مرحبا
بالنسبه لي الاندرقراوند افضل ويوصلك وين ماتحب
السياره المواقف غاليه
والفندق غالبا ياخذ عليك باليوم تقريبا من 20 الى 25 يورو
وزحمه افضل شي اتريح بالك
وسلم السياره في سالزبورج و انتقل الى ميونخ بالقطار
رحله موفقه

https://artravelers.com
مشاءالله عليك دايم أول واحد يرد
والله كلامك معقول بالنسبه للزحمات وغير كذا المواقف وضرايبهاا
لكن انا ماودي اسلم السياره بسالزبورق باخذها معي لميونخ وبسلمها هناك بعد ما أوصل الفندق وانزل غراضي مو أحسن ؟؟

هلابك
صراحه ماجربت لكن تصفحي بالمنتدى تقريبا لي عشرة اشهر
وتكونت لدي خبره لابأس بها
سفرتي بسبتمبر
وبستأجر السياره من قريهألمانيه بجوار سالزبورغ أسمها فريلاسينق تبعد 7 كيلو وبسلمها في ميونخ
أفضل كذا
عشان يكون حجزك من نفس قريه المانيه الى ميونخ الألمانيه
أفضل كذا عشان تفك عمرك من الضريبه من دوله الى دوله
يعني قدامك حلين
تستأجر من فيينا وتسلمها بزيلامسي
أو
تستأجر من فريلاسينج الألمانيه اللي بجوار سالزبورغ وتسلمها بميونخ أول ماتوصل لميونخ على طول
وهذا الأفضل
لأن فيينا بالمترو يغنيك عن كل شيء
ومتعة السياره فقط بسالزبورغ وضواحيها وزيلامسي والقرى المجاوره لها
يعني الريف فقط
هاذي أقتراحي لك
بالتوفيق

وليد الرس https://artravelers.com مشالله عليك 10 شهور وأنت تصفح
أنا ما خططت أطلع أوروبا الا قبل اسبوعين ولي اسبوع مسوي ازمه هنا لان سفرتي بتاريخ 3 أكتوبر
لكن فكرتك جداً حلوه
لكن السياره متى راح تسلمها ميونخ أول يوم توصل وين المحطه اللي تسلمها فيه ؟

ايه يالغالي عشرة شهور
الرحله الناجحه بأذن الله يكون تخطيطها مبكر
لتحصل على أفضل مواقع الفنادق وأفضلها سعر
وأفضل شركات الطيران بأقل الأسعار
عموما
ماأدري أنت تعرف الديره اللي قلت لك فريلاسينغ اللي بجوار سالزبورغ
وهاذا أسمها
لاتتلخبط لأن فيه ديره ألمانيه تتشابه معها بالحروف مع أختلاف حرف واحد فقط
الديره اللي أقصدها Freilassing‏
تبعد عن سالزبورغ 7 كيلو فقط
وخلي تسليمك أول ماتوصل ميونخ مباشره
وخلي تسليمك
بمحطة القطار المركزيه
أسمها
Central Station Munich,
وأبتعد عن تسليمها بالمطار لأن فيها ضريبه
بالتوفيق لك

طيب أذا سلمتها بمحطة القطار ارجع للفندق بالتاكسي والا بالميترو ؟؟
وش رايك افضل فندق بميونخ وقريب من كل شي لاني لسى ما حجزت خليني استفيد من خبرتك

هلابك
Munich Central Train Station
ممكن يكون هذا أسم المحطه يالغالي
عموما
أفضل فنادق ميونخ اللي يكون قريب من ساحة مارينا وهي الساحه الأشهر بالعالم
وتلاحظ ان الناس دايم يحاولون يكونون قريبين من هالساحه اللي فيها كل شيء
عموما أهم شيء وقتك متى
لأنه أخاف يوافق مهرجان او شيء وتصير الدنيا زحمه
أتذكر في أكتوبر مهرجان أسمه البيره
وميونخ زحمه بسببه
لكن الظاهر أنه بأول أكتوبر
عموما عطني تاريخ متى تكون بميونخ ومتى بتطلع منها عشان أرشح لك أفضل ثلاث فنادق
لأن فنادق ميونخ قعدت أكثر من شهرين أبحث عن الأفضل
وبسبب الزحمه بالتاريخ اللي أنا فيه لقيت حجز بس بعيد شوي عن الساحه يعني تقريبا كيلو ونص
فعطني تواريخك وأبشر بالخير

سلمها بمحطه القطارات
وفي فنادق كثيره قريبه جدا من المحطه
المريديان أو ميركور ستي سنتر أو ماريوت

حبيبي وليد الرس https://artravelers.com أنا إنشالله طالع لميونخ في يوم 15 أكتوبر هو آخر يوم لي بزيلامسي
وبجلس في موينخ الى يوم 19 أكتوبر طيارتي إنشالله
,,,,,,,,,,,,,,,,,,,,,,,,,,,,,,,,,,,,,,,,,,,,,,,,
https://artravelers.com الله لايهينك
ماقصرت يالغالي بحط الفنادق اللي قلتها من ظمن الخيارات
بس بنشوف اختيار وليد الرس