مايحتاج تسوي شي
^^^^
الله يعين الي تبي تتزوجني ههه
بس توني صغير ما اعرف وش اسوي

الله يوفقكم ..ومبروك مقدمآ..
صراحة انا ماجربت بالرياض لكن صاحباتي جربو فندق المملكة..وفندق كراون مدرايم(الفهد كراون سابقا)على طريق المطار..مررة يمدحون غرفهم وخدمتهم وانت رح وشوف بنفسك..
وبالنسبة للتجهيزات اطلب منهم الي تبي اذا كان ببالك شي معين..ولو تقولهم ابي تجهيزات عرسان هم بيفهمونها (بيحطون ورد مجفف بالارض وعلى السرير وشموع وكيكة صغيرة..وبيعبون الثلاجة عصيرات ومشروبات..)عاد انت قلهم متى موعد الوصول عشان يولعون الشموع والتكييف..ولا تنسى بعد العشاء ..اذا ناسبك مطعمهم اتفق وش الاصناف الي تبيها ووقت التوصيل..واذا ماحبيت تاخذ منهم اتفق مع مطعم معروف ومجربه يوصلكم العشاء بعد ماتوصلون الفندق بساعة تقريبا عشان يمدي العروسة ترتاح وتغير..
وبالنسبة للهدايا انت وش حاب تهدي زوجتك..غلف الهدية عند محلات تغليف الهدايا..مع تعبير من قلبك بهالمناسبة..(ونصيحة اي هدية بتهديها سواء ذهب او ساعة اوعطور..ياليت تحط معها مصحف القران الكريم راح تكون اهم هدية واغلى هدية)والله يوفقكم يارب ويجمع بينكم بخير..
واي استفسار ثاني حاضرة..تحياتي

أول شي ألف ألف ألف مبروك
وعسى ربي يوفقكم ويرزقكم الذرية الصالحة ويسعدكم دنيا وآخره
بالنسبه للسكن أول ليلة عندك فندق فور سيزون(المملكة) وأيضاً فندق الفيصلية
فور سيزون ميزته موقع الغرف من ناحة الارتفاع العالي....لكن الفيصلية يمتاز بجمال الديكور
والخدمة الي من وجهة نظري أفضل من المملكة
وطبعاً كل الفندقين عندهم برنامج خاص بالعرسان وهو أنهم ينثرون لكم شرائط صغيرة ع شكل قلب
تكون ع السرير وديكور أحمر ع الكومدينة وأيضاً كيكة صغيرة ممكن يكتبون اسمك انت والمدام عليها
وإذا حاب تسوي أشياء زيادة ممكن بعد ما تحجز انت تجهز الغرفة بالي تحبه وتشوفه مناسب لك
هذا بالنسبه للغرفة أول ليلة
إذا صار من بكرى عندك أكثر من مكان ممكن تطلع له انت والمدام
(طبعاً أكيد بيكون رومنسي وهادي)
عندك الكوفي والمطعم الي بالبلورة(أو الكورة) حقت الفيصلية جداً رايقة ورومنسيه
وفيه بالفيصلية مطعم إيطالي أكله حلو ورايق(ناسي وش اسمه)
وعندك المملكة فيها مطعم ممتاز هو قريل(أكله كله لحوم مشوية بأشكالها) وفيه مطعم برازيلي
وإذا حاب مطعم ثاني عندك ست الشام شارع الثلاثين العليا
وفيه النخبة أيضاً لابأس به وكذلك مطعم أفوكادو بطرق الملك عبد الله وأيضاً مطعم روما بعماير السيركون من الخلف
والهدايا فيه أكثر من فكرة
مثلاً تشتري لها تعليقة صغير وتلبسها دبدوب صغير وتهديه لها
وعندك مجموعات نكتار حلوه
هذا الي في بالي وإذا جاء شي برجع أقولك عنه
تحياتي لك

بارك الله فيكم
أبي هل من أفكار للهدايا تكون أفكار جديده
ولكم التحية

انصحك تكون اول ليله في بيتك وجب كيكه وعصير
وحط الهديه على السرير وغلفها ورد طبيعي وحط معها درع يكون فيه تاريخ يوم زواجكم
ومن بكره الظهر رح وتغذ انت وياها في اي مطعم وانصح مطعم سنتو بير سنتو فخم ورايق
والله يوفقكم ويرزقكم الذريه الصالحه

الله يوفقكم ويسعدكم ويهنيكم
فندق مداريم كراون حلو ويجهزونه للعرسان زي اغلب الفنادق
الهدية افضل انك تشوف هي وش محتاجه او تحب وتهديه لها واتوقع خاتم الماس بيعجبها مره

الله يعطيكم العافيه جميعا
ومازلت أطمع بالمزيد من الإستشارات من الجميع
ولكم الحب

الله يوفقكم ياارب ومبروك مقدما
أنا أنصحك بفندق الفيصلية مرةفخم وحلوو وخدماتهم 10 من 10
خذ لك سويت فيه واطلب منهم يزينونه لك انت بس قلهم انك عريس وبيرتبونه لك على طريقتهم
وتقدر من بكرا تتغدى عندهم في مطعم انتر كوت مررة راايق وأكله لذيذ

رأيي ومن غير تردد alfaisaliah rosewood hotels