مرحبا اخواني واخواتي في المنتدى
انا رايحة مصر على شهر 5 لمدة اسبوعين..و لأول مره طبعاً..
فمحتاجة ردكم على استفساراتي ولا عليكم امر :
اولاً : بغيت شرح عن المطار وكيفية الدخول وتخليص المعاملات واخذ الامتعة وسالفة الجمرك لان انا بودي معاي لاب توب وكاميرا فيديو وكاميرا ديجتال..
متى لازم نتواجد في المطار في حالة المغادرة و ايش التسهيلات المتوفرة في المطار..؟
وياليت اعرف سالفة تسجيل الجواز اللي قريت عنها في المنتدى ايش تقصدون فيها..
ثانياً : سألت هالسؤال من قبل ومحد رد علي..بالنسبة للفندق وراح اعيد السؤال..
حبيت اعرف عن فندق هيلتون رمسيس..كلكم تقولون انه شبابي ومايصلح لعائلات..
انا احتاج مكان قريب من الجيزه و يكون قريب منه مجمع تجاري لان في صعوبة في الخروج الى مولات او مجمعات ثانية..يعني محتاجه مكان قريب ممكن اروح له في اي وقت مشي..والفندق يكون 5 نجوم ونظيف..
ولاتقولون لي مدينة نصر وستي ستار حذاه الانتركونتننتال..لانه بعيد عن الجيزه وايد ومايصلح..!
تعتقدون ان فندق هيلتون رمسيس سيء لهالدرجة مع العلم انا مسافرة في شهر 5..يعني مابدا موسم الصيف والزحمة..ممكن رايكم الصريح..!! احجز في الفندق والامور ماراح تكون سيئة وايد ولا بيكون مش اوكيه ابداً ومش مناسب لنا !!
ثالثاً : المطاعم والمجمعات انتوا ماقصرتوا فيها..المنتدى يكفي ويوفي في هالسوالف..وحتى الاماكن اللي نزورها..بس بغيت الاماكن المهمة وانا وحده ما احب المتاحف وايد..ودي اروح الاهرامات والقرية الفرعونية وقلعة صلاح الدين وحديقة الاسماك ودريم بارك..شرايكم هل في شي مهم ثاني لازم اشوفه؟
رابعاً : استفسار عن توفر خدمة الانترنت في الفنادق او الكافيهات هناك؟ وشلون اخذ لي كرت جوال مسبوق الدفع؟
واشكركم على مساعدتكم لي..