نشر في الرياض

للشباب فقط

hoty057

11-08-2022 - 09:20 pm

السلام عليكم
انا قلت للشباب فقط
يعني لايكون اشوف بنت داخله الموضوع
والا تراني ببلغ الهيئه
سؤالي
وش افضل مغسله للسيارات بالرياض ؟
اتمنى المشاركه من جميع الشباب فقط
( اذا اسمحوا لكم بالسواقه يابنات ممكن تشاركون ) الله لايجيبه ذاك اليوم

التعليقات (9)

sooofooo

12-08-2022 - 01:05 am

بالنسبه لشرق الرياض فيه مغسلتين
الاولى :- حي الملك فيصل شارع الامير بندر بن عبدالعزيز
الثانيه :- حي الخليج نهاية شارع سلمان الفارسي قبل طريق الملك عبدالله على اليسار
واعرف وحده في شارع الضباب بعد وكالة بورش

نور1

12-08-2022 - 02:06 am

في بشارع التحلية مغسلة سيارات السيارة الصغيرة 50 و الكبيرة 80 هذا على حسب كلام اخوي

Prince travelle

12-08-2022 - 03:07 am

افضل مغسله مغسله السبعي حي الملك فيصل بوصفلك توصيف ما اعرف اسم الشارع تجي مع طريق اخريص وتدخل بين شركة الجفالي وشركة دوج وتتجه شمال عند ثالث اشارة على يمينك افضل مغسلة من جميع النواحي النظافة واسرعه يعني مافيه داعي تنزل الا للتلميع يعني تدخل وتقفل الزجاج على نفسك واترك الباقي ولهم فرع جديد طريق الملك عبدالله نهايته من شرق .

مهند

12-08-2022 - 04:08 am

لو تحددلنا المنطقة أو الحي اللي انت فيها أفضل نشوفلك شي قريب منك
السبيعي من المغاسل المشهورة وشغلهم ممتاز ولهم فروع كثيرة
وفيه مثل ما قالت نور مغلسة بالتحلية عند المحظة الفخمة
غسيلهم غالي شوي لكنه ممتاز وأشبه للتلميع من مجرد غسيل

GOOGLE MAN

12-08-2022 - 05:09 am

فيه مغسلتين كل وحده افضل من الثانية
الاولى بطريق التخصصي وانت جاي من الثمامة على اليمين قبل تقاطع طريق الملك عبدالله اللي صار الحين دوار وهذي فيها نيجيرين شغل تمام:36_2_66: .. والثانية بشارع الضباب بعد ماما نورة وانت رايح للتحلية بتكون على اليمين وهذي حط سيارتك ورح لانهم زحمه على طول .. جرب ومابتندم وفيه مثل ماقالوا الشباب محطة العربة اللي بالتحلية وهي محطة فخمة نوعاً ما والغسيل عندهم اغلى شوي لكن ممتاز بصراحه :36_7_14:

ابوعلي511

12-08-2022 - 06:10 am

جبلك هندي ب 50 ريال بالشهر وريح راسك..

من جد

12-08-2022 - 07:11 am

أبو علي وين القى هندي كلهم بنقالية
يرش ماء عند الكفرات ويرفع المسحات وشغل أي كلام ويقول غسلتها

king.alhob

12-08-2022 - 08:12 am

تعال عندنا في الدخل المحدود غرب الرياض
مغسلة المكي
ههه

hoty057

12-08-2022 - 09:13 am

الله يعطيكم العافيه على الردود الحلوه بس لسا مافيه تفاعل
الهدف يااخوان من هالاسئله هو ان نكون لنا دليل شامل لكل الخدمات الي نحتاجها في الرياض
تفاعلكم محل اهتمامنا

الرياض المسافرون العرب

للشباب فقط