البكور
لايمكن تعميم سياسة البريستول على باقي الفنادق في جنيف
ممكن تحدد لي التواريخ وراح احاول اساعدك بإعطائك الفنادق المتوفرة في ذلك التاريخ
وللمعلومية عندي حجوزاتي هذا العام لعائلتي (نفس العدد) ريحت بالي واخذت سويتات او غرفتين من قبل ما اسأل
السبب ان غرفهم صغيرة جدا
والله المستعان

الاخ ابوعزيز الف شكر لردك ولعرضك المساعده والله اني كنت اقول للمدام ان ابوعزيز يمكن مسافر لانه لو كان هنا كان رد على طول ما شاء الله عليك عيني عليك بارده انا مسافر في 30/6 ثمان ليالي جنيف وثمان ليالي الثانيه انتر لكن احببناك من كتاباتك ونحن لم نعرفك فكتاباتك كلها لمساعدة غيرك مع ما يبذل من جهد فلا اقول الا خير الناس انفعهم للناس جزاك الله خيرا

يالغالي انا نفس المشكله بالورويك معي طفلين واجبروني على اخذ غرفتين ، بالنسبه لي كانت خيره لي حيث ان معنا عفوش الدنيا يالله تكفينا الغرفتين وانت تعرف غرف اوروبا صغيره مهيب مثل غرفنا .

البكور
كما ذكرت لك سابقا هذا شيء فرضوه علي الصيف القادم
وزي ما شفتي الأسعر نار
والحل الوحيد اللي امامي الآن هو شقة كبيرة في ضواحي جنيف في فرنيه
اللي تبعد 4 كم من البحيرة ولصيقة للمطار
وش رايك
اذا لا
خليني ابحث ثاني

انا الحقيقه ودي بشي قريب من الخدمات ومن البحيره على اساس تكون التمشيه سهله
بس وضع الشقق هذي كيف هل استطيع بسهوله الوصول الى جنيف
وماذا لو غامرت واخذت غرفه وحده فندق وسافرت هل يترتب علي دفع مبلغ اضافي مثلاً ام انهم يلزمونني بأخذ غرفه اخرى او ترك الفندق ولو تركنا الفندق بلشنا طبعاً تخيل شنط واطفال (هوم لس )
دائما لك جزيل الشكر انا اعتقد لو تدري الجهه المسؤوله عن السياحه في سويسرا كان عطوك نسبه يا ابوعزيز .

البكور
طبعا كل شيء يهون الا مخالفة النطام في سويسرا
وهذا الشيء لازم يعيه السائح ولازم يحترمه بكل ما استطاع لأننا في الأخير اخوي سفراء لبلادنا
تخيل العام الماضي حدثت مشكلة كبيرة مع احدى العوائل .
ما شاءالله عنده 4 اطفال ومصمم يسكن غرفة مزدوجة وعمل الحجز وراح وعمل شيك ان وما جاب سيرة انه معه اطفال وراح يدخل الواحد ورا الثاني تهريب
طبعا في الأخير اكتشفوا الأمر وما كلموه بالعكس ابتسموا
بعد الظهر عطوه ورقة وفيها مخالفة مالية وقالوا له لازم تراجع مكتب الشرطة اللي في المدينة علشان توقع التعهد وتدفع المخالفة وطلبوا منه يعمل شيك اوت بكل احترام ثاني يوم ووصلوه على حسابهم للمكان اللي يبيه
السويسريين معاشرهم ومافي اقشر منهم اذا خالفت نظامهم يتحولون الى شيء غير مرغوب به
لذا اخوي الأمر الواقع هو ان جنيف غالية واللي راح يسكن فيها لازم يعرف ذا الشيء ويتحمل نفقاتها والبديل هو السكن في الأراضي الفرنسية القريبة (5-15 دقيقة بالسيارة)
ومعنى هذا انك تحتاج سيارة ووما زال هناك غرف وشقق متاحة في الضواحي وهي نظيفة ومرتبة اذا حبيت ان تسكن هناك عطني خبر وراح اعرض لك كذا خيار لتختار منهم
وحكاية الجهة المسؤلة فهذا موضوع تم طرحه من قبل وبالفعل يوجد اتصال ولكن الغني هو الله (بدون نسبة) او فائدة وهذا شيء لازم يكون واضح لجميع الأعضاء اللي يلفون ويدورون على هذا الموضوع
بالتوفيق

شاكر لك اهتممامك بإخوانك وحرصك عليهم والتفاني بالرد على الجميع دون استثناء
فقل ما نجد موضوع الا ونجد ردك عليه
والله انا انسان ما احب مخالفة النظام حتى في البلدان التعبانه لاني بصراحه ما احب اكون في وضع محرج وموقف ضعف.
ابشرك تعوذت من الشيطان وحجزت غرفتين بس طبعاً على حساب النجوم تنازلنا عن كم نجمه علشان تضبط الميزانيه .
الف شكر لك عزيزي ابوعزيز تقبل مني فائق تحياتي وتقديري ،،،،،،،،،،

جالس ادور الموضوع هذا لين لقيته ..... ماادري وين شفته علشان اقول لك شفت فندق يلبي طلبك بجنيف:
لا وطلع فيه اخ اخر يتسائل: وين الحلاوة
http://www.suite-hotel.com/suitehotel/fichehotel/gb/sui/5654/fiche_chambre.shtml