وعليكم السلام ..
قبل التفاصيل عندي ملاحظة بالنسبة لعودتك من باندونق لجاكرتا بالقطار ثم الذهاب لبالي !!
لا داعي لذلك وتذهب من باندونق لبالي بالطائرة وتقلل من المشاوير والتعب ..
لنا عودة والجميع إن شاء الله ما يقصروا ..

AL-MosBah
يعطيك العافية أخي العزيز .. وشكرا على المعلومة اللي ما خطرت على بالي
أنتظرك وأنتظر الإخوان .

أخي الكريم أنت وصولك يوم 17 يناير يعني يوم الخميس الساعة 10 بالليل !!
يعني عندك 3 أيام بجاكرتا إذا كان ذهابك للجبل يوم الاثنين وطبعاً حسابياً 4 أيام
تحسب عليك الإقامة بالفندق مع حساب اليوم الضائع ..
ودي تذهب للجبل الأحد ولكن مشكلة الذهاب للجبل يوم الأحد يصادف زحمة والطريق
يكون نزول فقط ..
ممكن نعدل في الجدول شوي ويكون التخطيط ومسار رحلتك :
جاكرتا -- بالي -- باندونق -- الجبل -- جاكرتا
طبعاً جاكرتا -- بالي -- باندونق (الحجز بالطائرة) ..
نتفق على التوزيع وبعدها نحدد خيارات السكن الاقتصادية والأفضل شقق فندقية
على الأقل غرفتين لأن العدد ما يكفيه غرفة واحدة وغالباً الأنشطة تنتهي بدري
يعني تقضي وقت طويل في الفندق ..

1. والافضل يوم سبت واحد بجاكرتا هو جعلها للمولات والتسوق


2. تنقل بين تقارير بالي واختر الاماكن التي تري انها تناسبك


3. ملابس الاطفال والساعات وهدايا متنوعه موجوده بنفس السوق


4. تبي سوق ارتب امباسادور مناسب


5. يعني الان الساعه 6 عندنا يعني الان عندهم الساعه 10 مساء

--------------------------
حنا ثلاثه شباب تاريخ الوصول إلى جاكرتا 17 يناير الساعه 10 مساءا
وش الأماكن الممكن زيارتها في جاكرتا في أيام ( السبت + الأحد )
وصولك يوم خميس اخوي حسب التاريخ الموضوع هنا
اذن عندك يوم الجمعه فاضي يكون لزياره انشول
منطقه ترفيه تقع شمال العاصمه وعلي مطلها البحري علي واجهه بحر جاوه
هذا رابطها يمكنك زيارته لاخذ صوره عنها
http://www.ancol.com/
زياراتك فيها حسب رغباتك ابوي تبي العاب كبار دنيا فنتازيا العاب كبار وصغار وفيها بعد ثالث رائع
وفيها سي وورلد منطقه تعليميه بحريه فيها النفق البحري
وفيها اتلانتس للالعاب الحريه والبرك المائيه
وفيها سومدرا عروض العاب وحيوانات للاطفال وبعد رابع
غير ماتشمله المنطقه من استئجار قارب للبحر القريب او العاب بحريه او تلفريك او ممكن زياره جزر قريبه برحله بحريه مو رخيصه ولاانصح بها الا للي مل من وسط العاصمه
ركز ان هليوم بيكون نص دوام بتكون المنطقه فيها شوي حركه للمدارس ورحلات مدرسيه
ويوم السبت والاحد بتكون اكثر زحاما يمكن تنرص ساعه بلعبه وحده ماتدخلها
فالافضل للسبت والاحد يا تقرر زياره المنطقه مثلا لو مازرتها الجمعه وتعرف انك ممكن ماتدخل كل الالعاب بسبب الزحام
او تتجه لتمان ميني جنوبا يوم السبت حديقه اندونيسيا المصغره بقربها حديقه فواكه والعاب مائيه ووتر بوم وايضا بتكون اكثر زحام يوم سبت واحد من بقيه ايام الاسبوع

