ام ابراهيم الحمدلله علي السلامة
ومبارك عليكم الشهر
ان شالله بروح رحلة علاج بمايو كلينك احتمال قبل العيد
وبصراحة هذي اول مرة اروح لاميركا ولا اعرف اي شي اهناك وبهالولاية تحديدا
كلميني عن السكن قريب يكون من المستشفي والاسعار ولو فية بعد معلومات لاتبخلين علينا فيها
حتي تعم الفايدة لي وللمنتدي
بنتضارج

السلام عليكم
ابي اعرف وش افضل خطوط طيران الى روشستر
عشان انا بوصل الى واشنطن الجمعه بأذن الله
وابي اعرف كيف اجراءات المطار وكم تأخذ عشان ارتب رحلة
مباشره الى مينسوتا

xxxxxxxxxxxxxxxxxxx
يمنع وضع الارقام الشخصية والايميلات في الردود
وتكرارا ذلك يعرض معرفاتكم للايقاف ,,
== مشرف البوابة ==

و عليكم السلام ورحمة الله وبركاته
الحمدلله ع السلامة أختنا / أم ابراهيم
و يعطيج العافية على هالمبادرة
و اسمحي لي اجاوب على اسئلة الأخوة هنا نظرا ً لعدم تواجدك الآن
..
الأخ الفاضل / أبو خليفه
ان شالله بروح رحلة http://**********: return false; علاج بمايو كلينك احتمال قبل العيد
وبصراحة هذي اول مرة اروح لاميركا ولا اعرف اي شي اهناك وبهالولاية تحديدا
كلميني عن السكن قريب يكون من المستشفي والاسعار ولو فية بعد معلومات لاتبخلين علينا فيها
حتي تعم الفايدة لي وللمنتدي
اذا كنت تبي يكون لك خصوصية تامة
استأجر في جراند فيلا .. فهي نظيفة و آمنة مع اني سمعت انهم خلال هالصيفية تأذوا من الكويتين
و قالوا خلاص ما راح نأجر للكويتين و لا الخليجيين
جراند فيلا ميزتها انك تقدر تدخل سيارتك و تنزل لبيتك فيها خصوصية تامة جدا ً
و بالنسبة لتأجير السيارات عندك الأخ جدا ً أمين و محترم
له مكتب تأجير سيارات
و للمعلومية لو قالك احد ما تحتاج سيارة لأنك رايح علاج .. فلا تاخذ بكلامه
لأنك تحتاج تروح ل السوبرماركت و مرات تكون طفشان تبي تطلع و و و إلخ
ف استأجر سيارة أحسن لك
أما لو كنت ما راح تطول و عارف المدة اللي بتقعدها ب مينيسوتا
و مالك نية تروح تتمشى أو تتسوق .. فما تحتاج السيارة الا نادر
علما بأن فيه باصات تابعه للفنادق توصلك للمول و ترجع تاخذك منه
و أتوقع تسوي نفس الحركة لو كنت تبي السوبر ماركت و بعد توصلك للمطار
و لو كنت تبي سكن قريب جدا ً جدا ً من المايو ف عندك كيلر نظيف و راقي
يقع بخلف المايو و تحديدا ً خلف مبني و هو أحد المباني التابعة لمستشفى المايو
و ايضا ً تقدر تدخل له مباشرة عن طريق Subway لو ما كنت تبي تطلع برا لسوء الجو
و أيضا فيه الماريوت قريب من المستشفى يعني تمشي له شويات .. مو بعيد و مو قريب جدا ً
و أيضا متصل بالمستشفى عن طريق Subway يكون بعيد على بعض المرضى اللي يتعبون من المشي
لكن تقدر تستخدم الويل جير و يحل لك المشكلة
اسعار الفنادق ما عندي علم فيها خاصة كيلر لأننا لما دورنا حجز فيه مالقينا
لكن الماريوت عنده عروض حسب المدة اللي بتقعدها عندهم
..
بالنسبة ل جراند فيلا
عندهم شقق بعضها ارضية و بعضها لا
بعضها غرفتين و مطبخ و صالة و حمامين
و بعضها 3 غرف و مطبخ و صالة و حمامين
انصح اللي بيسكن في جراند و عارف المدة اللي بيقعدها
ياخذ الشقة بدون أثاث
لأن هذا ينزل من سعر الايجار 500 دولار شهريا ً
و لو بتروح تشتريها من السوبر ماركت ما راح تكلف عليك 500 دولار بتطلع أقل بكثير
و تكون متأكد من نظافتها لأنك شاريها بنفسك و بعدها تصدق فيها على أي احد من المحتاجين
أو تكلم امام المسجد انه ياخذها بعد ما يتحدد موعد رجعتك و يتصرف هو فيها بإعطاءها أحد المحتاجين
و فيه ناس بعد تاخذ الشقة بدون أثاث أبدا .. يعني لا كراسي و لا طاولات و لا حتى سجاد و لا كنب و لا سراير ..
و يأجرون الاثاث من محل معين أو يشترونه .. لو عارفين انهم قاعدين مدة طويلة .. لكن اغلبهم تكون عليهم التكلفة أكثر من سعر الايجار العادي لما يجمعون المصاريف
