Kalyon Hotel
مجربة هذا الصيف ,, رائع المطل على البحر وخذ غرفة سريرين منفصلة اوسع من سرير واحد
سفرة موفقة ان شاء الله

بيض الله وجهك
أخوي الذرب على سرعة تجاوبك
وممكن أخوي الله لا يهينك
تذكر ايجابيات الفندق
وسلبياته
لان فيه ناس قالوا : هناك ازعاج
وأصوات سيارات ومارة تسمعها وانت بالغرف ..
هل هذا صحيح ؟!
وكيف الغرف المطلة ؟!

ننتظر اجابه من الخبراء

الاخ البراء انا سكنت بفنق كاليون قبل اسبوع غرفه مطله علي البحر بصراحه ولااروع المنظر ولاكن يعيبها اصوات السيارات ولاكن مقابل متعة البحر من الشباك صبرنا علي صوت السارات وانصح فيه بقوه

خذ الهيلتون في بايزيد قريب من سلطان احمد كلها يمرها الترام بجنب بعض
فندق رايق ونصيحة مجرب لاتاخذ في تركيا الا فنادق معروفه يعني ماركه مثل الماريوت والهيلتون والشيراتون والنوفيتيل والشغلات الي زي كذا هذي ماعليها كلام اما فنادقهم انا سكنت بسلطان احمد فندق Best western the president hotel
هو نظيف وموقعه قريب من محطة بايزيد
بس الغرف ضيقه المكيف لك عليه مره ثلج ومره رطوبه تقوم من الكتمه الغرفه مو سيراميك فرش يعني يزو الرطوبه ازعاج فيه اصلاحات قاعدين يكبون اسانسير اضافي
خدمة ممتازه تجاوبهم سريع غيرت غرفتي على طول لان مكيفها كان حار
اربع ليالي 2470 ريال سعودي طبعا من بوكينج مبلغ غير مسترد مبلغ مسترد راح يكون ب 2800 ريال تقريبا
اذا انت تحب الهدوء لا يفوتك الشيراتون من جد فندق فخامه واطلاله وله حديقه خاصه قريب منه مول كبير قريبه منه منطقة فلوريا الجميله جدا والراقيه والنظيفه
المطار قريب حلو تقضي فيه اخر لياليك
بالتوفيق
بس شفت فندق الهيلتون اعجبني شكله مره حلو

ابو سارة
جابك ربي والله
انا حاجز فيه ليلتين بيست ويسترين اول ما اوصل بكون فيه ان شاء الله في سبتمبر الجاي
انا اخذته سعر حلو بالاضافة شكله حلو ومدحوه كثير ولانه قريب من المزارات ؟
هل معلوماتي صحيحة ؟ لأني شفت الموقع وقلت ليش ما ااخذ على الشارع الرئيسي اللي عند الترام ؟
طيب شنو الخدمات اللي موجودة حواليه بقالة سوبر ماركت الخ؟

هلا اخوي تحت امرك
هو طبعا مو على الشراع مباشره جوا الحاره بس مو بعيد يعني شي 500 متر عن محطة بايزيد بالضبط
جنبه ياطويل العمر 2 سوبر ماركت حليوه بقاله تقريبا فتحيتين فيها كل شي قريب منه برجر كينج كبير دورين بس انتبه تاكل من المطاعم الي حوله تراهم بينشبون لك لا شافوك سعودي او خليجي ونصابين واستغلال والنظافه لك عليها فيه مطعم ممتاز تقطع الشارع العام بتشوفه قبالك دورين لوحته زينون اكلت عنده بيتزا وفطاير سعره حلو قريب منه محطة الباصات ركز معاي الباصات مو الترام يعني ميزه الترام وموقف الباصات كلها قريبه
تقدر تروح بالباص لمنطقة ايوب و مقهى برناتور تركب ب 2.5 ليره للشخص فيه كشك اذا عندك فيش او بطاقة حقت الشحن واذا ماعندك مو لازم فيه كشك بجنب المواقف يبيع كروت لاستخدام مره واحد تشتريها وتركب الباص رقم 39 وراح يوديك لمنطقة ايوب بس انتبه لها لايعديها وانت مو منتبه نبه السواق او اسال اي احد جنبك
وانتبه للرجعه افضل ترجع تاكسي لاني رجعت متاخر والتلفريك قفل تقريبا ب 25 ليره التكاسي تعاملهم جدا راقي لا تكلمه ولا شي خله يشغل العداد طبعا لا تستخدمه الا في اضيق الاحوال
واي خدمه انا حاضر

لجميع الزملاء الكرام
شاكر لكم ردودكم واجاباتكم ..وأخص الغالي ابو سارة
وسأقوم بالبحث لعيونك ولنصيحتك عن الهلتون
وان شاء الله اكون موفق فيه ..
بس هل هو مطل على بحر والا داخل شوي ؟!
واشكر كذلك الاخ الكريم الجهني ..
ولا شك ان الاطلالة على البحر لها ميزتها ولكن اخوك عنده مشكلة وهي ان نومه خفيف جداً
فأي ازعاج حوله سيحرمه النوم الواجب فضلاً عن لذة النوم