1. انا عادة من بادنقتون اخذ تكسي لبيتي يكلفني خمسة باوند او ستة باوند


2. تاخذ لها من يومين الى اسبوع ان شاء الله

بحاول اجاوب على القدر المستطاع
بالنسبة لأسعار ستاربكس وغيره فلا تقارنها بالسعودية.. ولكن قول باوند ونصف الى 2 باوند كوب الكوفي.. (انا مع كوستا)
الوجبات الحلال متوفرة بكل مكان في الادجوار رود.. وميتين وخمسين ريال ان شاء الله تكفي اذا بتختصر وجباتك على وجبة وحدة وخفايف..
المطاعم في مطاعم كثير اسعارها مناسبة.. انصحك تدمن بيتزا اكسبرس.. من احسن مطاعم البيتزا والاكل الايطالي واسعارهم مرة رخيصة (بيتزا مارجريتا + كوكا) 9 باوند فقط
وبرضوا تقدر تطلب من دومنيوز بيتزا بيتزتهم هنا الذ من الخليج واسعارهم معقولة (مارقريتا وسط + كوكا) 13 باوند
اما بالنسبة للوجبات العربية فهي غالية مقارنة بالمطاعم الاخرى.. يعني شاورما معدل سعرها ستة سبعة باوند
الحدائق وزع وقتك بين الحدائق ترى في كثير حدائق.. الريجنت حلووة والهايد بارك حلوة ورواق عند البحيرة (يعتمد على وقت زيارتها من السنة بالصيف لاتطاق)
فنادق رخيصة راح اذا فعلا همك النومة والنظافة فقط فأنصحك تلجأ لفنادق (بد اند بريكفاست) تبدأ اسعارها من 30 باوند لليلة ومواقعها بكل مكان واستفيد من الفلوس بانك ترفه نفسك بالسفرة
النت اغلب فروع ستار بكس فيها انترنت / ماكدونالدز فيه انترنت / كوستا تقريباً اغلب فروعه فيها انترنت وكلهم مجاني
الباصات سعر التكت حق اسبوع تقريباً 17 وشوي (رفعوا سعر التذاكر بدءً من شهر 1/2011 بنسبة 20%)
في الباص راح تلاحظ بعض الكراسي جنبها رسمة على الجدار (عربة طفل او صورة رجل كبير) تقدر تقعد فيهم لكن اول ماتدخل حامل / شخص برفقة عربة اطفال / شخص كبير / شخص مقعد على طول تقوم لأن لهم الأولوية بالمقعد.. فأنت ريح عمرك وروح اقعد ورى على طول
الهيثروا اكسبرس اول ماتنزل من الطيارة غالباً تلقى موظف واقف وماسك جهاز وينادي هيثروا اكسبرس .. تقدر تشتري منه تذكرة القطار .. اذا مالقيته اول ماتطلع تاخذ شنطتك وتمشي راح تلقى لوحات مكتوب عليها اكسبرس انت اتبعها واقطع التذكرة القطار ينزلك في محطة بادنقتون بوسط لندن.. تقدر من هالمحطة تنتقل بالأندرقراوند او الباص او التكسي لفندقك

انا عادة من بادنقتون اخذ تكسي لبيتي يكلفني خمسة باوند او ستة باوند

الفيزا.. طلع فيزا سياحية نبي ست شهور او سنة او سنتين هذا شي راجعلك الارخص طبعاً ست شهور اما سعر السنة فهو نفس سعر السنتين يعني الاوفر سنتين وسعرها 1500 تقريبا اما ام ست شهور فسعرها اقل من خمسمية ريال بس ناسية كم بالضبط

تاخذ لها من يومين الى اسبوع ان شاء الله

مواعيد السفر من 3 الى خمسة اوقات جميلة ولكن افضلها 5 شهر رائع بكل المقاييس احلى وقت ممكن تسافر فيه جو بديع
بشكل عام لندن تتميز بأمطارها المتوقعة دوماً وأبداً يعني مافرقت.. اما الي يقولك ان البرد الحين يذبح فتراه ماصدق ههه عادي الجو بارد ولكن ماعندنا اي مشاكل بالعكس معقول جداً يعني خف البراد الي يخليك ماتتحرك الحين براد عادي

الاستاذه ميمي
والله شجعتيني اجي بريطانيا
من جد
قبل شوي تحطمت
شفت 10 داخلين ولا احد جاوب
بس رفعت معنوياتي
بس تعالي اختي
على طاري فنادق بيد ان بريكفاست
رحت حق البوكنق
مالقيت لهم شي
ممكن تحطين موقعهم؟؟؟
وكمان وين مكانهم بالتحديد؟
وهل اقدر احجز من الان؟
وشلون نظامهم ؟ اقصد هل لهم نظام معين لان اسمهم يوحي بشي !
وشاكر لك
وياليت باقي الاعضاء يردون
تروا لسى ليلي طويل

