والله ماعمري جربت القطار من المطار الى السكن
بس اذ سكنك في اجورد رود سهلة جدا لان محطة بندنجتون في اخر اجورد رود
وانا اسمع كثير من العوايل معنا هنا في لندن يقولون يستخدمون القطار

أنا بالعادة اذا رحت استخدم التاكسي
لكن المرة راح أجرب قطار الهيثرو اكسبرس
مدة الرحلة (15) دقيقة من المطار إلى محطة بادنقتون (على كلام الأخوان)
وسعر التكت معقول جداً
رحلتي بعد يومين وان شاء الله أبجربه

أنتظر منك رد بالتفصيل عن هذه التجربة
وهل تنصحني فيه خصوصاً انها أول مرة أزرو لندن ؟

اوي رحال بما انك اول مره تزور لندن انصحك بالتكسي اريح لك واوفر مثلا اذا انتم اكثر من شخصين والقطار اللى اعرفه انه يوصل بمحطه قريبه من الاجوارود ولما تطلع من المحطه تاخذ تكسي يوصلك للسكن اللى تبيه مصلا انتم شخصين التذكره الوحده ب15 باوند يعني الاثنين ب30 وغير التكسي اللى بيوصلكم السكن وغير اللفه والتسال وين المكان كذا وكذا يعني تقريبا راح يطلع عليك مابين ال35 الي 38 لو تاخذ تكسي من المطار الي السكن من 25 الي 30 باوند يعني اوفر وارخص ورقم صاحب التكسي اطلبه من الاداره يعطونك رقمه
واى استفسار لايردك الا الكيبورد

ماقصرت أخوي الكويتي ..
انا لو ألقى رقم صاحب التاكسي الي تقول عنه راح أكنسل فكرة الأندرجراوند
المشكلة ما أقدر أستقبل الرسائل الخاصة ..

أنا أفضل الأندرجراوند في أي حال من الأحوال..
أصحاب التكاسي الإنجليز أخلاقهم شينة!

بعدين يعتمد اذا معاك اغراض وشنط كثير او لا ..
ولازم تعرف انت وين بتنزل في اي محطه .. واشياء واجد .. انا بالنسبه لي وصلت لندن 3 - 8 .. ورحت على الاندرجراوند بس ماكان معاي الا شنطه وحده ولابتوب .. وسهله للحمل ..
وأعرف انا وين رايح وبركب اي اندرجراوند .. ووين بنزل ..
يعني .. واذا ماتبي وجع الراس وحوسة الدماغ اركب تاكسي الله يعينك بس رح يوصلك الى باب الفندق
وانا قاعد في لندن الى 25 - 8 .. اذا بغيت شي انا حاضر ..
وياليتك مااخذت سكن في الأجوور روود .. ما أحب هالشارع ياناس والله ما أحبه ..
الوساخه والقذاره .. والشي الثاني الناس ماشيه وتناظر في بعض كأنهم متهاوشين
شي غريب فعلاً .. بس يمكن انت اخوي احد وصّاك على السكن في هالشارع اوشي .. عموماً اجازة سعيده مع اجوور روود

وإنت أخوي برهوم شلون شفت الأأندرجراوند يوم إنك أخذت بنصيحتنا؟
طمننا عليك..
أما بالنسبة لتعليقك على أجوارد روود أقول لك هذا العرب وين ماراحوا...يعفسوون الدنيا ويوسخوها وبعدين يزعلون لين قالوا عن العرب متخلفين!!:112:

يا اخوان افرعوا معي انا مسافر الى لندن السبت 18 اوقست اول مره اسافر بحياتي حتى دول الخليج ما رحت ودي اسال كيف طريقة الاندر قراوند لاني رايح السبت وزميلي جاي من بكره الاحد وهو راعي سفر وحافظ لندن حفظ بس شارط علي اني ما استخدم تكاسي من المطار او جوى لندن يقول لازم تستخدم الاندر قراوند ،،،،،،
يقول 3 باوند فقط والاكسبرس ب8 باوند
هل هناك طريقه اعرف بها نظام الاندر قراوند ساكن في الاكسفورد اظن لان الي حاجزه زميلي لكن سؤالي كيف استخدم الاندر قراوند لاني زميلي الان بالنمسا وبيروح من هناك على لندن على طول ما فيه مجال اساله ( ساكن ببلاش) معه
وقالي لازم تتعود على الاندر قراوند من اول مره لا تروح في تكسي غالي