والافضل يوم سبت واحد بجاكرتا هو جعلها للمولات والتسوق

افخمها تمان انقريك مول / قراند اندونيسيا /سينايان سيتي /سينايان بلازا / اصغر منها اف اكس مول >> فيه لعبه التزحلق الترانسو سفير من الدور السابع ممتعه للشباب
وايضا بحسب هواياتكم لو حابين تزورون بعد المولات كافيهات او بلياردوا مثلا عندكم بلياردوا افتر اور في ساريناه بجنب مطعم شيليز وتحته ماكدونالدز وامامه بيتزا هوت ودور سينما فوق بيتزا هوت صباح الإثنين سيتم التوجه الى الجبل .. وش الأماكن المفضل زيارتها في أيام
( الاثنين + الثلاثاء + الاربعاء + الخميس + الجمعة )
اول يوم وصول بحث عن سكن حسب الوقت المتاح والمتوفر لكم ان وجدتم سكن بدري او تاخرتم بايجاد سكن
ركز معي تقسيم المنطقه بسيط
سيسرواه >> فيها البقاله العربيه والخدمات من صرف ومكتب بافقيه وسلطان وغيره وهي الاقرب لحديقه سفاري + شلال شليمبر + حديقه ماتاهاري
شيباناس >> هذي شرقا اكثر تطلع لقمه الجبل وتنزل لشيباناس فيها حديقه زهور وكوا بونقا وشيبوداس وحديقه تفاح
سيسرواه هذي منطقه وسط بونشاك >> المعروفه ببونشاك لدي العرب فيها البقاله العربيه ومواقع سكن الشباب غالبا حواليها ان سكنت هنا بدري ممكن تطلع شرقا باتجاه شيباناس باتجاه مسجد التعاون حوله بحيره الوان مناسبه لو كان جو ممطر او مصنع شاهي لو جيت مبكر او براشوت قرب مسجد تعاون وبحيره الوان
او لو شفت نفسك متاخر بايجاد سكن اطلع خذ مقاضيكم من خضره وفواكه وتمشوا بالجبل باقرب كشك للذره مع جلسه شاهي مناسبه وترجعون للفيلا
يعني احفظ اقرب شي لك اولا وحسب ما تجد السكن بالوقت المناسب واقرب موقع لك تطلع تتمشي فيه
يوم الثلاثاء سفاري وعروضها حديقه حيوان اولا ثم منطقه عروض فيله ونمور ودبابات ودلفين وكاوبوي >> ووقت فراغ جنب عرض الفيله تمر شبك الطيور
الاربعاء شلال شليمبر > حديقه ماتاهاري >>حديقه مو كبيره فيها بعض العاب اطفال مائيه وفيها تجديف نهري وبعض الاكشاش
الاربعاء حديقه الزهور وكوتا بونقا وبحيرتها فينيسا الصغيره + حديقه شيبوداس >>لو شفتم فيكم حيل لان فيها مشي طويل للشلال او تخلونها ليوم ثاني تاخذون عزبة شوي معكم وتشوون هناك او غدا جاهز لوحبيتم
باقي عندك يومين بالمنطقه اذا تبي مشوار بعيد وبحيره كبيره وفيها طعام بحري مو رخيص باكشاش عائمه بدائيه جدا فاتجه الي بحيره شي انجور او ليدو >> لا احب البحيرات هنا لان الاكل فيها غالي والقوارب مو رخيصه ومواقع الطعام لك عليها لكن هذا خيار مناسب لو حبيتم تغييرون جو
