أختي بحثت لج بموقع booking والفنادق كلها بحدود ال 1000ريال وطالع هذي ال 3 نجوم وأكيد ال 4 نجوم وال 5 نجوم أغلى..
بس ممكن تاخذين اسم الفندق اللي أعجبج وتسألين عند المكتب السياحي أحتمال يكون أرخص .. بالنسبة لي سألت السنه الماضية عن فندق السوفتيل في بولندا في المكتب السياحي وكان ب 400 ريال وفي النت كان ب 600 ريال..
مب شرط النت يكون أرخص أحياناً يكون أغلى.. موفقة وتمنياتي برحلة سعيدة ومخاسير قليلة ههه

أختي شرايج بهالفندق سعر الغرف الستاندر لشخصين روعه مع أنه 4 نجوم
https://www.booking.com/hotel/nl/gtacentreadam.html?aid=1300939
0يورو يعني 740 ريال

مشكوره الغاليه ما قصرتي
حسب التاريخ طلع لي سعر الغرفه 1255 ريال باليوم :112:
الظاهر مافي حل غير اننا نشوف مكتب سياحي وان شاء الله نتوفق
اول ما احصل عرض كويس راح اكتب هنا
جزاك الله خير ووفقك لما يحبه ويرضاه

أتمنى لك التوفيق بفندق رائع من حيث الموقع والسعر.. ومنتظرة الأخبار الحلوة..

شوفي اختي
أنا كنت بامستردام قبل سنتين ، وعارف فنادقها بشكل عام ، لأني كنت هناك أدور فندق فندق
فندق الفولدن توليب فندق حليو ، وقريب جداً من السكوير دام ، موقعه تقريباً على شارعين شارع رئيسي وشارع ضيق ما تمر فيه السيارات (زقاق) وفيه مطاعم قريبة وكويسة بشكل عام وأكلها حلال
عندك فندق الكراون بلازا ، فندق جداً جميل وأربع نجوم وقريب برضه من السكوير (خمس دقايق مشي ) إذا حصل تاخذين فيه غرفة (كلوب) لأن يجي معها الثلاجة مجاناً كل يوم ، وبرضه الفطور مجاناً ، وعندكم فوق جلسة حلوة مطلة على البلد فيها النت والمشروبات والمأكولات الخفيفة مجاناً طوال اليوم
فندق أكور ، يم محطة القطار ، مشي 10 دقايق عن السكوير دام تقريباً أو أقل بعد
فندق رامادا لا بأس به قدام الكراون بلازا
اتمنى لك رحلة موفقة ، لكن أهم حاجة تكونين قريبة من الدام سكوير لأن فيها العروض والجلسات

حتشبسوت:
جزاك الله اختي الله يسمع منك واياك يارب
الجبل الاشم :
جزاك الله خير اخي
اللي فهمته من كلامك ان افضل منطقه هي الدام سكوير للسياح
طيب بما انه عندك خبره -مافي منطقه كويسه غيرها؟؟ ويعني تكون قريبه من الترام ايضا
لان الدام زحمه وغالي حسب نتايج البحث اللي طلعت لي
للحين ما شفت اسعار مكاتب السياحه وكلي امل انها تكون ارخص من الموجود على النت
بصراحه قمة الاحباط تدفع فوق الالف ريال على غرفه من زمن جدتي فكتوريا الاولى !!
اذا دفعت ابي اكشخ مو ادفع ويحترق قلبي بعد!! موت وخراب ديار
مازال البحث جاري رافعة اكف الضراعة الى الله
وترا للحين ما فيه فيزا ولا يحزنون عسى ما تطول الله يستر بس
جزيتم خيرا

الفنادق اللي ذكرها اخوي الجبل الاشم ممتازه
واضيف عليها راديسون ساس (موقعه لك عليه ) بس مو بعيد من الدام
و فندق فكتوريا ( اعتقد اسمه فكتوريا ) موقعه امام محطة القطار في زاوية الشارع الرئيسي المؤدي للدام
وبعدين يمكن وقتكم يصادف معرض او مؤتمرات ..... الله يسهل عليكم

على فكرة انا استغرب اش معنى امستردام مافيه اي شي عنها بهالمنتدى اللي مغطي كل دول العالم.
انا شفت اغلب المواضيع عن هولندا بس ما طلعت بشي كثير.
انا رايح امستردام يوم 6 يونيو ولمدة تسعة ايام، بس ابي اعرف وش اهم الاماكن فيها، ايضا افضل طريقة للوصول من المطار للفندق (غير التاكسي)، وماهي المدن القريبة اللي تستاهل الزيارة.
وبالنسبة لاختيار الفندق يا ام فلان شوفي هالموقع لقيت فيه اقل اسعار، جربيه واحكمي.
http://www.easytobook.com
واختاري امستردام ورتبي البحث بعدين على حسب المنطقة اللي تبينها
وسلامتكم،،