أنتظر مساعدتكم ياخبراء وجزاكم الله خير .. علما بان هذي هي الزيارة الاولى للندن .

1. وعليكم السلام والرحمه.


2. اختي انا بجاوبج بالي اعرفه وان شاءالله افيدج.

وعليكم السلام والرحمه.

اختي انا بجاوبج بالي اعرفه وان شاءالله افيدج.

• بالنسبه لجو لندن في شهر اكتوبر. فهو بارد. بس برودته حلوه يعني اهم شي الجاكيت والقفازات والمظله تحسباً للامطار. اما مانشستر ماعندي فكره مارحتها من قبل
• بما انها اول زياره لكم بنصحج بالباص السياحي عشان تعرفين عالمعالم. واذا ميزانيتج تسمح خذيه 48 ساعه. اول يوم لاتنزلون من الباص خلوه يدور فيكم وتعرفوا على المعالم. وثاني يوم انزلو المكان الي يعجبكم. والي حسيتوا انكم تبون تتعرفون عليه اكثر.

وبالنسيه حق الاماكن السياحيه. عندج البيج بن ولندن آي حلوه والاكواريوم هاذي احذا لندن اي الي هو عالم البحار. ومتحف مداوم توسو ولندن ديجون (اذا حابين الرعب وكلكم كبار) ولاتنسين طبعا قصر الملكه والترافلجار سكوير . وطبعاً الاماكن الي ذكرتها كلها بتمرون عليها بالبيج باص.
وفي اقتراح ثاني اذا انتوا مب حابين فكرة البيج باص. تقدرون تروحون الاماكن السياحيه بالمواصلات العامه وترا هاذي سهله على فكره سواء بالاندر قراوند او الباصات الحمرا العاديه.
وطبعا عندج بعد الحدايق العامه مثل الهايدبارك. والقرين بارك. والريجنت بارك والي انا افضلها شخصيا اكثر من الهايد بارك لانها هاديه وحلوه. وهي قريبه من مدام توسو. وفيها حديقة الحيوان.
ووهاي الي يحضرني حالياً. واذا تذكرت شي راح اضيفه ان شاءالله.
وانصحج اختي تقرين التقارير السابقه للاعضاء لانا فيها تفاصيل وايد بتساعدج. والصراحه ماقصروا قطوا كل شي تقريباً.
واسمحيلي على الاطاله.

مشكورة الله يسلمك ،، لكن أنا خائفه من البرد والثلج ،، اشوف درجة الحرارة إن شاء الله العظمى 15 والصغرى 8 ..
وهل تنصحوني اطلع لندن و باريس ؟ او لندن و مانشستر ؟ أنا مدة رحلتي 14 يوم إن شاء الله .

ماقصرو الخبراء
ممكن باريس 4 ايام ولندن 10

في اكتوبر ماراح يكون فيه ثلج والله العالم الثلج في ديسمبر او يناير
الجو رائع مائل للبرودة وماقصروا الاخوان الله يجزاهم خير افادوك
واي سؤال اخر حاضرين

الله يعافيهم وجزاكم خير .. تنصحوني في لندن ومانشستر ؟ او لندن وباريس ؟
وكيف جو مانشستر هل بسكون برد مره بحث احول على باريس ؟
وشكرا وجزاكم الله خير الجزاء

اختي من ناحية الثلج لاتاخفين. اكتوبر الي راح كنت في لندن لين اواخر نوفمبر . ومثل ماقلتلج مافي ثلج بذن الله والبرد يحتمل وحلو. وطول مانتي لابسه الجاكيت والقفازات الوضع طبيعي.
وعلى فكره مرت علي ايام في نوفمبر كنت اتمشى بدون جاكيت بس بالجاكيت الصيفي الخفيف الي ينلبس مع البنطلون مب عشان بردانه بس لاني لابسه تحته تيشيرت نص كم . تخيلي!!! لاني ماكنت احس بالبرد!!!