يا هلا ويا مسهلا فيك وفالهلاليين و في هل السعودية كلهم .. عالعين والراس
وموقع النادي ان شالله يكون سهل عليكم هو بعيد شوي
طبعا بتشرفونا من طريق سلوى .. اخذ الطريق سيده لحد ما توصل دوار قطر للديكور .. اعتقد قبله دوارين او ثلاث مو متذكر الحين .. المهم دوار قطر للديكور اخذه يمين بجيك دوار سوق الخميس والجمعة اخذه سيده بعده بتجيك اشارات اخذها سيده بعدها دوار اخذه يمين بعدها دوار ثاني اخذه يسار اذا كنت عالطريق الصحيح بتلقى على يمين ويسارك محطة بترول (وقود)..كمل سيده لين توصل الدوار ( اسم الدوار دوار خميس العبيدلي ) اخذه يسار بعدها شوف .. كمل سي ي ده الى ما شاء الله حوالي 10 دقايق او ربع ساعة او حتى 20 دقيقه شارع طويل لين ماتشوف على يمينك مول لاند مارك بتشوف علامة مارك & سبنسر على المول .. اول ماتشوفها كمل سيده خل المول وراك بعدين انزل تحت جسر ( كوبري ) بتشوف دوار..اخذه يسار .. كمل الطريق والدوارات كلها سيده بتعاين ستاد الغرافة كبير وواضح ان شالله .. وحياكم الله في بلدكم الثاني

حياك الله في بلادك قطر
وبتوفيق للفريقين أن شاء الله
اخوي هاذا موقع النادي على الانترنت وهم راح يفيدونك بخصوص موقع النادي
http://www.al-gharafa.com/inner.aspx
وبخصوص اقرب فندق اقرب الفنادق له في منطقة الكورنيش جنب مجمع السيتي سنتر
ورشحلك هاذا الفندق اخوي ممتاز وموقعه مميز
http://www.retaj-alrayyan.com/
واسعاره مناسبه
واي خدمه احنا حاضرين

ألاخوان ماقصروا معاك واتمنى هل مره مايحصلك مثل ذيك المره

ياهلا فيك اخوي حمر408 واتمنى لكم طيب الاقامة في بلدكم الثاني قطر , ماقصروا الأخوان الله يجزيهم خير , بس انا عندي شرح ان شاء الله يكون أسهل لك , من اول ماتدخل قطر من منفذ ابوسمرا , امش على طول ( لا يمين ولا يسار ) حتى دوار الصناعية ( ألحين جسر جديد ) , أطلع من فوق الجسر وامش على طول , حوالي خمس دوارات ( دوار الغانم ودوار عين خالد ودوار السوق المركزي ودوار قطر للديكور ) وأخر شي دوار ونفق العسيري ( مدماك سابقاً ) أطلع من تحت هذا الدوار بأتجاه اليسار , امش على طول لمدة 10 الى 15 دقيقة حتى توصل مول اللاندمارك وبيكون على يدك اليمين , تعداه الى الجسر اللى بعده انزل من تحته وأخذ اليسار ( تحت الجسر ) اطلع من المخرج الخامس بأتجاه الغرب , اول دوار يجيك لف يمين , أمش 300متر بيكون الملعب على يدك اليسار , وهذي صورة من جوجل توضح مكان الملعب اتمنى ان يكون الشرح واضح .

وبالتوفيق بأذن الله للفريقين
ملاحظة : الشوارع المذكورة كلها مراقبة بالرادار .

n!ghtwolf
والبقآ
تسلم يالغآأآلي
والله مآيضيعني بقطر الا كثرة الدوآرآت والزحمة اللي عندهآ
لكن ان شاءالله بجي قبلها بيوم لعل وعسى اعرف الطرق والخدمات اللي هناك...!
بارك الله فيك وجزاك الله خير اخوي..!

qatar3333
الله لايهينك يالخ وؤوؤي
مشكور ان شآءالله الموقع اتضح مع الدروينق..!

عيد824
وبالتوفيق بأذن الله للفريقين
ملاحظة : الشوارع المذكورة كلها مراقبة بالرادار .
يعطيك العآأآفيه يالغآأآلي
ومقصرت
وبالنسبة لرادار الطرق اول مرة جيت فيهآ لقطر قبل 4شهور تقريبا
وكلينآ آكثر من 14 فلآش حق كاميرا الرادار..!
مدري اذا فيهآ صيدة ولاشي اذا دخلت قطر مرة ثانية بس بموتر ثاني..!

الله يعطيكم العافية اخواني ,, ويجزاكم كل خير ,,
بس حبيت استفسر من اخوي qatar3333 عن فندق رتاج الريان ,, هل يوجد بالقرب منه مول ,, وايضا هل هو بمنطقة الكورنيش ,, يعني موقعه مميز ام لا ,, اتمنى الاقي فندق في وسط الدوحة وقريبه منه جميع الخدمات من مولات وغيرها ,, ( يفضل انه يكون قريب من ملعب الغرافه ) ,,
والله يوفقنا واياكم لما فيه الخير يارب ,,

eng-fahad
بعد أذن مشرفنا قطر ...
أخوي فهد , الفندق مكانه ممتاز وقريب من الستي سنتر وكذلك الكورنيش , والطريق لملعب الغرافة سهل , وهذي معلومات عن الفندق :
فندق رتاج الريان
الدفنة، الحي الدبلوماسي
ص.ب. 24595 الدوحة
الدفنة ، الحي الدبلوماسي
تليفون
44420 00974
فاكس
54420 00974
بريد الكتروني:
الموقع على النت
ظپظ†ط¯ظ‚ ط±طھط§ط¬ ط§ظ„ط±ظٹط§ظ† http://www.retaj-alrayyan.com/ar/index.html