فهد726
21-03-2022 - 03:49 am
السلام عليكم
أود أن أسأل عن الجو ودرجة الحرارة في اسطنبول وبورصة ويلوا هل كما أعرف حرارة أم كما أرى من تقارير بعض الإخوان برادات وأمطار ( نجيب ملابس شتوية أو لا )
أيضا لمن يعرف عن المترو وخطوط السير فيه وكيفيه اختيار أي منها للركوب وألوانها الأزرق والأصفر ومدري وشو
وشكرا لكم جميعا
الحرارة في اسطانبول معتدله يوم كنت فيها من 4 ايام كانت 27 ..
يلوا بارده فالليل ومعتدله بالنهار .. وقبل يومين امطار ..
( تجنن لا تفوتها هالمنطقه حتى سكانها اول مايعرفون انك عربي .. بيستانسون )
اسكن في جوق جدرا
قرية تركية بس سكانها خليجين ههه ماشاء الله ماخذين راحتهم وايد حتى انهم
يتمشون بشارعها بأرواب النوم .... تحس نفسك في مسلسل سوري بين الحواري الخضره
الكويتين والسعوديين و الاماراتيين هم اكثر جنسيات مستأجره في شقق هالقريه ..
بورصه الجو معتدل البارحه العصر كان 26 ..
ونصيحه لوجه الله .. في استانبول اركب الترام .. رخيص وايد وآمن ..
في يلوا اركب المترو باص ..
في بورصه اركب الدلموس وهو مثل التكسي بس لونه ابيض ..
وكلهم سعرهم ليره وحده على الشخص .... حتى لو مشوار بعيد يمكن يزيد عليك ربع ليرة ..
بس اذا رحت بالتاكسي .. مشوار 5 كيلو بيطلع لك ب 20 ليره .. وهو مبلغ كبير ومبالغ فيه ..
( اليوم انا مسافره طرابزون .. ومدحولي اياها امس ناس من الكويت يقولون برد موت وثلوج في جبال اوزنجول .. وللحين كل شي حلو .. والامن ماشي مثله .. احسهم مشددين هالسنه )
الله يوفقك ..