او تخلونه للمواقع اللي مازرتوها قبل مصنع شاهي براشوت ان حبيتم تركبونه وما لقيتم وقت باول يوم بزيارته لان ركوبه يحتاج توقيت يكون فيه الهواء راكد او التوجه لبوقور مدينه قريبه نص ساعه الي ساعه الا ربع تقريبا فيها حديقه اشجار وقصر رئاسي وبعض المولات والاسواق الشعبيه يعنني تغيير جو منطقه ريفيه
هذي عده خيارات يوم خميس وجمعه
تقدر تختار احدها او بعضها حسب برنامجك السابق اذا كنت ظغطته من قبل وزرت عده مواقع بيوم واحد او زرت مواقع قليله بيوم واحد
الاهم شيبوداس حديقه زهور كوتا بونقا كلها باتجاه واحد ومعهم شرقا شي انجور بعيده عنهم ساعتين الي ساعه ونص تقريبا حسب زحام السير
وشلال شليمبر وحديقه حيوانات سفاري وماتاهاري جنب بعض وغربهم مدينه بوقور او بحيره ليدو
وبالنص يوجد البراشوت ومسجد تعاون وبحيره الوان ومصنع شاهي قريبات من بعض صباح السبت سيتم التوجه من الجبل إلى باندونق والجلوس فيها أيام ( السبت + الأحد + الاثننين )
وش الأماكن اللي يفضل زيارتها في باندونق
الحجز للسكن هنا الافضل يكون مؤكد قبل التوجه لباندونق يوم سبت لانها بتكون مظغوطه بالحجوزات للسكن كمدينه مقصد سياحي لمن حولها من قري وارياف لوجود المنتجعات البركانيه شمالها وجنوبها
عندك يومين فقط للبقاء بباندونق
السبت لاتحسبه من ضمن الايام لانك بتطق طريق تقريبا 3 ساعات كوقت ومسافته بحدود 100 كيلو فقط لانك بتقطع القري وصولا الي المدينه
السبت والاحد الطريق من والي باندونق الي لمبانق ضاحيتها الريفيه غالبا يكون مزحوم قليلا اكثر من بقيه الايام لانه ويك اند
الاحد يكون لبركان لمبانق تانكوبان براهو تخلص منه وتنزل للسوق الشعبي جنبه لاتنزل لبركان الا اذا فيك نشاط مشواره متعب ولا فيه الا بيض مسلوق وبعض البرك المائيه البركانيه والطينيه البركانيه ولا تشتري اي شيء معلب من طينته لانه لن يسمح لك بالسفر به حين عودتك
ابقي عند الفوهه وصور منها وجنبها سوق شعبي فيه منتجات من البركان خشبيه وصخريه ان حبيت تشري شي منها وتذكر انها اغلي هنا دوما من غيرها من الاسواق سوا بوسط المدينه باندونق او جاكرتا
تخلص منها اطلع لشاري اتير منتجع صحي دخوله بتكت وتذاكر تدخله للسباحه بالبركه الساخنه المفتوحه لمن لايسكن المنتجع واذا حبيت تتمشي داخل المنتجع برجليك ستجد المياه الكبريتيه وجداولها اطلع من خلف بركه السباحه العامه وتمشي هناك قليلا او ان حبيت تدخل لاخر المنتجع يوجد العاب حبال ودبابات وسيارات دفه رباعي وخيل والخ داخل المنتجع نفسه

