أبو وليد 2012
14-12-2022 - 12:03 am
أسعد الله ايامكم بالخيرات والمسرات والله يجعل ايامكم كلها راحة وسعادة عندي كذا استفسار ان شاء الله انكم ماراح تقصرون معي
ان شاء الله ناوي اسافر لاستراليا لسدني بتاريخ 26 ديسمبر من بجاكرتا بحكم انها اقرب شي بالنسبة للخطوط السعوديه لاستراليا وش تنصحوني فيه ارخص طيران كم سعره علما باني ابجلس فتره اسبوع في سيدني لقيت اير اسيا بس مادري عن وضع العفش ولاهي دايركت تمر ماليزيا وبعدها لسدني
الفيزا السياحية كم تجلس عشان تطلع
الحين بقى على جوازي وينتهي فتره 4 شهور لازم اجدده ؟
وبالنسبه للسكن كم راح يكلفني
اسعد الله أيامنا وأيامك ان شاء الله
تفضل اسأل على راحتك وإن شاء الله ما راح نقصر معار وبنجاوبك على كل شي بقدر المستطاع
عزيزي سفرتك باقي عليها زمن طول جدا يعني تقريبا 10 شهور
هذا لا يمنع التخطيط المبكر لكن ما أنصحك بالحجز من الآن ، خطط ورتب أمورك واترك الحجز لحين وجود عروض وتخفيضات على الاسعار
إذا بتسافر من جاكرتا إلى سيدني فطبعا الخطوط الاندونيسة هي أفضل شي لأنها تروح دايركت لكن سعرهم مادري عنه هل هو غالي ولا لأ
خطوط اير اسيا انا مجربها وهي خطوط اقتصادية وممتازه ورخيصة ، تقلع من ماليزيا لذلك إذا بتروح عبر خطوط آسيا الأفضل انك تكون في ماليزيا وتسافر من هناك
بخصوص العفس فأمره بسيط جدا جدا ، طيران آسيا يعطيك ميزة اختيار وزن العفش المراد نقله معاك
ممكن تختار 20 كيلو وممكن تختار 25 أو 30 لغاية 40 كيلو للشخص الواحد !!
طبعا كل وزن له قيمته لكن السعر مو غلي وايد بحدود 70 ريال لوزن 20 كيلو
فلا تشيل هم العفش بالطيران الاقتصادي لأنك انت من ستختار وزن العفش المطلوب
أيضا هناك خطوط طيران اقتصادي واسمها خطوط تايقر
http://www.tigerair.com/sg/en/
وانا مجربها كذلك وهي لا تقل عن خطوط اير اسيا بشيئ
نفس الفخامة المتواضعة والسعر الرخيص ، وهي تقلع من سنغافورة ومن كوالالمبور
الفيزا السياحية لها قسم خاص بالاستفسارات ، لكن بوجه عام بحدود اسبوع أو اقل وتخلص اجراءات الفيزا السياحية
بخصوص الجواز نعم لازم تجدده من الحين لأنهم ما راح يعطونك فيزا لو باقي على انتهاء جوازك فترة 4 شهور
أقل شي 6 شهور !!
أما السكن فأمر سهل وهين لكن سعره يعتمد بالدرجة الأولى على المكان المطلوب فيه السكن ونوع السكن وعدد المسافرين و و و
أتمنى أكون افدتك بإجاباتي
مع خالص التحية