الذكرى الجميلة
07-09-2022 - 02:23 pm
السلام عليكم
الأخوة الأعزاء ..
أود الاستفسار عن مسار لرحلة من أقصى الجنوب الشرقي ( فلوريدا )
إلى الشمال الشرقي ( واشنطن ونيويورك ) عبر السيارة
ما هو الطريق المناسب له ؟؟
وعند الرغبة في النوم (( التمشية في الطريقة )) ما هي المدن التي ينصح بالنوم فيها ؟؟
هل يوجد أماكن جذب بالطريق تستدعي الوقوف عندها أو تقصد زيارتها ؟؟
شكرا لكم
بالنسبة للسفر من فلوريدا الى نيويورك. الطريق الي معروف و اسهلها و مباشر هو I-95 تاخذه للشمال الين يوصل الى نيويورك. مده الطريق تقريبا من موقع قوقل : 17 ساعه ان شاء الله.
وبالنسبة لك لو اخترت هالطريق خيارات التوقف اغلبها بيكون على احد المدن الي على المحيط. وبحكم الطريق 17 ساعه يعتمد على عليك وعدد الايام الي تحب توقف فيها بالطريق اقل شي افضل انك تنام في مدينه وحده بالطريق.
انا سويت نفس رحلتك ولكن بالعكس من نيويورك الى فلوريدا. و قفت اول شي في واشنطن العاصمه وفيها شفت المباني الحكوميه مثل البيت الابيض و الكونجرس و تمشيت في شوارع المدينه يوم واحد يكفيها ولكن كنت اسوق الصبح بدري واوصل المدينه الي ابيها بدري و يكون عندي اليوم كامل اتمشى فيها.
و المدينه الي نمت فيها ليله وكنت اتمنى اني انام فيها ليله ثانية.. Myrtle Beach SC المدينه فيها انشطه و اماكن تمشيه حلوه لكل العايله و فيها شاطيء كان من افضل شؤاطي امريكا عن طريق تقييم موقع الياهو. ومن الاشياء الي تقدر تروح لها فيها واعجبني Broadway at the Beach.
وفي طريق ثاني يفضلونه الناس الي يبون يرحون سموكي ماوتن عباره عن جبال و فيها اكواخ للاجار في كذا موضوع استفسار عنها يفضل انك تقراها وبحكم اني ما جربت هالطريق ما اقدر اقول رايي اي طريق افضل.
وان شاء الله الاعضاء ما يقصرون معك.