اخوانى واخواتى الاعزاء
انا مصريه وكنت اعرف زى ما الاغلبيه منكم تعرف
ان الاسعار للمصريين داخل مصر ارخص فى كل حاجه
بمقارنتها بالاسعار بالنسبه للاخوة العرب والاجانب
دى حقيقه كانت شبه مسلم بها
الى ان كانت رحلتى الاولى فى الصيف الماضى بشهر يوليه
كنت انا وزوجى واسرتين خليجتين اصدقاء
روحنا شرم الشيخ وقررنا اننا نعمل رحله بحريه
رحله جزيره محمد الا ان اصدقاءنا كانوا مترددين
فقمت انا بحجز مكان لشخصين فقط بالرحله انا وزوجى
الحقيقه مش فاكرة السعر بالظبط من احد المكاتب بخليج نعمه
اعتقد انه اول مكتب بعد فندق نعمه باى
الى كده عادى الا اننى فوجئت بعد شويه ان اصدقاءنا حجزوا على نفس المركب لنفس الرحله
والاغرب بقى تتوقعوا ايه حزروا كده
حجزوا بسعر اقل منى انا المصريه
فاستغربت وحسيت انى اضحك عليه وقلت لهم ازاى انتوا العرب تاخدوا سعر اقل منى انا
المصريه وماكان منى الا الذهاب للمكتب وطلبت منه ياما يادينى بنفس السعر بتاعهم
كان المفروض اطلب اقل منهم لانى مصريه لكن عدت عليه:112:
لانى كنت متعصبه ياما الغى الرحله ويرجع لى الفلوس
وطبعا اللى بيدفع مش بيرجع فالبفعل ما كان من مدير المكتب اللا ان اعاد لى فرق المبلغ
وسالته ايه السبب فى تفاوت الاسعار فقالى انه ما فيش سعر ثابت
وبالفعل وجدت على المركب اردنيين واخدين اسعار اقل منى انا المصريه
فباختصار اخوانى قاعده ان العرب اعلى سعرا فى كل حاجه هذا ليس صحيح
الا فى الاشياء المحددس عرها مسبقا مثل الفنادق
انما اى شى تانى يجب الفصال فيه لغايه لما تنشفوا ريقهم
وللاسف انا ما عنديش الموهبه دى