أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
من قبل رشحة كوينزتاون و كرمندل لي ان دراسة اللغه تحتاج انك تبعد عن العرب قد ماتقدر وهذا الشي جداًجداً مهم ويختصرلك اشيى كثير وهذا متوفر في القريتين ورتروا ايضاً وإن وجد عرب فقله جداً
وهذامو معناته مافيه مدن وقرى اخرى لاتصح فيها دراسة اللغه فيه كرايست شيرج واوكلاند وهميلتن وغيرها فيها معاهد جيده والمدن كبيره بس عدد العرب اكبر
وعلى فكره ترى القرى الي ذكرتها احياناً يكون طفش بس هذا يعتمد عليك تشوفلك بعض العوائل الي يطلعون وفلَه اوتشبكلك قروب طلاب وتستأجرون سياره وتتنقلون بين المدن والقرى او اي اكتفتي تسويه معهم وإذاحبيت اذرلك بعض الانشطه الي كنت اسويها ذكرتها لك واسف على الاطاله
اول ما وصلت كان عند العائله طالب الماني الطالب كان مره كويس وكان من هوات السياكل وانا ماعندي مشكله في السياكل وفيه في المدرسه لوحه إذا كان عندك اقتراح رحله اونشاط او رياضه معينه واقترحنا على الطلاب رحله بالسياكل إلى قريه سياحيه وفيها مهرجان تبعد عن قريتنا حوالي 4 ساعات وجلسنا فيها يومين, رحنا انا والالماني وسويسري وياباني وكانت الرحله مره متعه والطريق طلعات ونزلات جميل جداًجداَ كان توقفنا في ثلاث محطات نستريح وناكل بس مره تعب بعد كذا تعرفت على نيوزلنديين يلعبون كوره لكن مستواهم الله بالخير ( تعرفون مستوى حواري الرياض بس المشكله المناولات انهبلو على المستوى اعوذ بالله من كلمة انا )وصارو دائماً يدقون علي واطلع معهم العائله كان عندهم لوح التزلج الي في الموج يوم جى موسم حق التزلج طلعت فيه تعرفت على واحد تركي متزوج مدرسه انجليزي نيوزلنديه وجالس في نيوزلند 3 سنوات صرت انا والطلاب نقط له ونعبيله بنزيم ويتمشا بنا ويودينا لي اوكلاند وهميلتن هذ استفت منه كثير خصوصاً لغه الشارع
كنت اروح مع ابو العائله وبنته نلعب بلياردو تنس طاوله واسكواتش
في الكرس مس رحت مع العائله مجتمعين هم واقاربهم كلهم في مزرعه كانت مره فله وعندهم طياره صغيره زي لي في الافلام ركبنا فيها ودرنا حول المزارع واليوم الثاني كان في المزرعه دبابات رحنا نتمشى في منطقة غابه هذي بعض الاشياء بختصار واسف على الاطاله
اخوي سيلفر انا ابغى اروح في 28 شوال لمدة شهرين
ولا سويت شئ الى الان
على فكرة اللغة الانجليزية زينه
درست في الرياض لمدة سنه عام 2001
وعام 2002 رحت امريكا دورة لمدة سنة
وان تعرف طولت وبديت افقد اللغة
تكفى يا اخوي شور علي
ابي اروح للديرة حقت الساكل وبروح للعائلة حقتك اللي عندهم طيارة
ما عندي اي خلفية عن الديرة
انت قل لي وش اسوي بالترتيب وراح اسويه
تحياتي
اشكرك اخوي سيلفر
بس الموقع ما عرفت ما هو الانسب لي
وبانتظار الرسالة على العام
ولو ناخذ من وقتك 10 دقايق وترتب كل شي لي
اكون ممتن لك
واوعدك بهدية ادري ما هي بزينه
لكن المثل يقول
اذا انت اكرمت الكريم ملكته
وهذامو معناته مافيه مدن وقرى اخرى لاتصح فيها دراسة اللغه فيه كرايست شيرج واوكلاند وهميلتن وغيرها فيها معاهد جيده والمدن كبيره بس عدد العرب اكبر
وعلى فكره ترى القرى الي ذكرتها احياناً يكون طفش بس هذا يعتمد عليك تشوفلك بعض العوائل الي يطلعون وفلَه اوتشبكلك قروب طلاب وتستأجرون سياره وتتنقلون بين المدن والقرى او اي اكتفتي تسويه معهم وإذاحبيت اذرلك بعض الانشطه الي كنت اسويها ذكرتها لك واسف على الاطاله