• بالطريق وانت طالع من البركان للمنتجع شاري اتير يوجد دكات واكشاش بيع ذره لاتفوت روعه البقاء فيها نص ساعه مع كوب شاهي / لا تطلب اكل من المطعم العربي المطل علي بركه سباحه ساري اتير فهو الاسواء اكتفي بالعصير والمياه لو حبيت او شي خفيف فقط لو لمسك الجوع

الاثنين عندك خيارين اما زياره شلال ماربيا وحديقه جوندا وهليوم فيه مشي ل واخترت تزور هلموقعين بيوم واحد وماعليكم ممكن تستاحرون دبابا ت مادمتم شباب
>> او تخلي شلال ماربيا بعد منطقه شاري اتير باليوم السابق شلال ماربيا هو الافضل في المنطقه واشدد علي ضروره زيارته والتصوير فيه
ان قررت تخلي ماربيا باليوم السابق هذا اليوم يكون لحديقه جوندا وكهوفها وشلالاتها
او تخليه للمدينه باندونق نفسها فيها خيارات عديده من اسواق ومولات ومدن ترفيه

• خيارات باندونق خليتها مو محدده بسبب عدم معرفتي بذوقكم تبون زحمه مثلا ولا يهمكم كثره الناس تطلعون للمبانق ضاحيه باندونق الشماليه اللي فيها البركان والمياه الكبرتيه ومنتجع شاري اتير وماربيا يوم احد

اذا تبون زوار اقل تتمتعون بالمناظر فخل اول يوم الاحد لوسط المدينه من اسواق ومولات والعاب ويوم الاثنين خله لضاحيه لمبانق
اجابتك ورغباتك هي من يحدد ادق البرنامج وتفاصيله بعد قراءه ردي عليكصباح الثلاثاء سيتم التوجه عن طريق القطار من باندونق الى جاكرتا وفي نفس اليوم ستكون الرحلة إلى جزيرة بالي ويكون الجدول في بالي أيام ( الثلاثاء + الاربعاء + الخميس + الجمعة + السبت )
العودة تكون يوم الأحد
طيران لبالي من باندونق لا تعد بالقطار لجاكرتا ياغالي
وركز ان طيران باندونق بالي محدود الرحلات ورحلاته اقل من جاكرتا بالي وكثيرا يكون ترانزيت ساعه بسورابايا
لابد تحجز الرحله مسبقا تقدر تحجزها من باندونق نفسها يوجد فيها مكاتب ترافل ايجت كمكتب كاها وغيره من مكاتب محليه او مكاتب الطيران نفسه
او تحجزها قبل وانت ببونشاك يوجد مكاتب سياحيه كبافقيه وسلطان بقرب البقاله السعوديه بسيسرواه وبندر جنب مدخل كوتا بونقا في شيباناس
بالي الخيارات فيها كثيره ابوي
ومشتته ترتيبها يحتاج معرفه رغبات السائح وموقع سكنه اولا
شف هلموضوعين اولا من نجمنا نجم الكويت
https://artravelers.com/p/re/381658

تنقل بين تقارير بالي واختر الاماكن التي تري انها تناسبك

مثلا انا اري من زار بالي ولم يزر تاناه لوت او بحيره البيدقول لم يزر بالي وهناك من يحب بحيره بويان وتامبلينقان عليها
شاطيء كوتا مضجر مزدحم للعوائل وقد يناسب الشباب شخصيا لا اهوي السكن فيه او زيارته وافضل عليه نوسا دوا وسيماناك وهناك من يعشق كوتا ومرافقه وخدماتهيوم الأحد ستكون العودة إلى جاكرتا وش الاسواق الرخيصة الموجودة هناك
رحلة العودة تكون الساعه 12 ونص من فجر الثلاثاء .
الاسواق الشعبيه كثيره
منقا دوا/ تاناه ابانق / باسار بارو /شمباكا ماس
كل سوق له ميزه اخوي وبضائع اكثر من نوعيه محدده
تبي هدايا وجهك ومنقا دوا لا تفتر واجد بالاشواق لانها متعبه وغالبها يقفل المغرب
منقا دوا عده مولات واسواق شعبيه
راح تجد بهل منطقه عدة اسواق wtc/its/a&witc /Pasar Pagi/SQUARE
فيها الغالي والرخيص اذا دخلت سوق فيه تكييف اعرف ان السعر مرتفع شوي
انصحك ب سوق itc
هذا يعتبر ارخص والاكثر عروضا وراح تجد السوق متصل بسوق اخر هو ا دبليو اي تي سي يمر بينهم ممر او كبري يوصل بينهم

