اهلين اخوي انا اقدر افيدك ببعض الاسئله
با النسبه لتقليد الماركات تلقاها بكل مكان بس فيه سوق اسمه
نايت ماركت اذا ركبت تكسي قله نايت ماركت الي بسلم رود2 تو
هذا مره حلو يفتح الساعه6 المغرب ويسكر الساعه2 اليل صح حوسه وازعاج بس رهيب
خاصه اذا معك زوجتك او معك حريم بينبسطون لان اكثره شنط وساعات
وبا النسبه للفندق انصحك بجي ديليو ماريوت مره حلو ونظيف وراقي لا يفوتك موجود بشارع
سكومفيت
والله يوفقك

هلا اختي اماكن بيع الاثاث مجمع روبنسون اللي بشارع سوكومفيت او بعده بشوي
والمكاتب السياحيه موجوده بالمطار بس وايد ينصبون على الواحد روحي لي بوكت وحجزي من المكاتب اللي هناك وانصحج في بوكت ماتسكنين الا بشارع بتونغ بيج الان اهوه اللي في المحلات والمطاعم وكلا حياة لي الساعه 12 بليل اما الشواطىء الاخر هدوء ومافيها شي والفنادق اللي عن تجربه في بوكيت كومفورت ريزوت رخيص وهادء وقريب منالشاطىء وايد والخدمه حلوه .........أما الفندق الثاني غراند بتون بيج وهو الفندق الوحيد اللي في بوكت على البحر مباشره اما الفنادق الثانيه يقولون لج على البحر بس للاسف اهما بينهم وبين البحر شارع اما هذا الفندق على البحر واسعاره وايد اغلى من الفندق الاول لان الغرف على البحر بس خدمة نفس الاول بالضبط ومايفرق عنه شي زود .
واذا رحتي بوكت انصحج تروحين رحلة الفانتازي و رحلة الكانو هذي جدا ممتعه وراح تمرين خلالها بعدة جزر مثل جزيرة جيمس بوند وجزيرة المسلمين ..........بصراحه روعه لاطوفينها عليج
بالنسبه لبانكوك انا افضل فندق امباسادور روعه كبير ونظيف وبصراحه كل مااروح اسكن في لان بالليل في محلات تفتح يمه وتقدرين روحين للمجمعات اللي يمه مشي بس سألي وين مجمع روبنسون وسأليهم وين ال bts ترى وايد احسن من التكاسي واسرع .
واذا تبين الاسواق أكتبلج بالتفصيل

1. (5) باتو نام سوق رخيص بس عادي

***المجمعات والأسواق في بانكوك:
(1) سنترال ( وايد حلو والبضاعة جدا راقيه وفي ملابس نوم حلوه ومقاسات كبيرة ولايطوفك).
(2) امبوريم ( وايد حلو (
(3) روبنسون ( ممتاز(
(4) زن) zen - هذا المجمع وايد كبير وينقسم الى مجمعين في ماركات حلوه ومتنوعة(
(5) بغ سي ( جيد وهو مقابل زن (
(6) غايسورن (هذا المجمع كله ماركات أصليه(
(7) سوغو ( هذا المجمع فاضي تقريبا ما فيه شي(
(8) طوكيو (شعبي و فيه عدة أشياء و اغلبه تقليد)
الأسواق الشعبية
(1) باتبونغ وهو سوق يفتح بالليل وفي شنط وساعات تقليد الماركات ( كاسريهم بالاسعار لانهم يبالغون بالاسعار (
2) )جاينا تاون- الحي الصيني ( سوق كبير مايخلص بس لازم تروحين الصبح عشان السوق يسكر الساعه 4 العصر ويبيله وقت لانه كبير واسعاره وايد رخيصه وفي اشياء بالجمله حق اللي يبي بضاعه وفي ادوات مدرسه حلوه( .
3) )نايت بازار سلم ( وايد حلو يفتح من 8 الي 11 ليلا لا يطوفك عجيب وهادي ونظيف وفي تحف حلو وكل شي( .
4 ) ) سندي ماركت وهو مايفتح الا السبت والاحد ( وفي كل شي بس زحمه وايد (

