- مبارك عليكم الشهر
- الله يتقبل منا جميعا وينعاد عليكم بالصحة والعافية
- 4منتجع دانات العين
السلام عليكم ورحمة الله وبركاته
باقي ايام معدودة لرمضان 2014
مبارك عليكم الشهر
الله يتقبل منا جميعا وينعاد عليكم بالصحة والعافية
أخواني مع قدوم رمضان هالسنة في الصيف، أبوظبي مجهزة لكم فعاليات وأنشطة مميزة جدا ، فعاليات تستانسون فيها انتوا وعائلاتكم وخاصة في ليالي رمضان 2014، ولاني شفت الكثير من الأسئلة والاستفسارات من أخواني عن رمضان 2014 في أبوظبي فحبيت أجمع لكم بعض الأماكن والعروض الجميلة اللي بتكون في أبوظبي هالرمضان.
ومن أهم الفعاليات لرمضان 2014 في أبوظبي هي الخيم الرمضانية، وكثير من الفنادق والأماكن مجهزة هالسنة لليالي مميزة لكم أخواني، تقدرون تتعرفون عليها هني:
"خيمتنا” في الخالدية بالاس روتانا
الخالدية بالاس هالسنة مقدمين جلسات رمضانية وايد مميزة، فتقدرون تستانسون في ليالي رمضانية حقيقة، تحسون فيها بالضيافة العربية الأصيلة والجو الرمضاني وانتوا جالسين في خيمة رمضان المبردة ..
وبالنسبة للإفطار فلائحة الأطباق تتنوع من العربية للعالمية المميزة في الخالدية بالاس ومع العصائر اللذيذة اللي أكيد تروي عطشكم طول اليوم.
والخيمة مفتوحة من 16 يونيو – 27 يوليو 2014
وهني بعض الصور عنها
وبالنسبة للاسعار فتكلفة بوفيه الإفطار 175درهم للشخص، وأعتقد السعر ممتاز للكل.
اما وقت السحور فبتستانسون بالالعاب اللي بيقدمونها مع الموسيقى العربية الأصيلة من الساعة 9:00 مساءا ل 2:30 صباحا وتمتد ل 3:30 في عطلة نهاية الأسبوع
وتكلفة سعر السحور 45 درهم للشخص
تقدرون تحجزون أو تعرفون أكثر عن طريق هاتفهم
0+
وهني وموقع الفندق http://www.rotana.com/rayhaanhotelandresorts/unitedarabemirates/abudhabi/khalidiyapalacerayhaanbyrotana
فيرمونت باب البحر
فيرمونت بعد يقدملكم أحلى خيم رمضان، ويقدمون لكم بعد أكثر من خيار لأن عندهم خيمتين بدال الوحدة .. عندكم خيمة جنب الشاطئ ، وخيمة على شرفة لأجمل افطار وسحور مع عائلتكم واصحابكم
الخيمة مفتوحة من 28 يونيو – 27 يوليو
وهذا موقع الفندق الالكتروني http://www.fairmont.ae/abu-dhabi/
للحجز أو الاستفسار
97126543333+
وهذه أخواني الخريطة http://www.fairmont.ae/abu-dhabi/map/mapanddirections/ لتوصلون بالسلامة
وادي ادفنشر
ووادي ادفنشرمع أنه وادي المغامرة والحماس بس بعد هالسنة يحتفل برمضان بطريقته الخاصة بموائد الافطار من الخميس للسبت طوال الشهر الفضيل، فتقدرون تجربون هالمكان اللي يقدملكم أشهى الاطباق بعد يوم صيام طويل.
هذا العرض من 28 يونيو – 27 يوليو
موقع وادي ادفنشر http://www.wadiadventure.ae/index.html
هاتف 971561123055 +
الخريطة http://www.wadiadventure.ae/contactus.html
فندق شانغريلا، قرية البري
كعادته كل سنة فندق شانغريلا قرية البري، كل مطاعمه تتجهز لإستقبال اللي يحبون يفطرون..
وفنفس الوقت يجهزون الخيمة الرمضانية المطلة على جامع الشيخ زايد الكبير الرائع وهالشي يزيد الاحساس الايماني في المنظر ويحسسكم بعظمة هالمعلم الرائع، واللي تفتح من بعد الإفطار ولحد السحور..
تقدرون تستانسون بأجواء رمضانية وباجواء ترفيهية، وبالقهوة العربية التقليدية مع وجبات السحور الشهية على مدار شهر رمضان.
إذا تحبون تعرفون أكثر، هذا رقم الاتصال
8 وخريطة الفندق http://www.shangri-la.com/shangrila/city/abudhabi/
سانت ريجيس جزيرة السعديات
منتجع سانت ريجيس جزيرة السعديات يستضيفكم بخيمته الرمضانية اللي يكون فيها اشهى الأكلات بعد يوم صيام طويل. خيمته وايد حلوة والجلسة تجنن!
وتبدأ أسعار قائمة المأكولات عندهم ب 185درهم للشخص الواحد.
وهذا اخواني موقع الفندق الالكتروني http://www.stregisabudhabi.com/arعشان تتعرفون على التفاصيل أكثر
أو تقدرون تتصلون على 8888 498 2 971+ للاستفساراتكم
وهني الخريطة http://www.stregisabudhabi.com/ar/local-mapلتلاقون طريقكم بسهولة
روتانا بيتش
قاعة الثريا الكبرى! تفتح ابوابها في هالشهر الفضيل عشان تستانسون بجلستهم الحلوة و بتنوع قوائم الطعام وخاصة أطباق رمضان المميزة وطبعا تلاقون عندهم المشروبات التقليدية المميزة برمضان .
روتانا بيتش دائما من الأماكن اللي تقدم شي مميز
وهذا الموقع الالكتروني http://www.rotana.com/ اذا تحبون زيادة معلومات
أو الاتصال على رقمهم
4منتجع دانات العين
المميز بمنتجع دانات هالسنة أمسياته الجميلة جدا اللي بتستانسون فيها طول الليل وفي السحور على اصوات العود . طبعا منتجع الدانات من الأماكن الجميلة جدا وخاصة انها بعيد عن ضجة المدينة. ان شاء الله تستانسون بليلة جدا جميلة فيه.
والإفطار بيكون 125درهم للشخص الواحد
ولكم الموقع الالكتروني http://www.alain.danathotels.com/
97137046000+
وهذا موقع المنتجع
الموقع http://www.alain.danathotels.com/location.html
ان شاء الله يكون موضوعي أعجبكم واستفدتم منه
ورمضان مبارك عليكم جميعا