• زياده بالوصف عشان ماتتعبك الاسماء

احد السوقين راح تجده اقل حركه وفي زاويته بالدور الارضي يوجد بيتزا هوت هذا المول اسعاره اغلي ومعروضاته اقل واميز وفي غالبه الكترونيات بالدور الارضي وعدة كاميرا وتصوير
اطلع منه للشارع واقطع الشارع عبر اللفت الاصنصير ثم عبر الكبري الموصل بينه وبين السوق الي قدامه
حاول تمر بوسط الكبري لان فيه محلات كثيره بداخل الكبري نفسه
السوق اللي بتتوجه له بعد نهايه الكبري ادوار متعدده الرخيص بتلقاه في الدور الارضي اكشاك ودلالالين يحرجون علي شنط من 50 و100 الف وحولها للهدايا البسيطه
والشنط الاغلي بتجدها بالمحلات
هذا للشنط والجلديات

ملابس الاطفال والساعات وهدايا متنوعه موجوده بنفس السوق

تبي سوق ارتب امباسادور مناسب

تبي محل واحد فيه ملابس اطفال ورجال ونسائ وبنات وهدايا اخري بشكل مرتب بس اغلي بشوي من الشعبي اتجه لمول الاتريوم تجد بزاويته اول ماتدخله باليسار اصعد السلم الكهربائي مركز اسمه ماتاهاري عده طوابق كل طابق مخصص لفئه معينه السعر اغلي لكنه مرتب اكثر
تبي الارخص والاكثر عرضا بمنطقه وحده والاكثر تنوعا منقا دوا- حسب علمي أن توقيت جاكرتا يفرق عن توقيتنا 4 ساعات هل الفرق قبلنا أو بعدنا
وهل مواعيد الرحلات على توقيتهم أو توقيتنا ؟
قبلنا خوي باربع ساعات جاكرتا / وبالي قبلنا بخمس ساعات /يعني بالي قبل جاكرتا بساعه

يعني الان الساعه 6 عندنا يعني الان عندهم الساعه 10 مساء

مواعيد الرحلات تكون كل رحله بتوقيت بلد الاقلاع ركز بالتيكت ياغالي حسب ماانذكر صراحه ماقد دققت بالامر تقريبا حافظ خط الرحله لاني غالبا اختار جارودا او سعوديه وتكون نهارا اقلاع من هناك وليلا اقلاع من هنا فدقق في التيكت راح تجد الداتا محدد فيها

• كم المبلغ المقترح يكفينا ك ( سكن + أكل وشرب + مواصلات داخلية + يوميتنا كزيارات وتمشية )

علما أن الهدف الأساسي هو التمشية فقط , لذلك السكن ما يفرق معانا لو كان عادي المهم يكون في مكان آمن ونظيف مو شرط 5 او 4 نجوم , وغرفة وحده تكفينا , الغرض من السكن مجرد النوم .. باقي اليوم بنكون برا ..
من يحدد هذا الامر هو ميزانيتكم
الافضل ان تبلغنا كم واضعين ميزانيه للرحله الصرف مختلف ياغالي
يوم تدخل تمان سفاري تذكرتها مو رخيصه يوم تدخل الزهور تذكرتها ارخص من سفاري
يوم ببالي تروح برنامج تجديف والعاب بحريه مثلا بيكون فيه باكج ويوم اخر تتمشون ببحيره او ابود يكون اقل صرفيه
السكن قد توافق علي السكن 3 اشخاص بروم وحده لكن الفنادق لن تقبل ياغالي الاوفر لكم شقه من غرتين مثلا بارتمنت اذا تبحث عن توفير اذ ما وجدت فندق رخيص بغرفتين مثلا
عموما لاتنسي فيه مصاريف طيران داخلي سعرها مختلف من 115 الي 220 دولار حسب السيزن ووقت الرحله والخ
وعندك فيزا ب75 دولار ل3 اشخاص وضريبه 450 الف ل3 اشخاص مغادره وضريبه وصول بالي بسيطه هذا المبلغ حطه علي جنب واحسب كم يتبقي معك للرحله كامله وابلغنا به لنحاول نحسب ايناسب عدد ايام رحلتكم ام لا
واذا بترتاح كقياس الزود ولا النقص ل 3 اشخاص 300دولار لليوم مناسبه اذا بتحسبونها صح مثلا يوم تاخذون باكج ب50دولار ل 3 اشخاص ببالي =150دولار + قل ميه دولار120دولار سكن يبقي معك 30 دولار لاكل شورب ويوم ثاني منتب ماخذ باكج بتتمشي
ف300 دولار ل 3 افراد صرفيتهم متزنه مناسبه والافضل يكون 450 دولار بمعدل 150 دولار من الفرد لليوم ان قدرتم توفرون هلمبلغ اضربه بعدد ايام رحلتك ان قدرتم عليه فهو فائض باذن الله ويبزيد منه ويريحكم من قلق حساب الميزانيه واختيار وانتقاء برامج وسكن انسب ومازاد ماراح يضيع باذن الله

