....

وين انت ......ياهو ..........ماصارت مبارة ......

شوي اشوف واحد طالع من البقالة ........ايوه هذا هو..... وين يالحبيب ...رجعنا نتعشى قعدنا ناكل واحنا ناكل اسمع تصفق صحون وبيبسي ينشرب بسرعة:112: .....الشو.....التفت الا احمد لاني كنت متأكد انه المصدر ......خلال دقيقتين الى ثلاث دقائق .........هذا الجسم النحيل الى مقاس فلينته small قضاء على صحنه وشرب البيبسي .........من الحره الى فية .........قلت في نفسي ان شاء الله دايم يخسر غلطاساراي عشان يصير يأكل كذا دايم....... والله لو سمع الي قاعد اقوله كان :117:........المهم خلصنا وقمت بحاسب قال احمد :shamranimax والله ماتدفع ريال طالعت فيه قلت لا يكون ضربت فيوزه وتحول سعودي الادمي ,احمد بسم الله عليك وشفيك قال عشاكم اليوم على مايصير يااحمد قال مافيه................نقطة ايجابية لصالح الاتراك اعتبرتها فوق انهم طيبين للغاية .........لكن لا انكر كرههم للعرب الذين قد صارحني به سابقآ ولكني بجهودي الحثيثة غيرت وبأذن الله شي من هذاالمنظور ........خلصنا وطلعنا لسيارة وشغلت لهم شريط اغاني تركية .....خاص بي انا ........يوجد به اغنيه لفنان قدير عندهم اسمه: ابراهيم طاراتوس ,تغنيها فتاة تركية ....على ما اعتقد ...ومقطع من هذه الا غنيه فيه ......هايدا صوير .....بمعنى حدثيني .......وهو اسم الاغنيه , قعدنا نسمع شوي انتهت الاغنية بداء صاحبنا ذو الوجه الطفولي بمسح دموعه, قلت والله ما جاء هلوجه الطفولي من عدم........امبسطوا على الاغاني ......نجحت في قلب الجو الحزين ولو لبعض ثواني الا ان قفز احمد مرة اخرى يناقش ذو الوجه الطفولي عن احداث المبارة طبعآ بلتركية وانا قاعد زي الا طرش بزفه ......ذكرني بلفنانه هبه الدوري لما كانت في برنامج صادوه اذا عصبت تتكلم مصري واذا روقت كويتي......وشوية بيطلع له قرنين من زود العصبية.......وصلن مسكنهما ونزلوا وهم يشكروني قلت لهم مافي اشكال اهمي شي انتو امبسطتوا.........وعدت الى المنزل وانا افكر في حسن اخلاقهم وطيبة نواياهم, و كيف ان اشياء صغيره ممكن تقلبهم رأس على عقب ملاحظة: اذا وثق فيك الاتراك اعرف انهم لن يشكوا فيك ابدآ وانا اقدر ثقتهم هذه................. وطبعآ مانسيت الحلم التركي الاسطنبولي بس اخرتوه الا ان اوصل البيت حتى لا اسوي لي حادث .....بعدها تستوي تركيا مضبوط........كفاية الصدمة الى صارت في المقهى التركي المعتبر وسط الدمام