الكرام ابناء الكرام من احبتي في المنتدى السلام عليكم ورحمة الله وبركاته
لي تقريبا شهرين في لندن وامس كنت في ويلز جو ما شاء الله لكن وربي ما تسوى تراب رجول اي مسلم .
نفوس ضيقة مثل شوارعهم عربدة ولا حدود للعيب مجرد ما تطلع الشمس احبس نفسي والله عن الحدائق لان خروج الشمس كأنه يعني غدا تصبح الديرة حمام جماعي !!
لا تقول وش جابك لهم الله يخارجني واخلص شغلي لا ردها الله من ديرة فساد .
المهم اني اشتقت للصمان وحزم الجلاميد وحفر الباطن والشعبان لكن بالشتاء فقط .
فهل يوجد في هذه المحقا طعس اقدر ازوره في ويلز او في مانشتستر او لندن نعن ابو غيرهم كل ارضهم خضراء ما يملون من الخضار كنهم غنم .
باقي لي 20 يوم تقريبا وودي اركد البريق على نار فوق طعس فهل من طعس في لندن ؟
او ما هي النصيحة التي يمكن اتباعها في ال20 يوم الاخيرة لزيارة مكان ما فيه منكرات كثيرة والله انهم محرومين لا دين ولا رجال هيئة عند الاشاير والتوبيسات يتلاقطون كنهم في غرف نوم ولا احد يقولهم عيب !!
الحمد لله على نعمة الإسلام والايمان والهيئة
وان شاء الله بعد العودة اعطيكم تفاصيل الرحلة بالصور.