• هل ينصح بإستخدام سائق خاص في باندونق وبالي ؟

بالي اذا بتاخذ باكج يوم ممكن تاخذه من بدايه يومه كامل بباص واذا تبي تروح لهم بنفسك فسائق افضل اذا بتريح مخك
سعر سياره بالي ارخص من غيرها من المناطق من 300 الي 350 الف تقريبا لليوم
لمبانق افضل وجود سائق معكم
باندونق المدينه التكسي ممكن يكفي ويوفر لكم
المشكله انك لازم ترتب ايامك لو وجدت سائق جيد بحيث ما تخليه يروح ويجيك بعد يوم او اثنين مثلا
يعني تقول بكرا باخذ باكج ببالي مااحتاج سواق ابي السواق بعد بكرا ماتقدر تقوله رح وتعال بعد بكرا هو بيقول اوكي لكن ان وجد غيرك راح معه ماراح ينتظرك وبتظطر تاخذ سواق غيره حط هلنقطه ببالك
+ ان التكاسي اذا تنقلك واجد بتتعبك شوي بسبب حاجز اللغه ومعرفه مواقع الرحله ومقاصدها

AL-MosBah
عذرا على الخطأ .. الوصول يوم الجمعة 18 يناير الساعه 10 مساءا ..
وبالنسبة للعدد زاد واحد يعني صرنا 4 .. فإذا فيه شقق نظيفة وآمنه من غرفتين بسعر اقتصادي يا حبذا
في جميع المدن المذكوره لأن تركيزنا على التمشية اكثر من السكن
شاكر تعاونك أخي المصباح .

Jaka
الله يعطيك العافية يا عمدتنا والله ما أدري وش أقولك .. يضيع الكلام اذا بغيت اشكرك
بس يا اخوي الحين زاد معنا واحد يعني صرنا 4 وميزانيتنا تقريبا 14 ألف ريال
غير تذاكر السفر من السعودية لجاكرتا
كيف يكون تقسيم المبلغ باليوم مع إختلاف المدن ؟
وحنا مانبي فنادق لأنها غالية شوي نبي شقق نظيفة وامنه من غرفتين , يا ليت تزودنا من باب خبرتك بأفضل خيارات السكن الإقتصادية في الأماكن المذكورة
وفق ميزانية الرحلة ؟
أكرر شكري وتقديري .

قواكم الله ووفقكم حط تاريخ الوصول لا هنت لانك غيرته نقصت يوم ليتك تضع التاريخ للمغادره بالظبط والعوده بالظبط بالتاريخ الميلادي عشان نحسبها بعدد الايام

jaka
تاريخ المغادرة من الرياض الى الدوحة يوم الجمعة 18 يناير الساعه 4 ونص فجرا .. والاقلاع من الدوحة إلى جاكرتا الساعه 9 ونص الصباح تقريبا
الوصول الى جاكرتا نفس اليوم الجمعة 18 يناير الساعه 10 ليلا
المغادرة من جاكرتا فجر الثلاثاء 5 فبراير الساعه 12 ونص
يعطيك العافية

طالما هذه تواريخ رحلتك خلك على توزيعك السابق يعني جاكرتا - الجبل - باندونق - بالي - جاكرتا