عليكم السلام ورحمة الله
هذا العرض غير ممكن....بحسبه سريعه ومن غير تفاصيل:
التذاكر لأثنين على السنغافوريه راح يكون سعرها 6688
الفنادق (لو فرضنا توزيع الايام 3 لكل مدينه والغرف ديلوكس) راح يكون سعرها 3700
يعني المجموع 10388 ريال.....
كيف المكتب يقول لك 7700؟!

السنغافوريه غير مسترده ب 2850 موجوده .. يمكن المكتب ماخذها بسعر اقل بعد !
ممكن بس يبي لك تتأكد من مصداقية المكتب ..
شف اسعار الفنادق في booking.com .. لنكاوي بحدود 400 .. وكوالا حولها .. مدري عن بينانغ !

10 ايام تعني 9 ليالي
السعر مناسب في حالة شمول مايلي :
1- تكلفه الطيران الدولي مع الضرائب لعدد لشخصين
2- تكلفه الفنادق المذكوره لعدد 9 ليالي شامله الضرائب والافطار لعدد شخصين.
الخلاصه يالغالي تأكد هل يوجد مبالغ اضافيه يلزمك دفعها او لا ..
وتأكد من مصداقية المكتب ..
وان كنت مخير بتوزيع الايام ... فارشح لك : ( على اساس انها 9 ليالي ... ارجوا التأكد من عدد الليالي )
(1)
كوالالمبور: ليلتين: فندق دورست ريجنسي
بينانج : ليلتين : فندق هوليدي ان
لنكاوي : 3 ليالي : فندق موتيارا
كوالالمبور: ليلتين : فندق دورست ريجنسي
ملاحظه : ان كان عدد الليالي 10 ليالي ... فتضيف الليله الى كواالالمبور
او هذا التوزيع ( تواصل الرحله الى بينانج )
(2)
بينانج : ليلتين فندق هوليدي ان
لنكاوي : 3 ليالي : فندق موتيارا
كوالالمبور: 4 ليالي: فندق دورست ريجنسي
ملاحظه : ان كان عدد الليالي 10 ليالي ... فتضيف الليله الى كواالالمبور
او هذا التوزيع ( تلغي بينانج )
(3)
كوالالمبور: ليلتين: فندق دورست ريجنسي
لنكاوي : 4 ليالي : فندق موتيارا
كوالالمبور: 3 ليالي : فندق دورست ريجنسي
ملاحظه : ان كان عدد الليالي 10 ليالي ... فتضيف الليله الى كواالالمبور
والخبراء بيفيدونك اكثر ان شاء الله

يعطيكم العافيه حبايبي
ميركور
احمد فهد احمد
النهر الجاري
من ناحية مصداقية المكتب والله ما اعرفه
اذا فيه امكانيه اكتب لكم اسم المكتب .. ردوا علي .
اما من ناحية الليالي نعم فهي 9 ليالي
والعرض يشمل تذاكر طيران وسكن وضرايب
ومن ناحية السكن نعم مخير يانهر
..
بس ماقلتوا شرايكم بالفنادق والطيران السنغافوري
انتظركم

كتابه اسم المكتب ممنوع يالغالي
فندق دورست ريجنسي : جيد جدا
فندق موتيارا لنكاوي : جيد
فندق هوليدي ان : ما ادري .. بس مو بطال ..
عموما فنادقك مناسبه حسب المبلغ المذكور

لاهنت يانهر ويعطيك الف عافيه
بس لو تكرمت ابيك تعطيني اسامي فنادق 4 نجوم
تكون حلوه ونظيفه ومجربينها
لان العرض على 4 نجوم
بكوالالمبور ولنكاوي
ومية ورده على شواربك
دمتم بود

لا العرض صحيح لاني مريت اكثر من مكتب و حتى انني وجت مكتب بجده نفس اسعار بوكينغ و اعرف اشخاص من
اقاربي ذهبوا عن طريقها و لكن لم تناسبني لان الذهاب من جده و العوده لا يناسبني وقتها حتى عرضهم لي
(فنادق خمس نجوم ب 15000 14 ليلة شامل التذاكر الدولية ع الخطوط السعودية في شهر جولاي و ل شخصين) لان المكتب
شاري مقاعد و غرف مسبقا
و لكن خذ ببالك التنقلات و الطيران الدخلي غير شامل و تأكد من عدد الليالي و الاطلالات في الفنادق و خاصه في
لنكاوي و بيننانغ

احرص على فصفصت العرض (اللي لك واللي عليك) بالتفصيل الممل
(نوع الغرفة + الاطلالة + الافطار + الضريبة + ....)
شوف فندق البيكولو في كوالا ممتاز وسعره بحدود 300 رينقت الى 350 رينقت

تريمكاسي
العرص على فنادق اربع نجوم
رح قل للمكتب ترى فندق موتيارا لنكاوي 3 نجوم ...
واطلب منه فندق برجايا اربع نجوم ..
لا يضحك عليك ويقول لك خذ باي فيو
صحيح انه اربع نجوم بس موقعه مو حلو ... فندق موتيارا اطلق منه بميه مره ...
عموما فندق موتيارا زين ..
في كوالالمبور :
عندك على سبيل المثال ( امبيانا - ميليا - دورست ريجنسي )
ركز اول شي على فندق امبيانا ... واذا ما عندهم .. خذ دورست ريجنسي ...
ميليا خليه اخر خيار ..
في بينانج : من الفنادق الاربع نجوم مثل هوليدي ان - باي فيو - فلامنجو
اعتقد والله اعلم ان باي فيو افضل واحد فيهم ..
اذا تأكدت ان المبلغ فقط 7700 ريال فقط ولا يوجد اي مبالغ اضافيه ... فاقولك توكل على الله واحجز
اتوقع بيعطوكم اقل درجات الغرف ... لكن برضه المبلغ زين والله ..
الطيران الدولي يمكن حسبوه لك 5700 ريال
والباقي هو 2000 ريال للفنادق ( يعني 223 ريال لكل ليله ) انا اشوفه مبلغ ممتاز ...
مثلا عندك اقل الغرف في موتيارا ما يقل عن 250 ريال
ونفس الحال لفندق ريجنسي ..
ونفس الحال لنفدق هوليدي ان او باي فيو
برضه اعيد واكرر تاكد هل يوجد مبالغ اضافيه او لا ..