للتفاعل مع طلبي يا أصحاب الخبرة والتجارب ..... يالربع أنا ودِي أسافر والعائلة حنا خمسة + طفل قاصدين أستراليا بحول الله إعتباراً من أول Jul 2006 والمطلوب اللي ودي أعرفه هو :
1- وش أفضل مكتب سياحي صادق وأمين يوجد في مدينة الرياض يمكن الاستفادة منه ؟
2- وش أفضل خط سير طيران من الرياض إلى مدينة سدني ومنها وش تقترحون تكون المحطة " المدينة "الثانية ومنها سوف يبدا إنشاءالله خط الرجعة ( شوفو ترو الرحلة بحدود أربعة أسابيع لاتتعدى ) ؟
3- وش أفضل سكن شقق مفروشة لو التنظيف أسبوعي ما يهم ، بعدين وش معدل الأسعار للشقة غرفتين واعتقد أنها مناسبة لحجم العائلة ولاَ لا يا أصحاب الخبرة؟
4- وش أفضل طيران يمكن توصون فيه وإفادتي عن أسعار التذاكر؟
5- وش معدل الصرف اليومي الذي تتوقعونه ( حنا عائلة معتدلة في مصاريفها ) طبعاً غير تكاليف الطيران والسكن ؟
6- ودي أعرف المواصلات داخل المدن في استراليا هل يوجد مترو مثل مافي باريس ودول اوربا الأخرى؟
7- ودي أعرف عن مكاتب سياحية في سدني يمكن الوصول إليها بسرعة وتكون مفيدة ، كذلك عن الاسواق الزينة للنزهة والتسوق وعن بعض ماتعرفونه من مواقع أخرى تكون جيدة للسواح ؟
8- الحقيقة ودي أعرف الكثير عن بعض وليس كل مافي مدن استراليا وأرجو إني ماكلفت عليكم بس والله الحاجة وقل المعرفة والخبرة ويقول المثل مايحك جلدك مثل ظفرك مع شكري الجزيل لكم والسلام عليكم .