اخوي الستي مب لين هناك
انصحك تسكن عند امارات مول
عن المطاعم انصحك ب NYF
اظن انك تقدر تسكن في السيتي ( شقق )
و اذا غيرت رايك عن الامارات المول ف اكيد خذلك فندق ... كيمبسكي
و هذا الموقع اذا بغيت تحجز http://www.kempinski-dubai.com

الغالي
زمان أول تحول
الظاهر انت دهري وآخر زياره كانت لك لدبي في التسعينات
والسيتي سنتر ما هو مثل اول
وانا انصحك انك تسكن قريب الأمارات مول لأن المكان هادي وغير مزدحم
وقريب من ابن بطوطة والمرسى وميناء السلام والمكانات الجديده في دبي
وبخصوص السكن بما انك تبحث ب 800 درهم
انصحك تسكن في كورال بوتيك شقق فندقة بالقرب من مول الأمارت
غرفة وصالة ب 800 درهم
http://www.coral-international.com/boutique/Index.aspx?ID=0&MID=139
وبخصوص الأماكن الجميلة
تفضل هذا رد لي لأحد الأخوان في المنتدى أتمنى يفيدك
شوف الغالي
المشكله أن هذا الوقت من السنة يعتبر اصعب وقت علينا في الأمارات من ناحية الحرارة والرطوبة
الى منتصف سبتمبر
يعني صعب أني أعطيك أماكن جميله تروح لها لأن الجو أبدا ما يساعد
لو كان موسم الشتاء كنت راح أعطيك أماكن روعة ما راح تندم عليها .
الماركز التجارية هي اللي بتستانس فيها حاليا ً
أنصحك أول يوم في الأمارات مول واذا حبيت تروح ميناء السلام نفس اليوم يكون شئ طيب
لأنهم قراب من بعض . سوق السلام نصه مكيف والمطاعم بعضها في الخارج
وطبعا الجو حدث ولا حرج
عندك اليوم الثاني ممكن تروح ابن بطوطة مول وبعد ما تخلص ترووح للمرسى وتتعشى هناك
والمرسى المطاعم فيه داخليه وتوجد لها قعدات في الخارج .
وعندك اليوم الثالث تقضيه مثلاً في دبي فيستيفال سيتي
واذا بتروح تستكشف الأب تاون ترى قريب منه بس الجو ما يساعد لأن الأب تاون مكشوف
واليوم الخامس مثلاً تروح لوافي سنتر وبعدها تدخل سينما قراند المحاذية لمركز وافي
بتستانس بس تجنب دخول السينما نهاية الأسبوع لأنه زحمه
واليوم اللي بعده غير شوي على سيتي سنتر وأخطف على مركز الغرير
ومركز برجمان أصبح روعة بعد التجديد .
وخصص يوم تزور الشارجة عندك مركز صحاري ومركز ميغامول يستاهلون الزياره
وعندك المربى المائي في الشارقة يستاهل تزوره .
وخصص يوم تزور فيه مركز ميركاتوا على شارع جميرا وكذلك عنك مول البحار المحاذي لبرج دبي جميل
تقدر تاخذ راحتك فيه لأن المكان هادي جداً وفيه كافيهات ومطاعم في الأماكن المغلقة والمكشوفة .
وحاول ايضاً تخطف على شارع الشيخ زايد في مطاعم وشغلات حلوه .
واذا شفت يوم الجو لابئس فيه أنصحك بحديقة زعبيل او حديقة الصفا .
أتمنى أني فدتك
تحياتي لك

مرحبا ، نعم نعم نعم اوافق الاخوان الكرام في رأيهم ، انا زرت دبي عدة مرات مع العائلة وما طبيت منطقة الديرة اساسا لان اصبحت منطقة قديمة وزحمة .انا افضل السكن في بر دبي وخاصة حبيب قلبي كمبنسكي او عندك اجنحة فندقية اسمها " كورب" في البرشا وهي قريبة جدا جدا من مول الامارات(موقعهم اسفل) ، رحلة سعيده..
http://www.corp-hotels.com