(5) باتو نام سوق رخيص بس عادي

ملاحظه وسيله النقل السريعه والرخيصه والنظيفه في بانكوك قطار اسمه BTS احسن من التاكسي وايد وينزل عند كل المجمعات لانه كل محطه تنزل عند مجمع وما عليك الا تسأل الكاشير اللي يصرف عن المجمع اللي بتروح له ياخذ اي محطه .
منطقه سيام سكوير .
مجمعات
1) سيام سنترال
2) سيام دسكفري

أخواتي البرنسيسة و المؤرخة ..
والله ما قصرتوا و جزاكم الله ألف خير ..
نعم أنا رايح إنشالله مع الأهل ..
و مفكر أقعد في بوكت في فندي لي ماريديان .. و في بانكوك في فندق أماري الجديد ..
9- شرايكم فيهم؟ و هل الأول على البحر ؟
كما إني أحب أعرف إضافة على الأسئلة السابقة ..
10- أين توجد النشاطات البحرية ؟ و هل بتنج بيش شاطيء سيء للعائلات ؟؟
11- ما هي النشاطات التي تنصحون فيها في جزيرة بي بي .. و هل فعلا يوجد زورق شفافة أرضيته ؟
12- أين توجد محلات صناعة المجوهرات ؟ و هل هي أرخص من التي عندنا بكثير ؟؟
13- هل توفر مكاتب السفريات تذاكر داخلية ؟
لأني لم أعثر على خط مباشر من عندنا إلى بوكت .. فقلت يمكن لازم أروح بانكوك ثم بوكت ..
فهل الخط الداخلي موفر لدى مكاتب السفريات المحلية ؟؟
14- هل هناك أماكن مغلقة للسباحة ؟ يعني مثلا مكان حتى لو صغير بعيد عن الناس تماماَ ؟ بحكم كونا خليجيين ولنا عداتنا و تقاليدنا في هذا الموضوع..
جزاكم الله خير

1. هلا أخوي وسامحني اني اول ردودي ماكنت منتبه وكنت أقولك اختي

هلا أخوي وسامحني اني اول ردودي ماكنت منتبه وكنت أقولك اختي

المهم بالنسبه لفندق مريديان ممكن يكون على البحر مباشره بس مايكون بشارع الرئيسي في بوكت ولي اهوه شارع بتونغ بيج .........ونصيحه غير هذا الشارع لاتسكن لان الباجي بعيدين ويحتاجون تاكسي والمكان ظلمه بالليل ماأنصحك تبعد عن بتونغ بيج .

• أين توجد النشاطات البحرية ؟ و هل بتنج بيش شاطيء سيء للعائلات ؟؟

على طول شارع بتونغ بيج راح تلقى مكاتب سياحيه تحجز من خلالها الرحلات وانصحك برحله الكانو لانها ممتعه جدا وغريبه وراح تزور خلالها عدة جزر منها جزيرة جيمس بوند ومدينه المسلمين اللي بوسط البحر وتتغده على جزيره والمناظر روعه .
وبالنسبه لبتونغ بيج بالعكس افضل من الشواطىء الاخر للعائلات لان اغلب الناس عرب اما باقي الشواطىء الاجانب و البارات ماأنصح فيها .
ما هي النشاطات التي تنصحون فيها في جزيرة بي بي .. و هل فعلا يوجد زورق شفافة أرضيته ؟
بصراحه أنا مارحت لها بس اللي اعرفهم راحوا لها يقولون مافيها الا السباحه وماتنفع للعايلات الان الاجانب يقدون يتسبحون والعرب يطالعونهم بس وبعدين يتغدون وبس
اذا تحب تركب القارب الشفاف تحجز رحله في عن طريق المكاتب السياحيه
أين توجد محلات صناعة المجوهرات ؟ و هل هي أرخص من التي عندنا بكثير ؟؟
تحجز من المكاتب السياحيه رحلة المصانع المجوهرات وهذي في بوكت وبصراحه روعه المجوهرات وفعلا ارخص منا وايد.
وفي بانكوك راح تلقى تقريبا بكل المجمعات محلات مجوهرات