لأن جراند فيلا في هالحالة ما تعفيهم عن فواتير الماي و الكهربا و اظن الغاز بعد او شي كذا
لكن المجرب و اللي انصحك فيه اذا بتطول .. انك تاخذها بدون مواعين و لا فرش و هذا بينزلك من السعر 500 دولار تحطهم بجيبك
و اخذ معك من ديرتك شراشف خفيفة عشان تحطها ع الكنب لو ماكانت جلد أضمن لك من باب الاحتياط و النظافة
او اخذ التلبيس اللي ينباع بايكيا و بعض الأسواق الشعبية .. هذا بينفعك حيل لأنك ما تدري تنزل بشقة يكون فيها أمريكان قبلك و معهم كلابتهم مع ان جراند فيلا تشرط عليهم ما يدخلون كلابتهم لكن كثير ما يلتزمون
و اظن سعر الشقة غرفتين و صالة و مطبخ .. إلخ 2900 دولار شهريا ً
و اما الشقة اللي تتكون من 3 غرف 3400 دولار
هذا بدون
و هذا رقم الجراند فيلا لو حبيت تتأكد أو تستفسر
6و اللي يميز جراند فيلا عن الفنادق انك تقدر تطبخ فيها
أغلب الفنادق ما تقدر تطبخ فيها و من الصعب انك تعتمد على الأكل برا البيت
لأنه ما فيه إلا مطعمين للعرب يعني تقطر زيت
و مالك إلا مطعم صب وي .. تاخذ لك فلات برد بخضار + جبنه
و إلا مطاعم البيتزا .. هذا لو كنت انسان حريص انك ما تاكل لا لحم و لا دجاج و انت هناك
و عندك بقالة الباكستاني قريبة من المايو فيها اللي تحتاجه من الأكل و يكون حلال
و ايضا فيها منتجات و مأكولات عربية
و لو كنت شريب قهوة فجيب معك قهوتك مطحونة و يكون عليها تاريخ الانتاج و الانتهاء لو كنت ماخذها من مطحنة لأنهم
لو شافوا ما عليها تاريخ بيصادرونها منك في المطار
اطلت في الشرح عليك لكن أعلم انك تحتاج هذه النقاط قبل السفر
لأني كنت أبحث مثلك كثيرا ً قبل سفري
و نتمنى لمرضاكم الشفاء
..
الأخ الفاضل / ماجد
السلام عليكم
ابي اعرف وش افضل خطوط طيران الى روشستر
عشان انا بوصل الى واشنطن الجمعه بأذن الله
وابي اعرف كيف اجراءات المطار وكم تأخذ عشان ارتب رحلة http://**********: return false;
مباشره الى مينسوتا
و عليكم السلام ورحمة الله وبركاته
افضل خطوط الطيران هي الدلتا حسب تجربتي
أما النورث ويست فهي من أسوأ خطوط الطيران
لا اعلم عن خط سير الرحلات من واشنطن لكن اللي اعرفه ان ما فيه رحلات مباشرة من نيويورك إلى روشيستر
فلابد من النزول في مطار مينيابلس لو كنت رايح على حسابك .. و مو ماخذ تذاكر مدفوعة من جهة معينة مرسلتك للعلاج على حسابها
ف أنصحك ما تضيع وقتك بالانتظار بمطار مينيابلس و تطلع مع الباصات اللي توصلك إلى روشيستر بمبلغ رمزي جدا
أظن 30 دولار .. لكن لهم وقت محدد للخروج ف راح تنجبر تجلس تنتظر لكن افضل من انك تجلس 4 او 6 ساعات تنتظر الرحلة و بالأخير تطيح لك في طيارة كأنها صندوق يطقطق .. و تحس انك بتطيح .. من كثر قربها من الأرض خاصة أن الرحلة تاخذ نص ساعه او اقل بالطيارة لكن بالسيارة تقريبا ساعتين او ساعة و نص
اما بالنسبة لاجراءات مطار واشنطن حسب اللي قرأته نفس اجراءات مطار نيويورك
و انت و حظك .. يعني ممكن يعزرون فيك و ينشفون ريقك و ممكن تطلع سهالات و تخلص امورك بربع ساعه
لكن أنصحك ب .. دعاء السفر + دعاء دخول القرية
رددها بيقين و استشعرها وبعدها بتشوف كيف أمورك تتيسر
و ربي بيكفيك شرهم ففي كل مطار بتلقى نفوس شينة و نفوس زينة
و من كان مع الله سيكون الله معه و يكفيه
..
أعانكم الله و يسر أموركم

و هنا معرض الصور الخاص ب الجراند فيلا بروشيستر
http://www.grandevilleatcascadelake.com/apartment_property_management_rochester_for_rent_mn_minnesota.html
..
وفقكم الله

مشكورة وجعلها ان شالله بميزان حسناتك والله يوفقج
ابصراحة معلومات قيمة راح اتفيدني انشالله وتفيد باجي الاعضاء