فيه رقم تحصله على المفتاح لخدمات الطوارى تدق عليهم ويسنعونك
وبالنسبة لتعطيلك تشرح لهم ويعوضونك
الغلط منهم ,,, والمفروض انك شيكت قبل تاخذ السياره

اذا كان مذكور في العقد انها مافيها كفر سبير استبنه الحمد لله وتمام
اما اذا لم يذكر
الله العالم انهم بيغرمونك انت للاسف لانك وقعت على ان السيارة سليمة وشيكت عليها ومافيها نواقص
اتمنى ان تجد هناك الشخص الطيب اللي يتفهم

الله يستر وييسر' العقد ما انتبهت له يبغى لي أشوفه' ولكن يبدو أن السيارة أساسا غير مجهزة بالكفر الاستبنة!
واللحين دفعت 125 يورو فقط لنقلها على سطحة لزيلامسي' وأخاف بكره الكفر ما ينرقع وأدفع حق كفر جديد!
وكذا خسارتين فوق خسارة فندق ميونيخ!
وكيف لو زادتها الشركة وطالبتني بتعويض!!
الله المستعان.

الزجاج الامامي من الداخل (مباشرة امام السائق) بكون عليه رقم تلفون لازم تتصل فيه وهم اللي مجبورين يجوك وين ما تكون بكل اوروبا ويحلولك المشكلة او يعطوك سيارة غيرها وحتى لو تم نقل للسيارة همه اللي لازم ينقلوها بدون ما انت تدفع ولا سنت!
السؤال المهم انه اصلا بكون فيها كفر احتياط ولا لا؟؟؟ في سيارات كثيرة ما بكون فيها كفر سبير وانما جهاز صغير يتم وصله بالبلف وهو بيرقع المكان المخزوق بالكفر بشكل اتوماتيكي بدون اصلا ما تفك الكفر من مكانه!

أنا كلمتهم ولكن أقرب فرع لهم في سالزبورغ ولا رد'وكلمت المركز الرئيسي ولا عرفت أتفاهم معهم!
وبالنسبة للجهاز إللي يسوي الرقعة فالظاهر إنه موجود' ولكن ما عرفت له' وخفت أخبص والله!

كان الله بعونك ياصاحبي ،، وكمل سفرتك بخير وسلام وخل معك كامل الفواتير وناقشهم لعل وعسى ،،
ابي اسالك هل تم استجار السياره برخصتك السعوديه؟ او لازم دوليه؟ وهل الدوليه ذيك الكرت للي كانه دفتر؟ او من وين نطلعها بالرياض لاني احسه لعبه

السلام عليكم
يا احباب السيارات الالمانية مثل البي ام مايجي فيها استبنة
لان الكفرات تتحمل البنشر ويوصلك الى مسافة 100 كيلو وسعرها غالية قيمتها هنا في السعودية اكثر من 3000 للكفر الواحد

أخوي يزيد جزاك الله خير' وبالنسبة لي جبت الثنتين معي وقت الاستلام' والموظفة أكثر ما اهتمت بالسعودية طبعا الرخصة الجديدة المكتوبة بالانجليزي' ولكن من باب الاطمئنان احمل الثنتين.
والدولية تطلعها من مكاتب السفريات.
هلا أخوي عموري' شكرا على إفادتك ولكن الكفر عندي انشق شق كبير (حوالي اصبعين) وخفت المشي عليه يعدمه' والله يستر من شركة الصيانة لا تغيره دامه بهذا المبلغ' خصوصا دام في إمكانية عمل رقعة له بالجهاز المرفق معه.
والله شغلة مقلقة' لكن ربك يفرجها.

يا إخوان أفكر اروح لشركة الصيانة قبل لا يغيرونه بذاك المبلغ، وأقول لهم يجربون اول الرقعة الموجودة معها، ولو فرضاً ما صلحت فهل لو غيرته على حسابي أقدر آخذ حقه من الشركة؛ لأني مؤمن شامل؟