• هل توفر مكاتب السفريات تذاكر داخلية ؟

أحجز من مطار بانكوك التذاكر الداخليه وانصحك تحجز من مكتب الطيران التايلندي لان ارخص واضمن من الباقي
ونصيحه لاتحجز الفنادق بالنسبه لي بوكت لا لما تشوفها لان مرات تحجز غرفه على البحر وبعد ماتروح تلقاها يادوب يبين البحر .ومكاتب السياحه اللي بالمطار وايد غالين لا تتعامل معاهم .
فهل الخط الداخلي موفر لدى مكاتب السفريات المحلية ؟؟
ماعندي فكره
هل هناك أماكن مغلقة للسباحة ؟
ما أعتقد

1. ياهلا بايام زمان


2. راح اجاوب على استفساراتك وان شاء الله اقدر افيدك فيها ..


3. http://www.travel4arab.com/vb/showthread.php?s=&threadid=2595

عليكم السلام ورحمة الله وبركاته

ياهلا بايام زمان

راح اجاوب على استفساراتك وان شاء الله اقدر افيدك فيها ..

• الأخ محمد أمين .. هو اخ مسلم تايلاندي ويتحدث اللغة العربية بشكل بسيط و وواضح ، وانصحك ان تنسق معه جميع رحلاتك والشوبينغ في بانكوك العاصمه .. فلديه سيارة اجره خاصه ( كورونا ) تويوتا .
• بانكوك لمتعة التسوق .. فلا تعطيها اكثر من هذا الاهتمام ، فهي لمحبين التسوق الدائم حيث ستجد على جميع الطرق مجمعات ضخمه ومتوسطه ومتنوعه .
• تجد الشنط النسائية التقليد في السوق الليلي ، ولكن لاانصحك به مع اهلك .. لان المنطقه ضيقه و بها بارات وديسكوات فعليك الايتعاد عن هذا السوق ، ناهيك عن موضوع ( المكاسر ) ستجد السعر فوق الجبل ولازم انك تتكاسر معاهم في السعر وبعضهم يعصبون عليك .
• عليك بمحل فريدة علي .. ومحلها في منطقة العرب ( نانا ) وتقدر تسال اي شخص هناك ويقولك وين محلها .. وباستطاعتك وانت مع الاخ محمد امين ان يدلك على محلها .. مع العلم اها تفتح من الساعه 6 المغرب الى 4 فجرا ً !
• انصحك بمجمع ام بي كي .. مجمع رائع وهو ليس الجديد في بانكوك حيث كل سنه يفتح مجمع جديد وضخم ولكن ام بي كيه يمتاز بتنوع متاجره واسعاره مناسبه ورائع للعائلة وأمان .

http://www.travel4arab.com/vb/showthread.php?s=&threadid=2595

• انا سكنت في فندق ( باتوموان برينسيس هوتيل ) وهو في قلب مجمع ام بي كيه ، كانت تجربه اكثر من رائعه .. ارتحنا من التاكسي و التنقل وشيل الاكياس .. حيث يوجد ممر في الطابق الثاني يؤدي الى المجمع بكل سهوله . انصحك بهذا الفندق خصوصا معك العائله .
• جزيرة بوكيت رائعة وهادئه .. وتوجد فنادق كثيرة بها .. وعلى حسب ميزانيتك .. حيث توجد فنادق راقية جدا مثل ( لي ميريديان ) وانصحك بفندق ( اماري كورال بيتش ) مناسب للعوائل وبعيج عن الصخب و الديسكوات .. ومحترم جدا ..
• وانت في الفندق يوجد مكتب صغير لتنسيق الرحلات .. عليك بالجلوس ورؤية الكتالوجات المصوره عن كل رحلة .. والاسعار هي نفسها في الخارج فلا تتعب نفسك نسق مع مكتب الفندق .
• بالنسبة لمكتب شحن موثوق فعليك بالاخ / مراد .. مسلم تايلاندي .. ويعرفه جيدا الاخ محمد امين .. فعليك بالتنسيق معه وسترتاح للتعامل معه ان شاء الله . ( مكتبه في العاصمه بانكوك ) .
• محلات الاثاث كثيرة جدا ومتنوعه حيث تشتهر تايلاند بصناعة الاثاث .. عليك بالطابق الرابع او الثالث في مجمع ام بي كيه .. حيث انه مخصص بالكامل للاثاث .. ستنبهر بشدة لمنتجاتهم .

