هلا اخوي
بالنسبة للجو بنوفمبر حيكون بارد خذ معك ملابس ثقيلة
وبالنسبة لبقية اسئلتك اذا قرائت تقارير بالمنتدى راح تعرف كل شي
دمت بود

كيف موقع الخطوط وين بالظبط
وخدمتهم كويسه يكفي انها دايركت
والفيز فيه موضوع متكامل عنها
ومثل ماتفضل بو طلول خذ من وقتك للاطلاع على الاستفسارات
والتقارير متاكده راح تضع جدولك كما احببته من الصور
موفق

الخطوط السعوديه كويسه اعتقد ست مقاعد فقط رحت عليها بالصيف
وبمطار شارل ديغول كل التكاسي تعرف مكان الخطوط بوابه 10 البوابه الاولي وخلف المكتب التاكس فري
موضوع الفيزا فيه موضوع للاخت شموخ واضح وفيه كل تجارب الاعضاء انصحك فيه

موضوع حلو ان شاء الله بنروح في نوفمبر الناقل الخطوط السعودية على قولة شموخة يكفي أنها دايركت ودي اعرف اذا طلعت انا الفيزا من السفارة من اي شركة اطلع التأمين التعاونية ولا أيش أفضل وهل المكتب يطلع لي الفيزة اضمن ياليت تفيدونا ولكم كل الشكر

أمس بس استلمنا التذاكر وان شاءا لله رايحين في نوفمبر
أكيد الجو البارد هو أهم ما في الموضوع
لكن ان شاءا لله ما منه خوف الملابس الثقيلة وقفازات وقبعات وشالات اهم شي
وكثير كنت مترددة لأن هالمرة معي أطفال لكن كلام الإخوان مطمن بخصوص البرد وانه ليس الشي الذي لا يحتمل
طبعا الأدوية ضرورية احتياطا والله يبعد عنا حاجتها
الطيران طيران الخليج ودايركت من البحرين
ثاني مرة اجربهم لباريس والمرة الأولى كانت ممتازة جدا
السكن أغلب الظن كراون بلازا ريببلك مش حابين نسكن قريب من الشانز هالمرة والمترو ما خلا مكان بعيد
ما رح ناخذ سواق بنعتمد اعتماد كلي على المترو وناوين نشتري باريس فيزيت من المطار لخمس ايام
فيه خطة نطلع لأي مكان قريب لمدة يوم الأقرب بروج بس خايفين نضيع متعتها في البرد
اخر شي رسينا عليه جنيف او ستراسبورغ وحدة منهم بس لحد الحين ما قررنا نهائي
الأماكن السياحية يعني الأخوان ما قصروا واغلب الأماكن قد رحتها هالمرة الحدث الأبرز ديزني لاند لأني ما رحتها من قبل ما كنت أقوى أروحها من غير عيالي
الله ييسر لنا ولكم وتكون سفرة ممتعة وجميلة وخالية من المشاكل

الموضوع وايد حلوو ويناسبني
نحن مفكرين نزور باريس في شهر نوفمبر باذن الله وبتكون معانا طفله عمرها 9 شهور ان شاء الله
والفيزا موضوعها خالص نحن في الامارات امر الفيزا وايد سهل نعطي المكتب وفي خلال 5 ايام تكون الفيزا جاهزه ب 700 درهم للشخص والحمدلله الفيزا جاهزه ومدتها 3 سنين
والفندق والتذاكر في شهر 10 بنحجز قبل السفر بشهر ان شاء الله
انا عني محتاره بين الشقق والفنادق فاحس اخر شي بنسكن في فندق الشاتو بما ان كل شي قريب له
رحلتنا بتكون 10 ليالي ان شاء الله ومفكرين نزور بروج في يوم الاحد من الصبح الى الليل ونرجع باريس
ومفكرين نزور ( قصر فرساي + متحف الشمع + ديزني لاند بس الاستوديو لان مابنقدر نلعب لان الطفله معانا + برج ايل وقوس النصر + والجالري لافيت اكيد + والاوت ليت + المونمارت + والحي الاتيني لازم اسير واذوق اكل معتز اللي نصح فيه ابو فواز الله يطول في عمره+ قارب في نهر السين ))
بما ان باريس الساعه 6 بتغيب الشمس في الشتا فاحسن نزور الاماكن في النهار ومن بعد الساعه 6 نتمشا في شوارع باريس وها احلى شي فيها
ويالله كلكم ردو علينا
وبصراتحه اطمنت من رد
https://artravelers.com
بما ان معاه اطفال لان انا ماعليه من شي بس احاتي بنتي والبرد وان شاء الله نزورها واكتب لكم احلى تقرير

شكرا لكم لزيارة صفحتي
ابو طلال شكرا لك اخوي الاخت شموخ شكرا لك واقصد هل الخطوط السعوديه من المستوى الخدمه في الدولي ومكانها في المطار اي بوابه ورد الاخ فيصل الله يعطيه العافيه
والفيزا ليس السؤال عن الاجرآت ماقصرت ياشموخ في موضوع الفيزا اقصد كل واحد يكتب مثلا ان المكتب افضل والا اروح للسفاره معلومات ودردشه
فراشة سويسرا بلاك احلى معتز
شكرا لكم ورحله موفقه

الفرنسيه والالمانيه مكتب خاص فيهم في طريق الملك فهد
في حال اكتمال الاوراق والصور المطلوبه تنتهي وتتيسر امركم في الفيز
الخطوط السعوديه لابأس فيها ماأقدر اقول الافضل لان يوجد الافضل بكثير
القطريه-الاماراتيه-الاتحاد-الاردنيه - التركيه
لكن مثل ماقلنا الدايركت يشفع لهاا اكيد