أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
أهلا عزيزي
حسب ما أعرفه انها تنفع للدراسة
أما للسياحه فلا تنفع ، قولد كوست أحلى وأفضل منها بمراحل
لكن ممكن إذا درست في بريسبان تقدر تروح قولد كوست بالويك اند مثلا وتتمتع بالسياحة هناك
المسافة بينهم قريبه ويمكن الطريق ما ياخذ أكثرمن ساعة بالسيارة
بريسبان هي عاصمة ولاية كوينزلاند لذلك تغلب عليها صفة الرسمية أكثر من السياحة
تحياتي
مساء الخير اخوي،،،
أنا كنت عايش باستراليا 6 سنوات ان شاء الله اقدر افيدك بس سؤالك مرة عام يعني صعب اقول نعم او لا و بس خصوصاً موضوع الدراسة يعتمد على اشياء كثيرة،،،
هل عندك مشكلة بالاسعار ؟؟
كم المدة ؟؟ دراسة لغة و بس او جامعة ؟؟
تبغى مدينة فيها عرب كثير او لا ؟؟
مدينة كبيرة او تفضل الصغيرة ؟؟
تبغى مدينة نسبة الاستراليين كبيرة او تفضل مدينة ملينة اجانب ؟؟
الجو تحب الجو الدافي او البارد ؟؟
يعني بصراحة صعب ارد عليك بدون ما اعرف معلومات كثيرة،،،
بانتظار ردك و ان شاء الله اقدر افيدك،،،
للمعلومية انا كنت في سيدني و زرت 99 من استراليا يعني ممكن اصير عنصري شوي لسيدني الله يذكر ايامها بالخير
اخوي انا رايح على حساب الديوان دراسة لغة لمده شهرين مايهمني فيها عرب او اجانب عادي اي شي بصراحة احب الجو مو بارد ولا حار في النص واشكرك على المرور
Syd.boy
ما دام المدة شهرين و دراسة لغة فقط روح للقولد كوست لا تروح برزبن ممله صح انها قريبه من القولد كوست بس ما راح تبسط فيها،،،
و مدة شهرين ما يمديك تشبع من القولد كوست،،،
بس نصيحة لا يفوتك تستاجر سيارة و تروح لسيدني الطريق ممتع ممتع جداً جداً و سيدني ما يحتاج حلوه اقل شي اجلس اسبوع فيها،،،
و اي سؤال انا حاضر،،،
السلام عليكم وحمة الله
اخواني ان شاء الله حتجيني دوره لغه سنه لاستراليا واخترت بريزبين بمعهد Embassy
هل تنصحوني بهذا المعهد او اغير غيره بالاضافه الى السكن هل تنصحوني باخذ عائلتي او اسافر لوحدي علما اني مبتعث يعني حتجيني المكافأه ثلاث اضغاف لو اخذت معي العائليه
اخي syd.Boy احتاج لمشورتك
مع خالص تحياتي لكل اعضاء هذا المنتدى المميز
العسيري اخي syd.Boy احتاج لمشورتك مع خالص تحياتي لكل اعضاء هذا المنتدى المميز و عليكم السلام و آسف على التأخر بالرد،،، المعهد ما اعرفه و لا اقدر افيدك عن معاهد برزبن،،، لاكن بعض النقاط اقولها لك،،، اذا الموضوع دراسة لغة وبس ما انصحك ابداً بالمعاهد اللي تابعه للجامعات روح للمعاهد اللي تجي عادية و سعرها ارخص و تكون صغيرة !!! ليش اللي سعرها ارخص ؟؟ غالباً اللي راح يدرس لغة انجليزية اما يكون "عربي او اسيوي او اوربي" الافضل انك تدرس مع الاوربي مع احترامي للعربي و الاسيوي ؟؟ الأسيوي 99 ما يعرف يتكلم و لهجته سيئة جداً !!! العربي ببساطة راح تتكلم معاه بالعربية و كنك يابو زيد ما غزيت !!! لذالك تحاول تكون بالمعاهد اللي يكثر فيها الاوربيين و هي المعاهد الخاصة الرخيصة الصغيرة غالباً هذا اللي يخص معهد اللغة،،، اما بخصوص تاخذ العائلة معاك او لا ؟؟ هذا يحكمه عدة امور انت لغتك كويسه ؟؟ اذا ايه عادي ما تفرق تأخذهم او لا بصراحة تقدر تبعد عنهم مدة طويلة او تأخذ يومين و تشتاق لهم و تخرب نفسيتك و تكره استراليا كلها !!! اذا هي بس دورة و ما تهتم كثير تتعلم لغة زين او لا و اهم شي تتمشى خذ العائلة احسن !!! اذا تسألني العائلة تأثر عليك من ناحية اللغة ؟؟ أقول ايه تأثر بشرط ما تروح هناك و كل وقتك من سعوديين !!! يعني اذا دأيماً مع سعوديين ما تفرق عن العائلة شي !!! و من ناحية المكافئة لا تشيل هم تكفي و زيادة،،،، و لو انا منك احاول اكون بالقولد كوست احسن خصوصاً هي بس سنة ما راح تمل و لاتشبع منها و لا تنسى تروح لسيدني بالسيارة لا يفوتك الطريق !!! و بالتوفيق و اي سؤال انا حاضر و ان شاء الله ارد عليك على طول بدون تأخير،،،،