مجمع ام بي كيه https://artravelers.com

• بالنسبة لفندق قريب وموقعه ممتاز وفي منطقة العرب هو فندق ( اماري بوليفارد ) بدون منازع

عليك بالحجز في المبنى الجديد ( نيو بيلدينغ ) حيث انه يتكون من مبنى قديم و جديد ,, وحتى لاتحصل معك مشكلة المبنى عليك بالتاكد من الفوتشر .. انك حجزت في المبنى الجديد ونوع الغرفه هو ( ديلوكس ) .. اذا كتب لك ( سوريريير ) يعني المبنى القديم حاسب ! .
فندق رائع بمعنى الكلمه وهو عائلي وموقعه ممتاز جدا جدا .. تخرج من بوابة الفندق لتجد في امامك سوبر ماركت متنوع ( فود لاند ) ويفتح 24 ساعه ! . الخلييجيين على طول فيه كانهم في الجمعيه .
واي استفسار انا حاضر يالغالي ..
الباتشينو .

السلام عليكم ورحمة الله و بركاته ..
ماشالله أختي المؤرخة راح تكسبين فيني أجر إنشالله ..
و لك مني خالص الدعاء على هذا المجهود الطيب منك ..
أنا بختار المارينديان إنشالله على اللي سمعته من سمعة طيبة من الأخوة و الأخوات هنا .. و لو كنت رايح مع شباب لما إهتميت أبدا بالمكان .. لكن مع عائلة فالمكان مهم بالنسبة لي و الله أعلم ..
و بالنسبة للحجز الداخلي .. بجرب أحجز من دولتي مقدما بدل أن أروح هناك و ما ألقى حجز لا سمح الله ..
أشكرك مرة أخرى
الباتشينو ..
صراحة فرحت لردك على موضوعي الصغير ..
ولا أخفي عليك سرا قد إستفدت كثيرا من المواضيع التي تكتبها هنا و جزاك الله كل الخير ..
باخذ نصيحتك و لن أذهب إلى السوق الليلي (ألزم ما على الإنسان .. راحته)
بالنسبة حق محل فريدة علي .. فما دام هي معروفة فإن شاء الله أسأل العرب اللي اهناك و يدلوني عليها ..
صحيح أفدتني بموضوع مكتب السياحة الموجود بالفندق .. لكن لا أدري إن كان أغلى من الذين خارج الفندق أم نفس السعر ؟
أما بالنسبة للأخ مراد المسلم .. فالمشكلة إني راح أقعد إنشالله في بناكوك يومين .. حق التسوق مثل ما قلت إنها ما تصلح إلا للتسوق .. و بسكن في سيام سكوير في فندق أماري .. لذلك قلت إنه لا يوجد داعي للإتصال بمحمد أمين لأني قريب من السوق + إن مدة مكوثي هناك مجرد يومين (أي بانكوك) .. أم تنصحني أتصل فيه ليوصلني لمراد ؟
و جزاك الله ألف خير

ياهلا ومرحبا بالغالي
عشان تروح لمراد لازم تتصل بالاخ محمد ولا شلون بتدل مكتبه ؟
واختيارك لفندق اماري ممتاز
الله يوفقك ويسهل عليك وان شاء الله ننتظر عودتك ومعاك الاخبار التفصيلية عن رحلتك .
وانطباعاتك بشكل عام . ولو تنزل هنا بعض صور الرحله تسوي خير
في امان الله و رحله موفقة /×/
الباتشينو

هلا أخوي ايام زمان أنصحك تروح مدينة الملاهي في بانكوك اسمها دريم لاند وانا بحاول انزل عنها موضوع
وبغد لاتخلي السينمات تراهم روعه ......وافلامهم جديده مو مثلنا قديمه وافلام تجاريه