النوفي
18-06-2022 - 09:05 pm
السلام عليكم حبايبي
في موضوع سابق اخبرتكم بانهم يريدون اخراجي من الفندق
بسب ان اهلي لابسين النقاب ولكنني عارضت وبكل قوة
ولكن تفاجأت امس الصباح يقولون لازم تخرج من الفندق للمره الثانيه
فقمت بالاتصال على السفاره السعوديه
وللامانه حصلت موظف مره محترم وكان والله قمه في الاخلاق
ولكن للاسف ماعرفت اسمه
المهم قال لاتخرج من الفندق وطلب مني موظف الرسبشن حتى يكلمه
واحد تركي على ما اعتقد موجود عندهم بالسفاره
وبعد ما انتهت المكالمه مع موظف الرسبشن
اخذت التلفون وكلمت موظف السفاره وفهمني ان التركي
اللي كلم موظف الرسبشن قالهم عيب عليكم هذولا ضيوف كيف تخرجونهم من الفندق
واذا اخرجتوهم راح نخبر وزارة الخارجية التركيه فقال موظف الرسبشن خلاص ماراح نخرجهم
وقال لي موظف السفاره اذا قالوا لكم شي مره ثانيه اتصل علينا
وانتهت المكالمه على كذا
ولكن تفاجئت بعد ماطلعت الرحله ورجعت للفندق بانهم قلبوا علي للمره الثانيه
وقالوا لازم تطلع من الفندق
المشكله يا اخوان ان الوقت كان متاخر والسفاره انتهى دوامهم اكيد
وهذولاء مصرين الا اطلع
فقال المسؤول عن القروب امرنا لله لازم تطلع خلاص
قلت نكلم الشرطه السياحية قال والله مايسوون لك اي شي لان الحجاب اصلاً محارب هنا
كيف بالنقاب اكيد بيقولون نفس كلام الفندق
فقلت لاحول لي ولا قوه الا بالله ان شاء الله انها خيره
ولكن الصدمه ياحبايب قلبي ان الفندق الثاني الي بسكن فيه والله حرام عليه نجمتين
والجو حر وتكييف الغرف الله بالخير
فقلت لمسؤول القروب ايش هذا حرام عليك انا دافع حق خمس نجوم كيف
تسكني في فندق مثل كذا قال هذا خمس نجوم وبالفعل يا حبايبي هو خمس نجوم
بس والله حرام عليه نجمتين ما ادري كيف يصنفونه خمس نجوم
فقلت انا مستحيل اسكن هنا فقال عشاني بس اليوم تسكن هنا وبكره بطلعك فندق ثاني
لان الوقت كان متاخر وكنا جايين من رحله وكلنا كنا تعبانيين
فقلت مو مشكله عشانك اليوم بعديها لانه بصراحه والله شخص محترم وماقصر معاي باي شي اطلبه منه
قبل كذا فسكنت بالفندق وبعد ماريحت قلت خل اتصل على السفاره يمكن احصل احد فاتصلت على
السفاره ورد علي موظف ولكن للاسف ماطلعت معاه بنتيجه لان الدوام يقول انتهى وما اقدر اسوي
لك شي والسفاره بكره الاحد عندهم اجازه
وانا الان موجود في فندق (( السي لايف )) بعد ما تم اخراجي من فندق ((ديفان تاليا ))
انتظر مسؤول القروب
على فكره عارفين ايش اكثر شي قهرني انا طالع من الفندق وسياح اسرائيلين جالسين يخلصون
اجراءات الفندق بيسكنون فيه
اما بالنسبه للاخوان في موضوعي السابق الي يقولون ايش وداك انطاليا معاهم حق يعتبون ويقولون ايش
وداك انطاليا لانها بصراحه والله ماتصلح للعوايل ولكن غلطه وصارت وانا اعترف بغلطتي بس ماكنت اتوقع ان
الوضع بالشكل هذا
وللقصه بقية باذن الله
وهذا رقمي التركي اذا في احد يقدر يساعدني للعوده للفندق السابق
00905348642877
بفرنسا لو حصل مثل هالموقف تقدر تبلغ مخفر الشرطة و ترفع دعوى مستعجلة.....
صح راح تقول ليش هالدوخة....انا سائح لكن رد الاعتبار و كسر عينهم اهم شي بوجهة نظري
وعلى طاري انطاليا الوالد رايح لها قبل سنة لحضور مؤتمر و يقول الخليجي غير مرحب فية ابدا.. يعني التعامل صفر
دمت بود