1. اللي سويته أني حولت مبلغ من حسابي للفيزا الفضيه وعدلت بيانات حجزي


2. وتم قبولها أبشركم وأنتهت المشكله

السلام عليكم
فيه موضوع مهم لكل من يستخدم بطاقه الراجحي فيزا (تسوق)
سالفه صارت معي اليوم وأن شاء الله تستفيدون منها
حجزت بفندق يوروب بفيينا وكانت نوعية الحجز حقي غير مسترد (يعني شروطه سحب المبلغ بالكامل يوم الحجز )
فاللي صار أني حطيت بياناتي الخاصة في بطاقة التسوق
وكلنا نعرف أن بطاقة التسوق تشحنها من رصيدك الجاري يعني تشحنها من حسابك
المهم شكل البطاقه خوفني أصلا من يوم ماأستلمتها من الراجحي ماهي مثل الفيزا الذهبيه أو الفضيه
الأسم ورقم البطاقه وتاريخها مكتوب عادي على البطاقه أقصد ماهو (محفور) أو مدبب على البطاقه (غير بارز)
وهنا المشكله عند بعض الفنادق
اللي صار أن الفندق مرسلين هالرساله لي
لسوء الحظ، Austria Trend Hotel Europa Wien تم إعلامنا أن تفاصيل بطاقة الدفع التي وفرتها ليست صحيحة. . ووفقاً لمعلوماتنا إنها تنتمي إلى بطاقة السحب بدلا من بطاقة الائتمان. .
يرجى تقديم معلومات جديدة أو صحيحة أو بديلة خلال 24 ساعة عبر الولوج إلى حجزي. لتسجيل الدخول ستحتاج إلى الرمز السري المقدم لك في رسالة التأكيد الخاصة بك.
إذا لم تصلنا هذه المعلومات في غضون 24 ساعة، يمكن للفندق إلغاء حجزك دون إشعار مسبق..
نقوم بأخذ تفاصيل بطاقة الائتمان عند الحجز لضمان الحجز في حالة الإلغاء المتأخر أو عدم الحضور.. تتم جميع عمليات الدفع بواسطة الفندق، إلا إذا تم ذكر غير ذلك في رسالة التأكيد .
لا تتردد بالاتصال بنا في حال كان لديك أية أسئلة. .
أنتهت رسالتهم
كلمت البنك قال لي بعض الفنادق يقبلها وبعضهم يشترط أنها تكون الفيزا (بارزة الأحرف والأرقام ) يعني مدببه أو محفوره
مع العلم أني حجزت في فندق ريدسون بسالزبورغ بنفس البطاقه وأيضا كان حجزي غير مسترد (تخبرون ندور الرخيص)
وخصمو المبلغ الفندق ولاصارت أي مشكله
يعجبونك راعين ريدسون
اللي يهمهم المبلغ موجود أو لا بغض النظر عن نوعية البطاقه

اللي سويته أني حولت مبلغ من حسابي للفيزا الفضيه وعدلت بيانات حجزي

وتم قبولها أبشركم وأنتهت المشكله

((سابقا ماكنت أعرف أني أقدر أحول للفيزا الفضيه من حسابي الجاري فعلشان كذا طلعت فيزا تسوق لأن حدي الأئتماني في الفضيه كان 3500 ريال فقط)) وتقدر تحول لها من حسابك العادي أي مبلغ حتى لو كان حدك الأئتماني قليل
وتبغى تحول لها مبلغ أضافي من حسابك تقدر عادي
لذلك جرى التنويه
في شيئين مهمين
1- يوميا شيكو على أيميلكم يمكن تجيكم رساله من بوكينج أو أحد الفنادق اللي حجزتم فيها وتكون رساله مهمه
وأسالو أي سؤال للفندق عن طريق أيميلهم
ومن الفضاوه سألت عن الفطور وطريقته بأحد شاليهات كابرون وماقصرو معي أعطوني قائمة الفطور كلها
وقالو لايردك ألا لسانك أسأل على راحتك
واذا في مشكله باللغه ترى قوقل (ترجمه) مايقصر
2- أذا عندك فيزا فضيه أو ذهبيه خاصة من الراجحي تقدر تحول لها من حسابك العادي المبلغ اللي تحتاجه في عمليات الحجز بالفنادق
3- اذا كان لابد من أستخدام فيزا تسوق ((خليها دايم مشحونه بمبلغ كبير ))
وشيك على أيميلك دائما
بالتوفيق