الحمد لله على السلامة
وشكل الفندق نظيف ومرتب
وبنتظار تقريرك واهم شي الصور

لمحه عامة عن الفندق :
موقعه ممتاز وايد على يمينكم يصير الكارتنر ( شارع المشاة ) وساحة ستيفنز ، واقرب محطة اندقراوند تبعد دقيقتين مشي ، واهم شي جنب الفندق عاليميين موجود مطعم عراقي ( مشاووي ) .
وعاليسار تصير الشتاد بارك ( خمس دقايق مشي ) ومطعم فرايديز + ماكدونالدز .
غرفة الفندق اللي عطونا اياها صغير ، تصلح لشخصين فقط من غير أطفال ، يعني اللي عند طفل بعمر السنه بالمره ماتصلح لأنها صغيره ، حتى السرير اذا لشخصين مقاسهم اكثر من لارج ههه مايصلحهم
معاملة الموظفين حلوه والابتسامه على طول مرسومه على وجههم
واللي يميز الفندق إنه هادي ، وبجنبه مجمع تجاري ، راح تشوفون صوره فالرد الجاي .

تلاحظون الباب اللي يسار الصوره هذا يفصل بين الفندق والمجمع ، يعني لما تدخلون من هالباب راح تلقون الأنصيرات اللي تودي على الغرف موجوده على يمينكم وعلى يساركم .
ولو كنتوا واقفين في هذا الممر اللي طالع فالصوره ، وشفتوا يمينكم راح تشوفون هذا المحل .

والمجمع يتكون من دوري أرضي وأول وثااني ، وعن محلاته وأسعاره ، لين الحين مالفيتها ولا خذت فكره عنها .
ساحة ستيفنز + والكيرتنر ( مرتبطين في بعض ) :

كاتدرائية ستيفنز :
موجوده بالقرب من ساحة ستيفنز ، والكاتدرائية مطلة على الساحة ، وقريب منها محل زارا ، وكذا كافي شوبز ، وماكدونالدز .

الحناطير موجودين عند الساحه ، وياخذونكم بجولة ، بس لين الحين ماجربناهم ، مابغينا نجرب كل شي في يوم الوصول .

شتاد بارك :

الممر اللي يوديكم على الحديقة ، ويصير على شارع عمومي .

بحيرة موجودة فالحديقة .

للأسف ماعملنا حسابنا بالأكل للبط والحمام

جسر يوديكم عالجهة الثانية من الحديقة

الغربان وصوره لهم من فوق الجسر ، حجم ماشاء الله كبير ويخوفون ههه

صورة للأنتر من الجسر اللي فالحديقة ، طبعاً هالمنظر تكرر كثير في تقارير الأعضاء

في هالصورة تشوفون أعيالنا ههه موأعيالنا صج ، أقصد أعيال الخليج مسيطرين عالملعب ومحتلينه وصاير كله لهم

موسيقي م اسمه جونز واسم أبوه نسيته ، موجود أيضاً في اشتاد بارك

ساعة فالحديقة مقابلة التمثال الذهبي .وعند هالصورة أنتهى التقرير المفصل عن اليوم الأول
ونسيت أقول لكم إن الغدا كان فالنورد سي والعشا في المطعم العراقي اللي جنب الفندق ، واعذروني عالأخطاء فالكتابة ، ودي أسوي تعديل بس مافي وقت
وإن شاء الله الحلقات الجاية تكون أحلى وأحى

الحمدالله على السلامة اختي روح المسك
ماشاءالله أول بأول سجليني متابعة عزيزتي ورحلة سعيدة

الله يسلمج بنت بلادي
وأنا بعد سجليني متابعه لموضوعج
ملاحظة :
لما خذنا تذكرة الأندرقراوند اليوم طلع التاريخ يبدى من 13-8 يعني بداية الأسبوع عندهم بعد الويك إن ، يعني تاريخ 11-8 و12-8 ناخذ لهم تذكرة باليوم ، يعني انتبهوا لهالنقطة يعني اليوم وبكره مراح نستفيد منها
وسعرها لشخصين 28 يورو .

اخوي روح المسك رحلة موفقة انشاالله بس بغيت اسال بكم خذيت سعر الغرفة؟