انا من زوار ومحبين المنتدى
وسجلت فيه اليوم عشان تساعدوني
وماانسى تقارير الاعضاء ساعدتني في رحلتي لماليزا وسنغافورة
ودحين بخطط لرحلة لتركيا في عيد زواجي الثاني ومدتها قصرة للاسف 6 ايام بيوم العودة في بداية ديسمبر باذن الله (5 ديسمبر -10 ديسمبر)
من قراءتي عملت مخطط بس ابغى اقتراحاتكم ومساعدتكم
اسطنبول يوم الوصول 5 ديسمبر ( فين اروح او ازور اماكن علما باني حاطة في بالي عدم زيارة المتاحف والمساجد لضيق الوقت وابغى اماكن حلوة تنصحوني فيها ومهمة اشوفها في اسطنبول)
اليوم الثاني 6 ديسمبرابغى اروح للتزلج في الثلج ايش تنصحوني اروح الجبل في بورصه او بالوفا بالفري بوت؟؟
ايش احلى للتثلج واقضي باقي اليوم فيه؟
وطبعا في الليل ارجع للفندق في اسطنبول
اليوم الثالث والاساسي اسافر لانطاليا واجلس فيها 3 ايام (7,8,9 ديسمبر)
ايش تنصحوني بمنتجع الاقي فيه كل شي ورايق وهادي وبحره نظيف مافيه اي شعب مرجانبه تعيق السباحه ( واذا فيه البارشورت والدبابات البحرية يكون احلى ) ويكون سعره كمان حلو متوسط ومجرب من الاعضاء
اليوم الاخير 10 ديسمبر ارجع لاسطنبول واذا في شي حلو اقدر اروحه قبل مااسافر للمطار او اروحه تنصحوني به
سمعت عن جزيرة الاميرات ماادري يمديني اروحه واللا انطاليا تكفي؟؟ وازور مكان ثاني
بليز ردولي انا محتارة من جد وخصوصا زوجي رافض نسافر في الشتاء بس انا نفسي اتزلج وابغى افاجأه بمخطط الرحلة وارتب كل شي عشان لايعترض
وكيف الاجواء حتكون في بداية ديسمبر؟
من قراءتي لتقارير الاعضاء محى يكون بارد مرة صح؟؟