ممكن اسال عن ميونخ ؟؟
وميرسي بكل الاحوال على الخدمة

$$مذهلة$$
تفضلي اسألي..ورح أحاول بقدر الامكان مساعدتج..

Germany_prince
شكرا لك
أنا مسافرة من الكويت ولمدة اسبوعين
مفكرة خمس ايام في ميونخ بعدها يومين سالزبرج و4 زلمسي وبعدها ارجع ميونخ لان الرجعه من ميونخ
ودي اعرف هل سهل علي في دولة مايتكلمون انجليزي استعمال القظارت للتنقل ولا استعين بالتاكسي ولو انا اجرت سيارة هل ممكن اني اعرف اسوق بشوارعهم وانتقل من ميونخ للدول المجاورة بدون مشاكل؟
وانا مفكرة بفندق هوليدي ان السيتي سنتر او الميركور الافضل منهم والاقرب للمارين بلاتز وهل الحجز بالاوتيلات عن طريق النت افضل من الحجز من الاوتيل مباشرة
والله اسئلتي كثيرة وادري ازعجتك بس شسوي اول مرة اروح ومعاي عيالي وخايفة من التنقل من كان للثاني لاني ماعرف للقطارات واخاف اسوق وتقريبا كم تكلفة التاكسي لانهم يقولون انه غالي
وشكرا واذا ذكرت شي الله يعينك علي :tongue:

$$مذهلة$$
امبلا الالمان يتكلمون انجليزي.. وتقدري تتعاملي وياهم بالانجليزي
تقدري تستعملي القطارات الداخليه زي مترو الانفاق بس في البداية رح يكون شويه صعب لين تتعودي على المحطات وتحفظي اسماءها ..هذابالنسبة لداخل المدن
اما السفر من مدينة الى اخرى تقدري تشتري تذاكر جماعيه لكل العيله وتحجزي من محطة الانطلاق الرئيسية في ميونخ ورح يعطونك مخطط محدد فيه زمن الانطلاق ورقم الرصيف ورقم القطار وأسماء محطات التحويل من قطار الى قطار وزمن الوصول للمدينة المطلوبه والخ..طبعاً داخل القطار يوضحون كل شي بالالماني والانجليزي..
من خلال هذا الموقع تقدري تحجزي وتخططي رحلاتك الى اي مكان سواء داخل او الى خارج المانيا
http://www.bahn.de/international/view/en/
بالنسبة للتاكسي زيما قلتي غالي..تقريباً الدقيقه بيورو ونص..بس ينفع للمشاوير الضروريه والمستعجله داخل المدينة..واهم شي تعطون السواق العنوان مكتوب على ورقه ورح يوصلكم للمكان المطلوب ومو شرط انه يعرف انجليزي..
لو استأجرتي سيارة بيكون افضل وأسهل .. تحتاجي بس بطاقة فيزا ورخصه دوليه.. ولاتنسي تاخذي سيارة مزوده بجهاز النافي..تحطي العنوان المطلوب في النافي وهو رح يرشدك الى المكان المطلوب بدون اي مشاكل ..ونصيحتي السيارة أفضل
بالنسبة للحجز في الاوتيل..عن طريق النت افضل لان الفنادق هالايام زحمة ..لازم تحجزي قبل السفر
اتمنى اني افدتج .. واي استفسار انا حاضر

ميرسي كثير والله يعطيك الف عافية .. أكيد أفدتني وشاكرة لك

السلام عليكم
اذا ممكن تعطيني اسماء شقق رخيصة في فرانكفورت وبرلين واسعارها لشخصين واربعة اطفال

mprmpr999
مع الاسف اقدر افيدك بالفنادق ..ماعندي فكره عن الشقق في المدن الاخرى غير مدينة بون
السموحه .. مع تمنياتي لك بالتوفيق

بارك الله فيك
ودي اطلع من ميونخ على بريطانيا
وناوي اركن السيارة في المواقف
بس كم التكلفة بالساعة وباليوم
وشاكر لك طرحك اخوي

عصويد28
تقدر توقف السيارة في مطار ميونخ وتروح لندن
السعر رح يكون مابين 30 الى 40 يورو للاسبوع
اما بالنسبة للتوقفات القصيرة يوجد آلات اتوماتيكيه عند مدخل البارك يوضح لك كم الاسعار بالساعه..وكل بارك عن بارك يختلف سعر الساعه مابين 50 سنت الى 1 يورو... وكلما زادت مدة التوقف كلما كان أرخص