مافي شي والكل يطير عليه والحمدلله تم الوصول بسلامه وتوكلي على لله وحجزي مافيه اي عيب والطيران الداخلي كله بنفس المستوى والامان

neara
السلام عليكم يا اختي انا مجرب طيران بانكوك من جزيرة بوكت الي مطار بتايا
والطياره كانت قديمة ام مراوح مقاعدها 3 كراسي ب3 كراسي وهذا الكلام قبل جم سنة .
الطيران نوك نوك هم جربته من مطار بانكوك الي شنغ ماي ممتاز ونظيف وامان .
بس للامانة احسن طيران داخلي التاي التايلندي لا يعلو عليه .
زين رحلتج من وين الي وين عشان تبين تحجزين طيران داخلي دايركت .
اخوج / عبدالله الكويتي

ليمونة حزينة
مشكوره على الرد ريحني ردج كنت أحاتي شكلي باعتمد لأنه ماكوا غيره

و عليكم السلام ورحمة الله وبركاته ...
أولا مشكور على الرد أخوي وايد
ورحلتي يا محفوظ السلامة على ما خططت تكون إن شاء الله من الكويت لي شانج مي Chiang Mai بقعد
فيها يومين و منها لي سموي Koh Samui و النية إن شاء الله أقعد فيها 3 ليالي و في اليوم الرابع على
العصر أو الضحى العود إن شاء الله اروح على بانكوك أقضي إلي باقي من الرحلة الطيران الداخلي كله بيكون
على التاي TG بس مافي طيران دايركت من شانج مي إلي ساموي دايرك إلا على بانكوك إير ومدة الرحلة
صغيره و دي استغلها كلها و ما أبي اضيع وقت في الترانزيت وبس ...هذه كل السالفه ...
إذا عندك اقتراح اتساعدني فيه أكون لك شاكره

عزيزتي
طيران بانكوك ايرلانز هو الطيران الثاني الرسمي بعد التاي ،،، يعني هو مو طيران اقتصادي زي طيران نوك اير و اير اسيا ولذلك هو طيران معروف هناك وشوفي اسعارهم مقاربه دائما للاسعار التاي
وانتي طالما انك رايحه كوساموي لابد من طيران بانكوك ايرلانز
طائرتهم صغيرة صحيح وهي افضل مستوى من نوك اير وون تو قو وغيرها ويقدمون الوجبات داخل الطائرة ولهم صالة خاصة للبزنس كلاس
اما من ناحية الامان ونص ونص
لاتخلين الخوف يخرب رحلتك استمتعي برحلتك وتاكدي ان الطيارين والمضيفين يهمهم حياتهم ايضا
والاهم انك رايحه الى دولة سياحية متكاملة الخدمات
والدليل توفير طائرات الى كل وجهة سياحية
تحياتي
دولي

دولي9
مشكور وايد الحمدلله تم الحجز بإذن الله ...
كلامك شجعنا وايد و الحمد لله ربي سهل و حجزنا ...
و إن شاء الله ربي يسهل الرحله و تكون على ما نتمنى ...
تحياتي لك اخوي ولكل من رد علي

طيران بانكوك جيد من واقع تجربة وطائرة المراوح كانت مريحة بالنسبة لي أكثر من الطائرات العادية!

مشكور يا أخ علي ..
بس حبيت أسأل شنو طائرة مراوح ؟؟؟؟
يعني أصغر من العاديه و بسأل فيها صوت قرقعه ؟؟؟:bounce8:
جني توهقت في الحجز ؟!!

هي أصغر من العادية وهذه الطائرات تخصص بالعادة للرحلات الداخلية ، نظراً لصغر مدرجات بعض المطارات.
طائرة مراوح يعني محرك فيه مراوح بتشوفيها.......
والله أنا سافرت فيها كنت خايف في البداية ولما ركبتها كان بالنسبة لي أريح من الطائات العادية!
توكلي على الله