الاجواء الاسبوع الجاي حر
درجه الحراره في بيروت حوالي 31 درجه
الحمراء غلطان انك حجزت فيها لانها مو مكان رايق وكله زحمه وازعاج
من ناحيه التكاسي اي والله غاليه ونص لان البنزين عندهم غالي يعني تعبي السياره الصغيره بحوالي 230 ريال
اما استأجار تاكسي يكلفك باليوم 100 دولار يعني جوالي 380 ريال باليوم، ولاتفكر تستأجر سياره وتسوق لان السواقه في لبنان مثل اللي يبغى يطب في مسبح وهو مايعرف يسبح

7assan
تروح وترجع بالسلامة اخوي ,وماقصر الاخ سويسري بالرد على استفساراتك والسكن بالحمرا صحيح فيه نسبة ازعاج في اوقات الراحة والاجواء من الناحية الامنية الى حد الآن فوق الطبيعية اما بالنسبة لحالة الجو فالجو افضل من عندنا بوايد ماشاء الله الحرارة بارتفاع45وفوق بالنهار ماتعدى الحرارة 33درجة وحاول انك تزور الجبل وتستمتع بالجو الحلو لان في هالاوقات راح يعجبك والمطاعم والمقاهي عد وخربط في الروشة بالذات في شارع السوديكو وكذلك الحمرا والسوليدير وغيره والاكل اللبناني لايعلى عليه وفي الغالب المطاعم اللبنانية نظيفة
ونصيحة استاجر سيارة بسائق افضل لك اذا تجهل المناطق في لبنان وهو عندك طول اليوم واكيد بيوفر لك غلاء ولوية التكاسي اخوي وسيارة صغيرة مع سائقها تقدر تاجرها 80 دولار وانت مرتاح
مع تمنتياتي لك بسفرة ممتعة.

اخونا سويسري ما وخبيرتنا أصول ما قصروا
واضف خيارات شراكات التكاسي اللي تطلبهم بالتلفون (اسعارهم معقوله)
تتصل عليهم وتقول فين مشوارك وانت وين ويعطونك كم بيكلفك المشوار

اخي سويسري اختي اصول واخي هيبة ملك يعطيكم العافية ما قصرتوا والله

شكرا جزيلا فعلا ما قصرتو ..
الاخ السويسري اعتقد 33 براد لان درجه الحراره عندي توصل 46 هاليومين
السكن مالقيت شقق حلوه في الروشه واسعارها معقوله مثل فندق 35 رومز في الحمراء طالع علي بالاربع ليالي مع الضرايب حوالي 1800 ريال من بوكنق الا اذا عندك خيارات افضل فما استغني عن نصائحك مع العلم ان هذي اول مره اروح فيها للبنان ,,
اختي اصول بكم يكلف السائق وكيف نظامهم اترك سيارتي معاه ولا هو بيكون المسؤول عنها !!
هيبه ملك من وين اقدر احصل ارقام شركات التكاسي ..
عبير لبنان شكرا على المرور ..
وشكرا جميعا مره اخرى

تروح وتجي بالسلامه 7assan

7assan
حياك الله اخوي بالنسبة لتاجير سيارة صغيرة مع شوفير راح يكلفك 80 دولار بهالفترة تقريبا واترك سيارتك معاه واذا بغيته تتصل عليه راح اييلك حدد الوقت معاه ومعاك طول اليوم وحبيت اوضح نقطة في الغالب البانزين يكون عليك وطبعا على حسب مشاويرك ويفضل لاعبيتوا البانزين تكون معاه بس دير بالك البانزين غالي وتوه من جم يوم تقريبا ارتفع زيادة
واهم شي وناستك لاتحاتي شي وحبيت اوضح بالنسبة للسكن فعلا الحمرا ارخص من الروشة لان الروشة تتمتع بامتيازات افضل والله يسهلها عليك ويوفقك بالاختيار.

مرحباً أخي حسان
مثلاً شركة سيتي كار
0وايضاَ يوجد شركة الو تكسي اسعاهم جداً معقوله
ادخل على موقع جريدة الوسيط اللبنانيه وراح تفيدك كثير