1. بيكر ستريت فيها الكثير ايضا


2. تقدر تاخذ فكرة على صور الغرف تقريباً مطابقة للواقع

مكانهم يا طويل العمر بكل مكان.. ما اظن موقع بوكنق فيه.. بس لما تكتب بقوقل بد اند بركفاست لندن بيجيك كم شغلة
نظامهم غرفة صغيرة .. نظيفة طبعاً .. وفطور مشمول بالسعر
القصد انهم ماعندهم خدمات زي الفنادق من غسيل ملابس ولوبي وقعدات ومطعم وخدمة 24 ساعة
القصد انه مكان مريح ونظيف للنوم بسعر رخيص ويوفر لك معه فطور عشان كذا سموه (سرير وفطور ههه )
بادنقتون مليانة فنادق زي كذا.. شكلها الخارجي صغير تحسبه بيت لكن لما تقرب منها تلقى مكتوب على الباب اسم فندق ماراح تلقى لا سكيورتي على الباب واقف ولا غيره اللهم بتدخل تلقى موظف قاعد عند رسبشن متواضع يخدمك

بيكر ستريت فيها الكثير ايضا

انا عن تجربة شخصية جربت اثنين في بادنقتون واحد كان سعره لليلة الواحدة 60 باوند ... الثاني كان سعره شي وخمسين باوند وفي واحد في بيكر ستريت ب 40 باوند للغرفة الي حمامها بداخلها اما الغرفة الي حمامها مشترك تكون 30 باوند فالأفضل تنعم بخصوصية وتاخذ غرفة 40 باوند
للأسف ماعندي الا عنوان الفندق الثالث الي في بيكر ستريت لأني مازلت محتفظة بالكرت وهذا هو
http://www.londons-continental.com

تقدر تاخذ فكرة على صور الغرف تقريباً مطابقة للواقع

هالفنادق اسعارها غالباً ثابتة ماتتغير زي الفنادق العادية فاللأفضل الحجز بدري عشان تضمن الحصول على غرفة في تاريخ سفرك
هذي النوعية من الفنادق للناس الي تبي تخصص فلوسها للوناسة ومايهمها الفندق واهم شي انك عزابي.. وحلو الواحد يجرب شي جديد.. اما اذا مستعد ترفع ميزانيتك وتاخذ فنادق افضل فالخيارات كثيرة اتمنى غيري يفيدك فيها

والله قاعده تمطر الحين بالرياض
والساعه 3 و ثلاثة عشرة دقيقة فجرا
وانا والله قاعد ادعي لك
امين
روحي ياميمي يابنت ام ميمي ربنا يسترها معاك
والله انت شمعة المنتدى
مادري شنو اقولك
المهم اذا جيت للندن لك مني احلى كليجا
ههه

الاخت ميمي
ممكن اسا ل بس بخصوص هالاوتيل اللي ذكرتيه
شلون اقدر احجزه؟
لاني ماعرف الا عن طريق البوكنق او اكسبيديا
اتمنى تردين

والله حرام
فوق 45 مشاهده ولا رد !!!
بليز ردوا ياحماعة

ا ل و ح ي د
هلا بأختى الفاضله مدام خبيرتنا ميمي معاج لا تشيلين هم تحياتي إلى أختى ميمي خبيرتنا
بارك الله فيج

ماشاء الله ماشاءالله
هذه اساله الثانويه العامة بس مايهمك خبيرتنا موجودة ونحن ايضا في الخدمه
بالتوفيق

ا ل و ح ي د
هلا فيك الوحيد وان شاء الله ماتكون وحيد
الحجز من نفس موقع الفندق واذا ماتعرف تحجز من موقعهم كلمهم تلفون واحجز.. يعني الموضوع طبيعي ان شاء الله
كل الفنادق نفس النظام اما من خلال موقعها او تلفون او من خلال مواقع تدعمها زي بوكنق وغيره
روحي ياميمي يابنت ام ميمي ربنا يسترها معاك
الف شكر لك على هالدعوات الحلوة والله يسمع منك يارب تسلم
أخواني المزعج والموادع.. الله يعطيكم الف عافية دايم محرجيني بكلامكم وذوقكم.. وانتوا السباقين دوم والله يقدرنا نفيد ونستفيد